BIBLE TI NAK HEH HEI A?

                            BIBLE TI NAK HEH HEI A?
PATHIAN heh keimahni puahtu, om rori si ti kei um asi lekhaw, keimahni puahtu keiPathian in keimahni thaw pehzom dun reng tu um siung.Timiman in Pathian heh person tinak pum in si ngawl
lekhaw thuphuan (Revelation) mangmuhnak thaw ,a mah veve leivum minung te nenah theitiar ,phuangtsawm, langtsiar si.Me pinhen Bible heh Pathian in minung te nenah amah veve  (reveal)
a langtiarnak, aphuangtsawmnak si maw singawl pan dang tu si ung.

 Bible tinak laitsang heh Greek awn (Biblion/Biblia) pin leng si atsia, adikbe, atinuamnak heh laibu/laibu tampi tinak si. Bible heh laibu ukkhat ruak si ngawl si, amah zong kum reipi sung, mun dangdang a laibu khonkhawmnak si, a sung a om laibu veksen hen Pathian in minung te nenah a (reveal) a langtiar, amah veve a thuangtsawmnak thu kheh khum si.

Leivum ah (Monotheistic)tinak Pathian pakhatbek om ti um sakhaw pathum te,Kristian, Islam le Judah te hen Bible heh Pathian in minung te nenah (true Revelation) amah veve a phuangtsawmnak, alangtiarnak diktak si ti in um si. Sipelhatsia Judah te hen Thukhamther heh pomngawl si, tsin Isalam te hen si lekhaw Bible heh Judah te le Khristian man in kumreipi (corrupted) siatsuahnak si ongla si ti si.Timimanin Profet Mohamad mang in me a siatsuahsak  Bible keh (correct) amah in remleh tuh in Quran kheh pe si ti'n um si. Tuni tian Isalam ten Bible a ukzah lam te heh Pathian awntsang si ti heh um lai si.

Bible heh leivum tsauk hem lakpin (Copies) Uk tamber, (Most Published) suah, suahmin tamber, mi tamber  a siar in zirnak si ti heh thei si ung. Barna Rrsearch Group te zingzoidan in a si lekhaw, America aom Innkhi 90% , za a sawmkua innsungsang tehen me Bible heh neisi. Leivum pi ah Bible heh awn dangdang phun 2,000 in let ala si , tsin  2 billion uk heh leivum pi ah zem, zuar nak si ala si.

Bible hehThukhamlun le Thukhamther ti in phunnih in khen si.Thukhamlun veksen heh JesuhKhrih suak ma in ngannak si ti heh Judah ten le Khristiante hen dik si ti a pomnak nei si.

The Protestant Bible, tua kei mangnak Bible heh uk 66 omsi, thukhamlun uk 39 le Thukhamtheruk 27 si. Lainganthiam Miung 40 te ngannak si atsia, zahlam ten 44 si ti in um si. Amahni hen kum 1,500 laklawh sung in Hebru, Aramaic le Greek awn ti in awn phunphum thaw in a ngan dang nak si.

Uk hem a hen (chapter) Alian le (verses) akoh ti in om atsia, Thukhamlun a hen ( chepters) alian 1,189 le Akoh 31,102 (verses) om si. The Original Texts tinak original Bible tsang asi lekhaw tibang tson Alian, Akoh ti in khennak omngawl si. Lailuan pi pakhat bang a ngan men nak si. 1448 in tibang in Bible tsang akoh le alian ti in  British Clergyman,Stephen Langton ten a khen pan nak si.