'MUNG' tinak awntsang heh a dikbe thei ngawl si sing. Tibet, Chinlung nam pin kingnak si ol ongla si. Keimahni ngawn te ruak in 'MUNG' nei singawl in Zanniat lam te khen nei berh ten si.'MUNG' tinak heh ngaingaw thing asingawl lekhaw khuailiang thing mang si. Tsimi MUNG heh khawsung innpi pa inn ah phun dan si. Bualkhaw pin hen Pa Kar Thang innah phunnak si. A vung daan heh innpi innah khuamkaw tsoham lepin, mipa hemin hampalakah thokin vungin sii si. A hawh ngawl a om lekhaw tsaangtsang khendun veunak si. Epsen(Absent) meen dan singawl si,'HIPI' ti si. Hampalak ah thokdang in vungin a du zawh hen inn lamah hongin zam daan leh ngawl la si. Sii heuh nomin, phurin zawng dang tetepnak si. Lei tongtiar dan ngawl si. Ko kha sikhen kosaak dun dan ngawl si. A sii tselhtsang le puandim in tuam pek in innah phunper nom si. Langal lepin sathau nuutlep si. Zohsuam kha le siatsuah kha nungsang hen sarthih veu si nom si. Kum thum ah veikhat sa tel in be nak si. Khawvang te khen 'MUNG' bulah lungpeek noin sa li si.
Kum thum veikhat a siinak heh kum tin a bawl zo ngawl ta si. Kum thum ah veikhat Phaizawl-a te khen Bualkhaw ah hawh phei vengin mi upa dohte hawh phei atsia, a sasem kheh hon phei in khawsung pin mipa te semleh veng si. Nupang sem daan ngawl si. (Israel te liang si sing) A sasem nak heh asem te teen in a semnak a si manin a sem dun leh phangin mipa lamte hemin a sa koh no tso si. Mipa dawmte in a lianthah ruai in tso si. Tsimi akheh a ei tsetseihnak khen singawl si. Miphun siarnak si. Naupangte pe men poh si. Tsimi manin a Hi tsam phang khen mipa ming hem saal kul si.
A Hi tsamnak la heh:
"Salinak Mung in san a sang in, Thingpi hualdun tsa in sa na sang in. Lungpi hualdun tsa sa in na sang in. Tipi hualdun tsa in sa na sang in. Romei suul tsaam hualdun tsa in sa na sang in. A ninglun te tsa in sa na sang in" tiin tsam si.
Me 'MUNG' bawl ni hen awn phangawl khen awn dan ngawl si. Me MUNG bawl ni hen 'thi ta len' tiin mitsam omkha lekhaw khawsar thih in thiveu si, a zarh si. Me ni hen m thil ru nungsang heh ruko tsi in sual nom thei si. Nu le pa sual kha a om asilekhaw hen a nunsung hen misual si reng nom si. Sualsir leh in tho leh po theih nung leh ngawl la si. (Sualsir leh theih nung ngawl la ti nak si.)
No comments:
Post a Comment