---- Khawsi Tiartu-------

Eer nak mun lamah kalsuan tseih sing
Limdiiknak bek lam-an keng in hawh sing
Thanopnak sunsiah ha in hawh sing
Tsimnak tawngphu no ha in hawh sing
Mualsang le lithuk khen naplah ngawl sing
Khawri le keekda khen lau hah ngawl sing
Ralhang le sahang khen kih hah ngawl sing
Sun ni nuai le thim zan lak ah
Limdiik ngawl in lo kha veng sing
Khawsi tiartu a tam man in......

Leivum pathian ka nu ka pa
Sulzawn laizawn ka u ka nau
Harnak tuar pitu, angnak ang bawmtu
Senkawn rualpi sungkhat u le nau
Ka nun piding pitu tsawmtu te
Paak otter in lehsawng zei sing
Sui le lungvar lehsawng pe ot sing
Ram khawla tipi ral tian zei tseih sing
Hawhlam honglam lo thah tseih sing
Khawsi tiartu a tam man in.......

Ka khangnak khaw ka leidaanak
Ka senak le phanak phurtu si tsi
Ka miphun pi, khaw pi, vang pi
Laikuang khat kil dang si sing
Lo kuam khat thok dang si sing
Ti naar khat in dang ong si sing
Khansonak mabang khat dang si sing
Khaw tsa ram tsa khualvak si sing
Lam laklawh ah lo kha thei si sing
Khawsi tiartu a tam man in......

Thisen luangnak Calvary lamzin
Bawipa Jesuh hawhnak lamzin
Umtu masa te lun nak lamzin ther
Zohsuamnak le nautatnak tuar min
Erhnak le veinak mitti rial bang saar
Umtu Christian te hawhnak lamzin si
A pannak kapnak, a tawpnak angnak
Bawipa tiar nak lamzin har ah
Sualnak lakah du kha veng sing
Khawsi tiartu a tam man in......

...... Amoschin..........
Uk Mang
KL