A Nung limdiiknak (Living Hope)
BawiKhrih ah le Thisa ah ka U le Nau te nangvek sen Kei Bawipa Jesushkhrih ming in, nang taklam kut nang kai sing. Ram sung le pulam, a om dangtu nangveksen nenah Pathian thupha! A tsungnung le a mawi ngai zing, tholehnak ni mannei tak a pe leh tu Kei be nak Pathian a ming thangphat nak in om ta sen!
“Kei Pathian heh pha si” t’n awn maihuainak in nei ot sing. Limdiiknak heh thil pa khat khat tsang/ leng tu t’n umnak thaw kei panlah nak si si. Um tu ten hei panlah tuh le limdiik tuh kei nei?. Sakhaw benak hem in vanram(paradise) tinak heh nei ten si. Me hem sungpin hen, tut eber a kho in le a dik sit u heh, nangman Bible pin Pathian rel nak thaw umnak nei tuh sawn sipoh si.
Peter le ninglun te pawlin Jesuh nenah, Isreal te tsaa uknak a din tu le din tu ngawl thu dong dang si. Sipelhatsia, Patian tumtah, leivumah Messiah aleh suknak asanheh, Ninglun te limdiik nak thil vumah si kha ngawl si.Kei lidiik nak heh Pathian tumtah nak thaw a kaih si kul si. “A nung limdiiknak ah, jesuhkhrih tholehnak thawm in” t’n I Peter 1:3 ah mu thei si sing.Paul in Rom sungah, kei mah ni heh Limdiiknak ah san nak te si sing, tsin, mu ngawl nak vumah limdiiknak nei si sing t’n kei rel si. Kei Bawipa Jesuh tholehnakah limdiiknak ther tsotu te si sing. Jesuhkhrih than sungpin a tho leh ngawl si tsuuk bang asin, kei limdiiknak te heh a thawn thong, heimah anempi ngawl sit u si. Tsin, me Khrihah kei limdiiknak heh tu kei san sungbek tsa asi asin, me ngeihhar nung ngai sit u si sing.(I Cor 15:19; II Cor 5:1, 4:18)
Thu umtu te Bawikhrih tholehnak thawmin kei limdiiknak heh, mu nak lai ngawl, a lengtuh lai vumah limdiiknak nei heh si. “Kei nihni hen, me leivumah omnak tuh kho nei ngawl in, a lleng tuhlai nak khawpi sawn a zei te si ung’’, me khawpi kei ngak reng nak heh a kho le a sat u pa heh Pathian ah si (Heb 13:14; 11:10). “ Ka pa innah omnak tuh khaan tampi om si, nangmahni tsaa ka puah nak, tsimanin, nang thinlung rimsu tiar tsawmma na un” me heh kei Bawipa thukam nak si si. Kei limdiiknak heh a ma nenah sawn si in, kei ruat tsawm men nak si ngawl, puruup tsop mennak khan si lawt ngawl si. A thupe nak le kam nak vumah umnak thaw limdiik dang te si sing. Tuhenheh, tsiang ngawl ngai le kim ngawl ngai in thei dang le kei nenah phuan suah nak a si lai ngawl ta, vei tampi thu um tu te’n kei thanau, beidong veng si sing.
Leivum harnak le buainak te man in, kei umnak te, kei limdiiknak te pai thong veng si. Bawm tu nei ngawl le harnak khaw thim bang in a leng si khen, “ Nu le Pa nei ngawl te bang in nangzam thong tu ngawl sing” a ti tu kei Bawipa phawk dang asing. Kei limdiik nak mun ralkhat rammawi kei lengphang, mitniirawnak, mitti luang, kapnak, natnak, tsarahnak, harnak, bauinak, remngawlnak, deihdandunnak, pawl khennak, thihnak te hem kheh Pathian in kei vor sak berh tu la si(Rev 21:) “ Tua ka tuarnak te heh, ka ngah/ tso tuh lai tsungnungnak thaw ka santeh le khawin a rel tak nom lai ngawl si” t’n Paul in rom sungah tha kei pe si. Harnak in ral phanak le umnak, limdiik nak te kol tiar veng si. Rebecca Win in media te thudong nak “tu rori hen na tsang ot bernak si theih nungtu asi tsuuk asin, hei ber na si ot ?” ah “ “ Bawipa, ka haui vut len” ti tu sing” ti deve si khaw. A thukamnak vumah umnak thaw limdiiknak nung kei nei thei ten nak tuh in Pathian in muitsu kei burh berh ta sen. Amen!
Ngahtu: thangzapiang
Piang,
ReplyDeleteNa sermonnak ka siar phang thazang tampi ngah sing.
Thazang khen tampi ngah sing. A siartu hem in khen
thanzang deve tu om sing. Pathian thu thaw na tsawm
man in tampi ang sing.