Mr. Bawi Nun Thang ( Date: 01/07/2012 )
Bangalore
“Pathian pakhat , umnak pakhat, tinimnak pakhat, hei zongza Pathian le Pa pakhat bek om si.”(Efisa.4:5)“Lungrualnak”
Lungrual heh tutu in kei otnak, kei tumnak, kei zuamnak si. Lungrual heh mi hem a kul nak si. Lungrual heh kolnak, nehnak, lawhding nak si. Paul in Efisa khaw ten nen ah lungrual nak thu azirh nak aman ber heh Judah le Gentile te lak lawh ah remdun ngawl nak a om man si. Paul in Judah le Gentile te nen ah adeih sak ber nak heh lungrul no om he si. Paul in lungrualnak a tumtah ber heh Judah le Judah, Gentile le Gentile lungrual singawl in Judah le Gentile, Mipa le Nupang , Miluat le sal lungrual no a om sawn he si. On dang in le khaw deihdannak om ngawl si. Lungrualnak heh kaw nai pin pan sim ti le khaw (equality) bangdunten nak Jesuh Khrih nen pin si. Lungrual no a kei om thei nak tuh in hei kul naral pa/nu na it kul si. Mah ni ral it heh har tak si. Nang ruat ten tuh in thu pakhat nang dong rih ang. Nahaw tak nak na ral pa/nu heh tu puah nak a? Tu a aral tiar tu?. Jesuh khrih in ninglun ten nen ah azirh nak heh na ral te it in, sawngen sak in ti si. (Matt.5:44). Me heh aman lungrualnak hampan nak si.
Tuni ah Lungrualnak thaw peh dun in buainak hei om sim ti le khaw, Pawl le Pawl, Miphun le Miphun laklawh a si. Zahlam ten kei mah ni Pawl tile kei mah ni Miphun ti heh on nak za veng sising. Me on tsang heh a ther in ruat po dang leh asing. Taksa pum heh phun tampi om si: Lu, Kut, Mit, Kawng. Tuni ah Kei ram sung ah Umtu tam pi Lu, Kut, Mit, Kawng a tsetse khen ot tampi om si. Hei tasim ti le khaw taksa pumkhat sung ah a om nap ngawl ta si. Taksa pumkhat sung ah kei om nap ngawl le khaw kaw tin a kei lungrual thei tuh? Taksa pum kei ti nak heh Jesuh Khrih si. Taksa pumkhat sung a Lu, Mit, Kut, Kawng heh a tsetse in khen thei tu si tsi. Sipalhatsia tuzawh in a thup no in mirek tu situ si tsi. Their reng a sing. Paul in kawtin rel sim ti le khaw taksa pum a hen phun tampi om si. Sipalhatsia pumkhat ruak si ti si.(I Korin. 12:12). Umtu kei veksen Jesuh Khrih taksa pum khat sung ah a om te si sing. Tsita Pathian heh kei mah ni, Jesuh Khrih heh kei mah ni, Raula thiangrim heh kei mah ni ti in a tsetse seuh in khen leh ol ala sing.
Hei ta kei lungrual thei ngawl? Innkaw sungah, Pawlpi sung ah, Ramsungah, Miphun laklawh ah... Heitasim ti le khaw keimah ti lungput kei nei ta si. Thil kei ti sual le khaw keima sual tinap ngawl in midang nawn veng sising. Keikam pin a suak veng heh, innkaw sung ah, Pawl sung ah, khaw le ram, miphun lak lawh ah kei lungrual thei ngawl nak heh a ma man, amah ni man ti in mi dang nawn veng si sing. Kei maman ti heh tu mah in ti nap ngawl sising. Me heh kei lungrual thei ngawl nak a hampi si. Kei lungrual thei ngawl nak heh midang nawn leh ol a la sing. Kei lungrual thei nak tuh in kei mah ni pumpak ten pin pan a sing. Tsin, amah ni man ti lungput kei nei nak te zam thei zuam asing. Tu ni pin pan kei lungrual thei ngawl nak heh keima man ti thei tum asing. Kei lungrual thei nak tuh in a thupi ber heh nangmah le kei mah si. Kei thei tuh pakhat heh “Tua ka si, who am I”ti he si. Mah ni le mah ni kei thei tsawm ngawl asi le khaw, midang thaw kontik khan lung rual thei tu ngawl sising.
1. Kei lungrual thei nak tuh in me nun heh nei kul:
1. Mahni aptsawm nun
2. Sal nun
3. Sualzah nun
4. Niamkhiat nun
5. Thungai nun
6. Itnak nun
2. Lungrual nak heh kawnai pin kei pan tuh:
1. Mahni pumpak pin
2. Innkaw sung ah
3. Pawlpi sung ah
4. Khaw le ramsung ah
5. Leivum/ramhem ah
Kei veksen Jesuh Khrih sung ah Pumkhat sising. Lungrual no in a mah thangphat dang in, a na per dang asing.
A siartu nang veksen vum ah Pathian in Muitsu nang burh ta sen.
…………………………
__._,_.___
No comments:
Post a Comment