Watchman Nee

                     Watchman Nee
                            (1903-1972)

Watchman Nee heh 20 Century lai in China ram ah Pathian thu ngantu, Pawlpi huaitu le thuthangpha reltu si. Amah heh kum 20 vallai thawnginn ah om atsia Communists te erhnak le nase ngai in harsanak tuar si. A rualpi Wangzai,Zhou-an Lee,Shang-Jie Song le midang te thaw The Church Assembly Hall din/pan si astia dawlam ah ‘Local Church’ ti’n ko si. Nee heh 1920 ah Khristian tang atsia kum 17 a si phangin Pathian thu ngan pan si. Kum 1921 ah Mirang missionary M.E.Barber thaw theidun in laingan daan, thuzirh daan le a kulsamnak te M.E.Barber nenpin zir si. Nee heh Bible tawng kai ngawl pelh atsia laisiar zuam ngai a sita laibu phapha a siar nak pin Pathian thu thei ngai si ( laisiar ngawl in mibang ngaingai theih ngawl ). Kum 30 Pathian na a per zawh, 1922 ah China ram sungheem vek/leng in Pawlpi din perper si. Shanghai khawpi sung ahkhen Pathian thu relnek, zirhnak ( Conference ) nei veng si. Kum 1952 ah a umnak le Thuthangpha relnak maanin leen atsia a thih tian (1972) thawnginn ah um si. China ram ah Thuthang meitsar tiktu/laptu Paber dinmun ah ding thei deve si.
    
1. Umnak taktak heh kiangkap pan awng ngawl si. Pathian amah bek panso rengreng veng.( Umnak )

2. Leivum na nunnak heh nangma tsa bekbek in nung kha tsi maw? ( Nun daan )

3. Pathian tsa naper heh a thawnthong om ngawl kel ngawl si.( Pathian tsa naper )

4. Kei nun lun heh thinglamteh  vumah tselh ongla atsia, kei nun ther heh tholeh ah pan leh ongla silei.( Nun ther )

5. Pathian in kei kulsamnak vumah dasam in vei khatno poh khen koih awng ngawl si.( Pathian ah tsawmnak )

6. Keima tsa heimah kul ngawl sing, heizongza heh Pathian tsa si tasen. ( Pathian tsa petsawmnak )

7. Khristian nun ah a thupi ngai pakhat heh : Keimah heh keima si ngawl tiheh si si.(Pathian tsa sinak)

8. Pathian tsa ti kei pe nak ah a lun ti om awng ngawl si. ( Pumpek tsawmnak )

9. Tu le tu sualsirnak nei heh Pathian deih nak si. ( Sualsirnak )

10. Jesuh Khrih heh Pathian tsapa si atsia misual te a san man in thi atsia ni 3 zawh in tholeh si. Meheh leivum le van nuai ah thutak tsungnungber si si. Thutak tsa keimah khen thihnak tsian tuar sing. ( Wachman Nee a thi madoh a ngannak lai si )

Born: November 4, 1903, Shantou

Died: June 1, 1972, Anhui

Reff : Cross Mission International