f Dasamnak bawmdun thiam te Nupa | Varnak Thuthang Blogger Widgets

Varnak Thuthang Blog pin ang no in na muak si ung..... Pathian in Damnak, Tsimnak, Lawhdingnak, Thinnuamnak na pe tasen....
 

Tuesday, 16 July 2013

Dasamnak bawmdun thiam te Nupa

0 Midang Ruat Daan

      Khaw pakhat ah tsarah nupa te om si ti si.
A pasel zing naper a hawh tu phang," Ka sam
a sang ngai ongla ta nok tuh ngawl in sam
khiat nak tuh samkhiah ka lei saksawh la ee"
ti'n ngen si. A zii samkhiah lei sak tu a ngen
nak a za phang a thin nuam ngawl thaw a zii
ngaihhar thaw thinna ngai in om si.
      " Napernak ah ka kul tsam nak ka Nazi rii
a se theng nak tuh poh khen tangka heimah
nei ngawl sing", ti'n mitniraw thah rel si. A zii
in khen leisak rori tu in a ngen ngawl atsia a pasel
khen naper tu in inn pin suak deve si.
      Siim lam naper tselh inn a hong thahlam in
lampi kianga Nazi dawr ah lut in a nazi ri se
kheh zuar si. A ngah nak tangka in a zii ngen
nak samkhiah lei sak si. Ka zii ngen nak samkiah
ka leisak thei ti'n inn lam ah ang ngai in hong si.
      Inn a leng phang.... A zii sam tsomno lam kheh
mu si. Aitsaan ngai in a kiangah hawh atsia a zii
kut sungah nazi therbek a vong lam mu si. A zii
in a pasel kultsam nak, om ngawl theih ngawl a si
nazi lei nak tuh ti'n a sam sang pi kheh tsomno in
ten atsia a sam zuar in a pasel tsa nazii a lei sak
lam a pasel in thei si.
       Tsimi phang a nupa pakhat le pakhat pandun
in sup khokho nak a mitti sup zo ngawl in luang si.
A luang kuaikuai mitti heh a pasel in samkhiah ther
a leih ta si ngawl si, a zii in nazi ther a leih ta khen
si ngawl si. A leisak dun nak te mang min tuh a om
leh ngawlla ta khen silawt ngawl si. Pakhat le
pakhat vumah koih nak itnak, deihsaknak, sunsak
dun nak te a mu ta sawn kheh si.

         Itnak kei ti tseih nak heh pakhat ah damsam nak
te bawmdun phang kei it nak nu/pa te thinnuam tiar
si ngawl naam?

No comments:

Post a Comment