Isaijah 41:10
Zianghman tih hlah,na hnenah ka um asi.Keimah cu na Pathian ka si, zianghman in lophang ter hlahseh. Ka lo bawm dingih ka lo cakter ding, Ka lo hum ding ih ka lo run ding..
Veikhat lai hen lairam langlam Mission khual keivaak min khaw pakhat ah tsam siung.. Tsurruah sar laitak July la luun asimanin "Ruah thaw Huih thaw" nase ngai in ra si.. zaan keikhawm nak keinei tselh phang hen apawlpi upa pakhat hen ,"Thaizing nang hawh min tuhheh hawh theihnung leem tungawl baang si. Ruah atam leta man in tilian atsia Leidawh nak khen laan nom silei..tusiim khen keikhaw pite ruahsaar in lei alaa man in innlamah ahong theingawl tam ngawi om si" tiin keimah ni rel si..
Tsimi phanghen minung lam kei sinak ah ruat harsa ngai..keimah nile kei Group ahhen minung 6 kei sidang .sipelh atsia tileuh thiam pa 2 bek om.keimah nibang seem khawlampin tson tikhuar aa ngawl ti tampi riang mu ongngawl khai sinom phang hen lungmu har ngai in zaan phang sawngen daang siung.. Hawh mintuh le khelh leh mentheih nung singawl.. Peng 15 lai khawla simeek mission siata tsamrih men alasing titheihnung singawl phang lungmu harngai tithei nak le omngawl in zaan khen eihmu thei hah daang nom ngawl siung..
Zinglam khaw vaar tian khen ruah heh asar tseih sinom lai..sipelh atsia akul nakbang in khawpin suak ngaingai daang..akhawsung heh umtu dawmno omnak siman in laatu mino nei ngawlin lampi theingawl hawhtu Tilian thaw siphangin pastor pa kum 62 pa hen keimah niheh leh hang ngawlin laa si.Pastor pa hen akhaw tian hawh deve tu tumtah nak nei in Ruksaih phur in keimah nii luun atsia khaw pin kei suak zawh rei ngawl hen ruun lampin aso dangvaal panih keitawk le tilian tsawh kawti bang sim hawhzuam reng maw tiin keidong phangin "aa nang hawh theitu umngawl siung.ti leuhthiiam terianghen tinawi ngai thaw ta keiharsa ngai men siung" atiphang heh pastor pakhen heh thinnuam ngawl ngai si. Tsimi lakah lampi le "Vot" tamleita palmin tuh ber khen theihnung ngawl khai si.Vot aa einak minhem pin taksa thisen luang kuaikuai khen paan daang manngawlin daandaang siung.
Ruunti pi keileng ngaingai phanghen meiro zaamluanglai pah zongawl ruahkhen asar reng sinom.tRuunti pite nawi rui siin paan men heh kih thaw keithinphu thaw.. Ka pi nupang panih te thaw hen tikiang aa dingdaang in tiheh hawh teh tseih siung. Tinawi thaw ruahsar thaw ti akhak leta manin lehleh dang tuaktseih in thinlung sung noin sawngen daang thahtseih siung..
Kei sawngen nak tsingzaan sung kei thu ruat nak te athupi ngawl daan ti awhnung.kei hawh mintuh lampi heh tipi in khak Isarel tebang ah leiro ah hawhtu heh liimddik nung lehngawlla tikung ah keiding reng sianga..minung ruat nak in apit ngai.. Rikaam thah ngai in kei keng nak muk note eo reuhreuh daang in tikiang ah to dang.. Mipa tele pastor pa hen tikawnai min pin ten zuam ol ti khawzo daang tseih si. Ahar lei ta. "Heimah kih mahna un,nangnen ah om sing,keimah heh nang Pathian sing , nang bawm tu sing, himnak nang pe tusing" ati tu kei Pathian la kawnai ahha tiawh nung. Hawh hun le kim angai Ti le bang reng pah heizing leh ngawl la Pastor pa hen "heihei bang sikhen kei hawh kul si anga. Tsimi ngawl ta men keihawh tuh khaw ah lengman tungawl" ati phang hen naplah thaw kap awhnung si nom..hmmm minung lampin vang thazang dawngserh thei sie. Har leita. Tipi ten tuin Pasor pa le Keimipa pathuam ten kei "Ruhsaih" heh phur in Rawsaang ngai kheh keimah ni leen tiar in tipi ten pan dang sila ung mipa ten a kut in rawpi khen khai atsia leuh thah in hawhin.......... Ohhhhhh... Theiman nung main Tipi raal keileng daaang.. Alian ngai tipi keitinak heh kawti bang in keiten khen theingah daang leh ngawl.Pakhat le Pakhat paan dundaang in "Lam hruai tu kan Bawipa Kan lung aawi" tiin au dang siung..
Kei khuum leta pakhat le pakhat paan dun lehtset.. Pastor pa si angnak thurel daang in mualvuum ah aom khaw lam zuan so daang leh siung. Minung lampin vaang keivaansaan ngai. Pathian in Isarael te Tipi sen pi munnih ah khen in leiro vumah hawhtuin lam huai tu kei Pathian asi deve hen keimah ni Ruunti sungah thei man nung ngawl in him no in lam ahuai tu si deve si..
Ohh nang nen ah om sing atitu Pathian.. Minung lampin ruatnak adawngserh onla phang humhim in kelen tu pathian asi nak lang tiar aming thangphat sing..
Unau te minung lampin kei harsa ruat nak abo, ti daan tuh kei thei lehngawla phang Pathian lamah sawngen nak thaw anen ah nong lesing khaw keimah nitsa aremruat nak theithei tu sising. Tipi pes pin Izarael te a humhim tu kheh tuni nang le kei humhim tu Pathian si.. Aming thang lelei tasen!
Siartu vumah Pathian in Vanlam angnak muitsu nang burh tasen!
Laitsangsual note ngaithiam in theithiam sak sawh un.angnak thaw..
No comments:
Post a Comment