Pathian in keimah ni a ompi daan

                   Pathian in; phawk reng veng in keimah na nen ah om sing, Na humhmin veng tu sing na hawh na vak min mun hem ah.( Genesis28:15 )

            Pathian in a thu nung taktak a sile a thu kham kho taktak a si heh,,, SanSan nunnak ah lang tiar si.. San2 ah heh leivum a sinak ah mi tarah pit tseih mi harsa vansang tuartu si. Inn sungsang nei ngawl nak maan in, kum (11) no a silai pinpan mi nenah om in naper pan si. Harsa nak a phun phun kheh tuar si. San2 ah heh Christian inn sungsang pin khang si in a thinlung sungah Pathian thu heh a dawdawm in thei si. Sipelhatsia naupang a si laita pom tak lai ngawl si. Mun dang ah om a si bangpah in rualpi khen nei ngawl si. Nitin a awnpi veng nak a rualpi heh Laade le Arsi kheh si veng si.

             Amah heh (naupang lai sunday school te kai in)Pathian thu thaw khang a si ta Pathian in kei sawngennak ngai, kei ngennak te pe thei ti kheh a thinlung ah om veng si. San2 hen midaang (strange) te kheh ama ta thupi(special) ngai thei veng si. Thu ruat harsa ngai in thinlung tak in saw a ngen phang in a ngen nak kheh midaang pi pakhat in pe veng si. A sawngen nak kheh midaang pi pakhat in a pe phang in sawngen maan in ngah a si lam khen thei ngawl si. Midaang pi sawn kheh paak in thangphat in om veng si. A hawh a vak min mun hem ah amah kelentu tuh in midaang pi(strange) kheh om tawtop veng si. harsa vansan, thinpit, lungpit in a du dawn phang in a kiangah om mikhat in khen akut pin len in phong leh veng si.

               Tsin, A khangai thu ruat thei zawh in thu ruat veng si. Heita keima ta in kasuakpi, ka unau pi te tah in midaang pi ten keimah a bawm veng. Kum reipi sung thei zo ngawl si. Tsin, nikhat Bible a siar tseih le me Bible heh siar si.. ( Pawk reng veng in keimah na nenah om sing na humhmin veng tu sing, na hawh na vak min mun hem ah...( Genesis28:15 ). Me bible a siar phang in, kum reipi sung a thei zo ngawl nak aphi ngah si, pom si. A harsa vansan min mun hem ah amah kelen in bawm veng tu kheh midaang pi sawn si ngawl in Pathian amah sawn si ti a thei zawh in a thinlung sungah angnak bek dim si. Leivum ah mi tarahber le harsaber asi khen heh leh ngawl la si. A nung pathian in a thinlung sungah angnak bek dim tiar si.. 

Note: Pathian heh mu thei ngawl pelh napikhaw kei kiangah om reng veng si. Keikul, keisam min mun hem ah mi pakhat khat mang in keimah ni bawn veng si. Kei kun kei ngennak te ngai men za men ngawl in, aphi pe in keimah ni bawm veng tu kei Pathian aming thangphat nak om lelei tasen! Amen... 

ThianNei Par@Sana