Heita ha kei El a na veng?

A heita uhaam, nuapang te nei ngawl in kei El a na veng? Naper tam, thilrit dang/kai tam, le kum upa ta el nei si ngawl si. El lam thiam Doctor ten a nuailama pakhat khat manin El na thei ti musuak si ti si

1. Vitamin D dasam tsa.
Sualsam tsa singaw lekhaw damngawl nak manin si ngawl El na nei te heh Vitamin D dasam tsa si ti Stewart B Leavitt in rel si. Kei taksa sungah Vitamin D a dawm phang kei ning ruh ( El ruh ) nuailam sengdun manin Vitamin D dasam heh launung ngai si ti si. Vitamin D kei kham lekhaw El na tampi bo/pai tear si ti Stewart B Leavitt in ti si.

2. Pungman eksang theingawl tsa
Kei rilpi nuailam a pit phang El nuailam in tuar si. Ek khal in kei sang theingawl phang El na thei si. Ek khal tuh ngawl in titsop tampi in kul si. Ari nei ( parawng, Peti ) lai tampi ei in. selnak khen puah in.

3. Kei thinhar kei thintawl phang
Minung kei taksa tuar thei si theinak tuh heh kei thin vumah tampi rambun si. Thinharnak tampi kei tawk phang kei el heh ama thu no in na tawm men si. Kei thinhar thintawl phang thinnuam theinak tuh zei kul si.

4.El ruh a kawi tsa
Kei kum upa phang kei ning ruh taksa ramkhal te dawm ta le Calcium dasam nak manin El ruh pi ALIGNMENT manin El na veng si. Kei kum tam ongla ta poh kei el na timen ngawl in mah thaw a kaih taksa tsa selnak pungman no in puah a si lekhaw El na nemtuam thei si.