Pum sung lai om ngawl Phaanzi ( Tea ) in pha maw? pha ngawl

Mirang in Tea ti ko tsia kawl in Laphetzi si in
kei awn in phaanzi ti'n ko si sing. Phaanzi heh
mi tamngai ah in nak khen sisi. Mi zahlam
khat ten zing tho tsang in phanzi in khen om
si sing. Mi zahlam ten a si lekhaw laiei tselh
phang in atsia mi zahlam ten laiei ma in si
sing.

Phaanzi in lekhaw hei a tang thei ti heh
thei kul si sing. Tsimita phaanzi kha ngai in
lekhaw taksa ram ( rom ) thei tiheh thei ten
si sing. Phaanzi in kei taksa sung a Chlorine
te kang tsiar si. Tsimita Phaanzi in tu lekhaw
lai kei ei tselh in heh a phaber si. Pum sungah
lai om ngawl a si lekhaw in mah nen.

Asidaan heh tihen si pum sungah lai om ngawl
pi phaanzi kei in phang pum sung om lai rial
saktu Gastric Acid le a dang Acid te thaw rawidun
phang lai rial tuh a om ngawl ta Chlorine dat a om
ngawl man in Pum sung om Acid te thaw rawidun
phang kei pum sung a dangdang te hawh si.
Tsimi phang om daan nuam ngawl, pum na, Ek khal,
taksa thak, kuttin le kawngtin bum nak suak thei si.

A kum lai in laiei ma Phaanzi kei in le khaw a vuma
a tang thei tetawh mu thei si sing. Sii lam thiam ten
pum sungah lai om ngawl himhim in Phaanzi in kham
nak nei si.

Ref:GreatHorseTea
( http://innewsmyanmar.blogspot.com/2012/08/blog-post_2682.html )