Satan Meeting

            Umtu ti ko nak Christian te pawl thuson thei nak tuh in Satan le a rualpi te pawl ruatnak nei dang si. Satan (Khawvang) pa heh thusontu bawiber pa si. Ni khat ah Satan pa le a muangnak a thuronpi te le a rualpi te thurel dang nak nei si. Thurelnak ah thumaihuai awntu le meeting huaitu heh Satan pa si.  Satan pa in " thurelnak ah a lengtu nang veksen, tuni kei thurel dang tuh heh umtu te Pathian thaw a khawladun thei nak tuh le hei thaw thuson asin lawhdingber tu  ti ruat dang tu in nang sawm sing ".
              " Minung te nenah Pathian om ngawl ti asin a phaber lampi si tu um sing ", ti kum nautaber Satan kutnuai pa in ti si. Huaitu Satan pa in " na relnak tawh pha ngai si, timitsa, mainortu ( Forward ) ti ming pe a sing ti si." Man leita, sipelhatsia  tua thusonnak tawh a liamsak kum tampi ah lawhdingnak nei ngawl si ung, minung dawmno bek thuson theih nung si ", ti Satan papi in ti relnak nei sing.
            A vei 2 nak ah Satan ralkap pa in, " Minung te nen ah Hell ram om ngawl ti tsiangngai in rel thei asin  lawhding tu um si" ti si. Me thu ah Satan pa in lehrul vut nom si, " Me lampi tawh kum rei pi kei lawhdingnak sipelhatsia Me thu tawh minung te nen ah kei rel phang, pakhat le khat raldunnak, haudunnak le raldo dun nak te a om phang, kei sualnak a tamze ala tsaktawh me thu tawh si theihnung leh ngawl la si" ti si.
              " Pathian omngawl ti tah in Pathian heh heimah singawl, thil pakhat pakhat si men ti a singkhaw kei puah thei, kei per thei lekhaw heihem si thei, Pathian um kul leh ngawl la ti heh umtu te luak sungah thun sak thei lekhaw phasawn tu um sinng", ti Satan kutnuai ralkap pa in ti sing. Huaitu Satatan pa in si theih nung ngawl ti ringpi au in " tua na relnak tawh umtu nen ah Pathian thaw a khawla dun thei nak tuh hei si thei tu sim " ti sing.
              Dawtaber ah Satan pa in tibang hen ti si, " Biak inn ah pungkhawm a ma no khawm veng tu sisen Biak inn leng awng ngawl, pungkhawm awngngawl te nen ah a phaber thuson nak tuh heh ' A KHAWTHU ' ti mang in lawhding tu um sing. Minung te Pathian thu sungah om, sahnung, in le a nunnak ah Pathian bek ti tuh ngawl in a khawthu no in a mah ni nen ah a ming men um tu a si thei nak tuh lampi phaber tu si. A mah nin umtu te sing ti tu pelh napikhaw a sungah raula thianglim nei ngawl, om ngawl in raula lam ah tha nei tuh ngawl in puah kul si sing " ti si.

Me thuanthu no in Satanpa kut sung pin lut thei nak tuh deihsak nak thaw