Third Century, Rome khawpi sungah suangbawi pakhat om si. A ming heh ST.VALENTINE si. A naper heh khaw sung om khangai dangval te neidun phang letthat saktu si. Amah heh itnak in hei zongza remreel thei ti'n a um ta itnak heh nase ngai in thupitan ngai si. Tsimi hun lai'n Rome khawpi sungah a om inn sungsang te hem sahnung ngai in nun khawsa dang si. Mipa ( PA ) ten inn sungsang tsa ti'n naper zuam dang ngaingai atsia nupang ( NU ) ten tsate inn ah phatak no in kalen si. Tsimita Rome khaw sung nun khawsa daan ah sahnung titen si. Rome pi heh Claudius II Emperor in a uk phang ralkap tha dawm ze taaktawh khaw sung om mipa te ralkap lut ngawl theih ngawl lut tiar tu'n thupe si. Ram sung om mipa ten inn sungsang le zii zamhang ten ngawl ta ralkap lut nap tumah om ngawl si. Tsimi thu a za phang Kumpi Bawipa thinraw in ram sungah a om khangai dangval te zii huaidun (neidun) thei tu ngawl, huaidun lekhaw len nak si tu si ti thupe si. Emperor daan ther manin inn sungsang sahnungnak om leh ngawl in khangai dangval te khen thinphu in lau ten si. St. Valentine khen tua daan ther thaw a tawk deve manin letthat khuan ngah ngawl sipelh a thup no in letthatnak nei sak kuhzeen veng si.
zan khat ah St. Vanlentine a thupno in kop khat a letthat sak laitum in khaampi khawng nak aw za si. Monu le Mopa ten tu si ol ha a ti phang Vanlentine in ralkap te situ si ti si. Vanlentine in ralkap te a si lam a theitsiang ta keima tsa thin hehnung om mah na un ti'n monu le mopa te kongkhaam dang pin suak tiar si. Ralkap te lut in monu le mopa a dong phang Vanlentine in thei ngawl sing, amah ni a
daan manin keimah ka len un ti'n ralkap te ti si. Itdunnak heh a um ngaingai nak a si tsa a thilpuahnak te sual in mu tsawm ngawl si. Vanlentine heh ralkap te kut sungah a si ongla ta thi tu bek ngak in om si. Thawnginn sung a om lai in mipi ten Vanlentine tsa ti'n kongkhaam pin papar leh/theh nak nei si. Mipi lakpin khangai mawi ngaino, deih ot nung khangai pakhat nu heh Vanlentine nenah laizir tu in ap si. Me nu heh thawnginn kiltu pa tsanu si. Vanlentin tsa limdiknak petu le thazang ther nei tiar theitu nu si. Dawl lam phang pakhat le pakhat it dun ngai in tang si. Feb 14 heh Vanlentine thih ni thiam nak ni a sita a it nak khangai nu tsa dawltaber thut (Kiss )thah lai tsomno pe si. A it ber nak a dangval pa pawk reng nak tuhin Feb 14 heh Vanlentine's Day ti'n ko si.
Reff: the story of Vanlentine's Day
Note : Vanlentine's Day Thuanthu tampi lakpin thuanthu pakhat si si
No comments:
Post a Comment