Jesuh Khrih Nei La Tsi Maw?

Umnak tinak heh khaampi hongnak tabe ( Key ) bang si. Jesuh Khrih heh kei innpi bang si. Jesuh Khrih sungah a lutngah tu hem in sir leh om ngawl si. Lampi le thutak le nunnak a si Jesuh Khrih kei sungah a um deve pang a tawntai kei taksa, thinlung raula te thinuam angnak thaw dim si sing.. Amen!

Jesuh Khrih heh kei zalennak si ti thu thaw thazang le dang a sing. " Kei Bawipa Jesuh Khrih-a lainatnak heh thei si utsi. Ama minawm tsarah sinak thawmin nang hausa theinak tuh in, amah heh hausa pelh in nangmahni tsa in minawm tsarah in tsang si ( 2 Kor 8:9 )

Kei benak kei Pathian heh a hausa in heizongza vumah thu neitu sipelh nauno Jesuh Khrih heh tsarah nauta Mary mang in a niamber kawlpaw lai penak ah suak si. Sipelhatsia  Mary te inn sungsang ah Jesuh Khrih a suak tselhzawh in tsarah lehngawl la in ni suaknak lam mitsim te mangin Sui, Mura le zingmui thil manhar ruakruak tepawl Mary te inn sungah leng nom si. Mehen Jesuh Khrih omnak minah thil mannei muitsu in lun reng veng ti lang tsear si.

Muitsu hinkim ngahtu kei sinak heh Peter surseh in nga zei thu thaw thazang le dang rih a sing. Jesuh Khrih tsearnak bangin " Amahni'n sur kheh seh atsia, nga tam leita a ngah dang man in, a sur kheh a tawng thah theih si ongla si. Tsimi man in khawm danga rualpi te khen amahni zuan in a bawm tuh in kut zaap in ko si. Amahni'n zuan in bawm atsia, ngan a ngah dang nak kheh kawm panih ah a dimpek manin, tu sungah niim tu in thawi si. " ( Luka 5:6-7 )

Jesuh Khrih a thihnak pin a tholeh zawh khen sur seh tsear thotho si. Simon Piter kheh lawng sungah kai in nga lianpi pi a ngah nak sur kheh a dalnak lam ah suk si. A ngah nak nga heh pum za le sawmnga le pa thum si si. Tsizah tam pelh si khen a sur bal ngawl si. Me thil heh Jesuh Khrih thihnak pin a tho ma le a tho zawh tawk nak thil si. Jesuh Khrih thihnak pin a tho ma si lekhaw sur bal dawn atsia a tho zawh a si lekhaw sur bal ngawl si.
 

Unau te tsarah zohsuam tuar'n thinglamteh vumah rek pin a tholeh Jesuh Khrih a sannak kei tso a si lekhaw kei sungah Jesuh Khrih om si ongla si. Tsimi Jesuh Khrih thaw kei pehdun nak manin kei raula tsa van muitsu a phunphun kei nenah pe si ( Efesa 1:3 ). Kei laisuang nak bel, pakan, tsi, siiti te khen muitsu pe atsia kei puah kei per nak hemah muitsu pe si. Nitin kei nunnak tsa dasam po ngawl in ( kei sur bal/tawng ngawl in ) muitsu siar tuh tampi mu thei sising.

Unau te kei pumpak ah sisen kei inn sungsangah sisen Jesuh Khrih nei ongla sising maw? Nei laingawl  kei om pang a si lekhaw Jesuh Khrih in heimah in khen lei theihngawl a si na nunnak muitsu pe tu in na inn kaampi ah ding in kongkhawng tsei tseih nang si. A kongkawng aw na thei ngawl si lekhaw tuhen thei la konghon nawmnawm in.

Jesuh Khrih nei ngahtu te nun heh sui le ngun, lung manpha neitu te tsah tsungnung sawn si. Sipelh atsia a muitu penak bek pan in na nuam tseih men a si lekhaw a rei awh ngawl si. Muitsu neitu Jesuh Khrih bek pan in a deihnak puah in. Jesuh Khrih heh mi hem tsa a si bangpah in nangma/keima tsa khen si si. 

 A siartu nang veksen vuamah Pathian in muitsu nang pe tasen......

Nawn Thang ( Malaysia )