Mathew Henry

                                Mathew Henry ( 1662-1714 )

Bible zirhtu, Pastor, Evangelist le Bible tawngta ten Mathew Henry ming heh thei ngawl tumah om tu ngawl si. Heitasim tiphang Mathew Henry in 1708-1710 ah Bible thukam lun ( OT ), Thukam ther ( NT ) sungah Thuthangpha pa 4 le  Lehnak te naper ( Acts ) laibu te pawl reltsiangnak ( Commentary ) ngan si. 1708-1710 laia a ngannak lai te heh a thi zawh 1811 kum phangbek a laingannak reltsiangnak laibu ( Commentary ) a suah thei silai si. Tselhphang ama bulpak ah ngannak Bible Complete Commentary ( Alian pakhat tselh pakhat, a koh pakhat tselh pakhat reltsiangnak ) heh 1706 ah suahsuak thei si. Christian Bible Commentary tampi sungpin Mathew Henry heh a masaber lam laingantu lakah peh ban deve si. Mathew Henry Bible Commentary heh leivum mun dangdang ah om Bible tawng, Pawlpi zirhdun nak le Training dangdang ahkhen mang veng nak si. Tusan Commentary ngantu mi tampi ten khen Mathew Henry ngannak vumah hambun in laingantu tampi om si. Mathew Henry ngannak Commentary le laibu dangdang te heh tuni tian umtu te umnak lamah le zirnak ah khangsonak tampi om si.

1. Thil thupi tak na puahsuak ot tu ten zing khawma no in tho ngalngal kul si. Eihmu rengreng ten lawhding awngkel tu ngawl si. ( Umtu Nun )

2. Mang suah ngawl nak tsimnak le theinak heh a thawnthong si men si. ( A tak in puahsuahnak )

3. Laiei hun kei nei bangin sawngen hun khen nei kul himhim sising. ( Sawngennak )

4. Khrih tawng ( The School of Christ ) ah puah masaber tuhheh mah le mah el ( Self-denial ) heh si si. ( Umtu Nun )

5. Umtu sawngen nun nei ngawl heh nung reng pelh haihawh ngawl thaw bangdun si. ( Sawngen Nun )

6. A liamsak kum reipi lai in Mathew Henry tangka bawm mi sual/mi phangawl ten long sak si. Heizongza ah angnak rel tu ti'n a dairy laibu sunngah tihen ngan si. A masaber in a liamsak hun hem ah misual ten ka tangka a long sak ngawl vumah ang sing. Ka tangkha long sak pelh napikhaw ka nei nak hem ( tampi ) a si ngawl tsa ang sing. Keimah in midang tangka longtu ka si ngawl ta ang sing ti'n ngan si.

Matthew Henry was an English commentator on the Bible and Presbyterian minister.

Born: October 18, 1662, Flintshire

Died: June 22, 1714

Reff: Cross Mission International

Rick Warren

                                                      Rick Warren 
                                                              (1954-)

Richard Duan Rick Warren heh America ah Pathian Thuthangpha reltu/phuangtu le lai ngantu minthang ngai  pakhat si si. Amah heh Lake Forest, California ah om in Saddleback Chrurch dintu le Senior Pastor si atsia US ram sung Pawlpi mipum tamber pa 8 nak si si. Amah heh Pawlpi lamhuai dundaan le Umtu nun laibu phapha ngantu khen si si. A laingannak sungpin " The Purpose of Driven Church " tinak le " The Purpose of Driven Life " tinak in leivum huap umtute theingai nak le million 30 vaallai zuarsuak si ongla si. Tulai tak Thuthangpha rel le Pathian thu ngantu lakah Rick Warren heh mi tampi ah theinak pa si.

1. Pathian in na dinmun tah na sinak sawn panin thupi tsiar sawn si. ( minung sinak )

2. Pathian in heizongza ah a thawnthong in mangnak nei/om ngawl si. ( Pathian sinak )    

3. Minung kei nunnak ah a kihnung ber heh thihnak si ngawl si, tumtahnak nei ngawl sawn heh si sawn si. ( Tumtahnak )

4. Nun man nei ber heh itdunnak heh si si. Itdunnak langtsiarnak phaber heh tu rori si. ( Itdunnak )
 
5. Khangsonak tinak heh a khawnu om ngawl si. ( Khangsonak)

6. Ngalnak heh midang thaw laklawh ah kamtu hawrkuam bang si atsia niamkiatnak in midang te thaw laklawh ah pehdun nak lei ( Bridge ) bang si. ( Ngalnak le Niamkiatnak)

7. Pathian kei muang theinak tuh lampi heh midang muang pin si. ( Muangnak )

8. Leivum naper heh tawl hun om pelh nakhaw Pathian naper heh tawl hun om ngawl si. Thi tian rori per tuh si si. ( Pathian naper )

9. Rangngai in piding tsah kho ngai in piding tu heh Pathian deih nak si. ( Pidingnak )

10. La 9 sung Enu pum sung ka om heh ka nung sung tsa timtuahnak tsatuh om atsia leivumah ka nung heh kumkhaw tsa timtuahnak si. (Kumkhua tsa )

11. Khawtizah tian nung tu titah sawn in khawtizah mannei in na nung tiheh thupi sawn si. ( Nun mannei )

12.  Thilpuahnak a puah nuamnak na thei ot lekhaw a puahtu pa dong kuul si. Leivum na nungnak ah hei tumtahnak tsa na nung ti na thei ot lekhaw a puahtu Pathian dong in.  ( Tumtahnak )

Born: January 28, 1954 (age 58), San Jose

Education: California Baptist University, Southwestern Baptist Theological Seminary, Fuller Theological Seminary

Rff: Cross Mission International

Mi lawhding te thuanthu tsom

Leivum mi hemah kei hil, kei zei nak liannak, nunnuamnak, thil tithei nak le tsimnak te a ngahtu minung te a hampannak  thuanthu kei panleh a si lekhaw mangbang nung ngaingai si. A nuailam a mi lawhding le mingthang tu te ninglam thuanthu sair deve in.

1. Lionel Messi   
 

Bawhlung zirnak ( Training ) ka kainak tuh tangka ka nei ngawlta Laphehti Dawr ( Tea-Shop ) ah naper veng sing tsi si. Tuhen si lekhaw Argentina ram le FC Barcelona le leilung huap in bawhlung sirh thiamber le mingthangber si ongla si.  "Ballon d'Or (Sui bawhlung), FIFA World player of the year, UEFA Best Player in Europe Award le ultsungnak lehsawng dangdang tampi khen ngah tu pa ah tsang si.                                    
  

2. Shah Rukh Khan 

Video lam ka buai pan lai in tangka heimah ka nei ngawl tsa rualpi te nenpin vak sukso nak tuh nitin Rs.20 pu veng sing tsi si. Tuhen si lekhaw India ram sungah Actor ( Minta ) thiamber lehsawng ( The Best Actor ) le Padma Shri ( India ram sunga lehsawng sangber palinak ) ngahtu pa si. Ama Minta a pernak le Video suahtu ( Producer ) mingthang ngai si atsia leivum ah thei nak pa khen si si.


 

                
3. Rajinikanth             

Kum 25 ka si lai in Mawtaw tangka khawntu ( Bus Conductor ) per awng sing ti si. Amah heh 1975 kum lai in Chennai, Tamil Nadu, India ram ah Minta thiamber ( The Best Actor ) si atsia India ram sung ahkhen Padma Bhushan ( India ram sunga lehsawng sangber pa 3 ) le video lehsawng tamber ngahtu si si.                                                                                                                                                                                        
                                                           4. Dhirubhai Ambani 
 

Tuma in Petrol Pump ( Zinan zuarnak ) ah napertu pa sing tsi si. Kum 1977 kawnvel in tsetzung le Company " Reliance Industries " dintu le neitu  si atsia ramsung minung te man tambernak puahtu pa si. A Company ah napertu minung 85,000 vaal lai om atsia Tuzah ngahnak Tax 5% heh a nenpin ngahnak si ti si.                                                                                                          

                                                                     
5. Sachin Tendulkar       

Tawng phun 10 poh khen ong theingawl pa sing tsi si. India ram a selnak sangber le mingthangber tinak Cricket thiamber " Master " ti'n konak pa si. Padma Vibhushan ( India ram sung a lehsawng sangber pa 2 nak ) le Rajiy Gandhi Khel Ratna ( India selnak a a sangber ultsung penak lehsawng ) tsotu pa si. Leivumpi huap Cricket selnak ahkhen nehnak thaw India ram hohatu ber si si.                                                                                                                                                                   

6. AR Rahman 

Tawngkai tsawl in Keyboard tum menmen tu pa si sing tsi si. India ram ah lasa thiam, laipuah thiam, Music lamah thiam ngai, Video tsa thuanthu ngan thiam mingthang ngai pa si, Academy Awards, National Awards le lehsawng siar tselhnung ngawl ngahtu pa si. India ram ber si ngawl leivum huap in thipinak arsi pakhat ti nak si. Amah pumpak zuamnak thaw a nei nak lathunnak " Panchanthan Record Inn " heh a suaknak khaw Chennai ah om si.


 

 
7. Bill Gates 

Phun sang tawng zirnak ( University Education ) men khen tselh ngawl pa si. Amah heh " Chairman of Microsoft " si atsia leivum milianber ( 1995. 2009 kum ) ahkhen a peh baan deve tu pa si


 

 
8. Abraham Lincoln 

Ka naupang lai'n kazep ( Kedawl ) khui tu pa si ti si. American President 26 nak si atsia President dang hem lakpin khen Pa ber tinak tsotu si. A naper ah a thupi lakpin a thupi ngai te heh ramsung rualremnak le Sel ( Slavery ) top tsiar heh si si.

                    A vumlam a leivum huap mi mingthang le mi lawhding te nunnak kei pan phang a suak thah in a keng nak si ngawl si. A nu le pa te ro tso tsa khen silawt ngawl tiheh tsiangno in mu thei si sing. Amahni nun thuanthu pannak kei paan phang zuamnak, pumpenak le nase ngai in zuam in mailam hawhtu te si. Mehte thuanthu pin kei zir tuh heh leivumah suakpah mitsim, milian, thil tithei thaw suak tu om ngawl si. A heizongza ah mah rori zuam in pumpunak vumah lawhdingnak tinak heh tutu sikhen ngah theihnung si ti thei dang reng a sing.

Reff: Cross Mission International

Uar tuh kei neih talam Jesuh ( 1Kor 1:30-31 ).

A masaber in hun pha a peleh tu kei be nak Pathian thangphat sing. Tuni ah ruat dang tuh ka deng nak heh leivum ah uar tuh tamngai pelh napikhaw, phatak no in ruat taktak phang kei uar tuh a om talam heh Pathian amah pakhat bek si. Tsimita Uar tuh a om talam Pathian thu dawmlai ruat dang a sing.

01. Diktsangnak ( righteousness ) : Job 1:8 sungah kei pan a si lekhaw Pathian amah rori in leivum pumpuluk ah amah bang mipha le muang tsak tumah om ngawl si a ti nak Job nunnak kei pan a si lekhawJob in mi tarah bawm, nu le pa nei ngawl te, mittsaw, kawngbai, numei te khen a bawm nak te hem Job in rel veng pelh atsia a relnak te Pathian haw zawng sawn si ngeltel kha si.Heita a Job in thilpha a puahnak heh Pathian in haw ha? Pathian a ma muitsu penak vumah thilpha a puah nak te a haw singawl in thilpha a puahnak vumah ngalnak in a mang sawn kha sawn kheh Pathian deih ngawl nak si. Kei puah/per thei ngawl nak le kei fel ngawl tahin kei puah/per lamtang vumah puarnak/ngalnak kei nei lekhaw Pathian ningtir nak sawn situ sising. Tsimita Job 42:2-6 sungah, ka awntselh sak vumah ka zak leita ta leivul le vutsam sungah to in sualsir tsawm nak nei sing ti si. Diknak le felnak thaw a dim Job rori in Pathian maiah a rel tsak ngawl a si phang keini e kei diknak le kei felnak te pawl Pathian maiah kawti bang si ol ha? Minung lam in heimah kei ti thei tungawl lam Pathian amah pahpah in a mu haam pelh sikhen a tsapa Jesuh Khrih manin Pathian maiah mi dik, mi fel in Pathian in kei sang silei Hallelujah.... Pathian tsungnung leilei tasen.



02. Thiangrimnak ( sanctification ) : Lev 19:2 sungah keimah ka thiangrim bangin  thiangrim un tiheh Pathian awntsang si. 1Kor6:9-10 sungah nupa sualnak a puahtu. milim a betu, ruko le hampum, zuri le mi relse te pawl Pathian uknak tso thei tu ngawl si u tsi ti'n Pathian in ti si. Me ngawl a dang tampi om lai si. Adam le Evi te sualnak sungah a du ma Pathian in amah thaw bangdun a puahnak sualnak heimah nei ngawl a thiangrim minung a om talam si. Tsimizawh Adam te sualnak heh tuni tian kei nitin kei puahnak te si ongla si. Profet Isaiah le Jeremiah sung kei siar lekhaw a phaber kei puahnak heh ningtsirnung si atsia thinlung sungah ruatnak phangawl dimpek  in a om si. Tsimi a om lam midang ten mu ngawl pelh napikhaw thinlung pantu kei be nak Pathian in mu reng si. Tsimita keimah ni lampin khawti zahzah thil pha kei puah a si khen vanram ah leng tu ngawl ti a thei tsa kei Pathian in Khrih manin mi thiangrim ti'n kei sang nom sak si.



03. Densuahnak ( redemtion ) : Isa 53:5-6 ah vaat in a  tuarnak te keimah ni tsa luatnak ngah nak sising. Sual man heh thihnak a ti ta misual keimah ni thi tu tahin amah sawn in tuar zo nung ngawl tuar in keimah ni tsa Thinglamteh vumah thi si. Puah tu in keimahni tsear pelh amah pahpah in puahsak veng leh veng heh kawtizah uar nung le thangphat tsak a sinak kheh si si. Kei nenpin limdik tuh heimah om ngawl pelh nakhaw a itnak manin Van sui khawpi sungah lut thei deve theinak tuh  misual nangmah le keima tsa a niamber kawlpaw lai penak kuang sungah tian keimah a zei heh kawtizah Uar nung sim? A dawtaber ah  keimahni tsa hibawl nak tuh keel thisen, kawlpaw tang thisen keng ngawl si, Ama thisen rori keng in kumkhaw kei nung theinak tuh sual man thihnak pin kei den silei. Pathian tsungnung leilei tasen.



*** Kei diknak le felnak sisen kei thiangrim nak te pawl in Pathian ram sungah kei leng thei ngawl tsa Khrih in kumkhaw tsa keimahni den suak si. Kei Pathian tsa a dang heimah kul leh ngawl la si. Tsimita Uar tuh tampi kei nei sikhen Jesuh bang Uar nung tumah om ngawl, Amah bek Uar tuh kei nei talam si.

A siartu anng veksen vumah Pathian in muitsu nang burh tasen.

Nawn Thang

Mah le Mah Son Tsawm

Kei omnak mun le ram heh thusondunnak thaw a dim leilung si si. Midang te son nak tuar heh a poi thei ngai si in sungnak tampi khen tawk thei sising. Sipelatsia midang ten kei vumah thuson tuheh kei ralring a si lekhaw pial theihnung lai si. Midang te thuson nak tuar tsahin  mah le mah son tsawm heh a kih nung ber le a launung ber si si. Tsimita Pathian in mah le mah son tsawm tuh ngawlin a relnak te pawl pan dang rih a sing.

1. Mah le mah son tsawm tseih men mah na un. Pathian thu kheh a zatu te bek si ngawl in a puahtu te sisawn un. (James 1:22).

2. Sualnak nei ngawl sing ti'n kei awn a si lekhaw, keimahni le keimahni son tsawm si atsia, kei sungah thudik om ngawl si. (1 John 1:8).

3. Mi pakhat khat heh heimah si ngawl pelh atsia singai in a ring tsawm lekhaw, amah le amah a son tsawm si. (Gal 6:3).

4. Mah le mah zol ( son ) tsawm mah na un, Nangmahni sungpin mi pakhat khat in me leivumah tsim in a ruat tsawm a si lekhaw, mitsim a si theinak tuh mitaw si masa tasen. (1 Kor. 3:18,19).

5.Nangmahni lak ah mi pakhat khat heh  benak lam ah zuam ngai bang pelh atsia, a lei keem ngawl in a thinlung ah amah le amah son tsawm a si lekhaw, benak lam ah mi zuam a sinak heh a thawnthong si. (James 1:26).

Khaw pakhat ah mi thuson rel mang ngai patang pa pakhat in, " Thuson ka rel ngalngal le a dawllam ah ka thuson relnak te pawl keimah rori in ka um deve nom " ti si. Tsimi bangin mah le mah son tsawm nak thaw nitin kei nung a si lekhaw, Pha le Se theinak ( Conscience ) thim perper atsia  thudik le dik ngawl khen theithiam ngawl tianin mah le mah son tsawm a beihno kheh si si. Mah le mah son tsawm heh ka nun tsa kumkhaw a kihnung, a launung si.
sa kumkhaw a kihnung, launung si.


Nawn Thang

Bualkhaw Pupa te hun siar daan

Masaber ah hun a siar pannak heh nazi 12:00a.m
1. Zaan laitak ( zaan tsanthep )
2. Ar veikhat khuang
3. Ar veinih khuan
4. Ar veithum khuan
5. Ar khuan ziing
6. Vaar sesep, Mualpi sen
7. Vaang lang ( Mah keng nak ralthuam le raal te mu theih )
8. Vaar tsiang
9. Mualpi niseh
10. Ni suak
11. Thanuam lovai thok hun
12. Lovaai thok hun
13. Sialsuah hun
14. Nupi lovaai thok hun
15. Naupang suun
16. Suun laitak ( 12:00p.m )
17. Suunkaai
18. Nilang kaai
19. Phiang kho suang hun
20. Phiang neem suang hun
21. Baal kho suang hun
22. Baal nem suang hun
23. Sialhawl hun
24. Laisuang hun
25. Mithi vii hun

Tua hun heh zaanlam nazi 4:00 p.m luun si'n naunei phangawl ti si
26. Tsangti mun hun
27. Nauzuan hong hun
28. Lovaai hong hun
29. Tsuur lovaai hong hun
30. Nau-u melmak
31. Naupang lamit hawh hun
32. Lam it hawh hun
33. Ngaknu leen hawh hun
34. Pa-ngaw ngaknu leen hawh hun
35. Ngak nu leen hong hun
36. Ngaknu leen khawborh hong hun
37. Pa-ngaw ngaknu leen hong hun
38. It hun
39. Laikham ( nazi9 luun )
40. Tokho ( a reiber nazi pakhat luun )

Reff : Mang.Vum Khaw, Pa Tsong Khaam thuanthu ( Myanmar, FBA Computer, 2011 ), pp.121-122.

Awn kalhdunte pawl

  Awn kalhdunte pawl

 1. Mitaw                             Mitsim

 2. Riikaam                         Pumpuar

 3. Atsop                              Asa

 4. Milian                            Mi tsarah

 5. A lian                             A koh

 6. Sang                               Niam

 7. Thurel                           Thudong

 8. Atam                             Adawm

 9. A pan                            A tawp

10. Angnak                        Lungsenak

11. Khawla                        Khawnen

12. ultsung                        Muniam

13. Maihawh                    Ningtolh

14. It                                 Haw

15. A hiam                       A bil

16. Hawh                          Hong

17. Ralpha                       Ralnawm

18. Thiphu                       Thinnuam

19. A tang                        A no

20. Rawlse                       Rawlthiam

21. Sawm                         Hawl

22. A thuk                       A dal

23. A kap                         A ni

24. A hang                       A ngo

25. Bawngpha                 Bawngse

26. A thau                       A rom

27. Melmawi                   Melse

28. A rim                         A uih

29. A thak                       A lum

30. Mi thazawng            Mi thanuam