Vei khat lai'n mi pakhat in zii pa 4 nei si.
Zii pa 4 sungpin pakhat nak ah a itber nak nu heh pa 4 nak nu si. Heita tiphang pa 4 nak a zii in amah pahtak no in kalen atsia a kiangah a om rengreng veng ta si ti si.
A pa 2 nak a itber nak nu heh a zii pa 3 nak nu si. Zii pa 3 nak nu heh a mel le mawi, a ruangrai le a han ta mipi mai, puai tibang, a rualpi te nenah keimah huai nomnom veng si ti si.
A zii pa 2 nak nu heh a masa te bang a it ngawl pelhta a si khen a muang ngai nak a zii si deve si. Thubuai pakhat khat om le khaw thuronnpi, a pasel khen bawm ngaingai veng tu si ti si.
A masaber a zii heh heimah itnak thinlung kohno khen nei ngawl si. Aman a it ngawl tapelh a si khen a kiangah om in a kul le sam nak te puahsak veng si. A pasel vumah thinna nak nei ngawl in tuamlawm si, pha si.
Limdik ngawl pi in patang pa nase ngai in na atsia a nung tu lam a um leh ngawlla phang a zii pa 4 te tihen thudong si....
A itber nak a zii pa 4 nak nu ko atsia,' ka thi lekhaw ka nenah thi deve thei ol tsim?' ti in dong si. A zii pa 4 ni in el si, nangmah thi thei tu ngawl sing ti si.
A itber nak a pa 2 nak a zii pa 3 nak nu khen amasa bangpah in dong lehleu si. A masa tah roh sawn in,"na thi lekhaw midang mipa nei leh tu sing" ti si.
A zii pa 2 nak nu khen a masa te bangpah in thudong lehleu si. Anih in lekhaw,"na thi lekhaw na thaan ah papar koih tu sing, tselh phang nangma tsa saw na ngen sak tu sing" ti si.
A dawtaber a si a zii masaber nu dong lehleu si. A zii masaber si lekhaw dangse ngai in O tum si. Nangmah thaw kumkhaw na ompi tu sing. Kawnai kawnai na hawh a si si khen na nenah lun tu sing ti si.
Minung kei nunnak khen a vum lama thuanthu tsomno bang si sing.
A zii pa 4 nak heh kei ruangpi, kei taksa bang si. Kei ruangpi kawtizah kei it ta pelh a si khen ni ni khat ni ah keimahni zam leh thotho si.
A zii pa 3 nak heh nei nak thilri (hausanak,lianna) bang si. Kawtizah milian, thilri tampi ka nei pelh a si khen kei thi phang kei nei nak hem heh midang kut sungah leng si.
A zii pa 2 nak heh kei nu le pa, innkaw pi, sungkhat unau te bang si. Kei thi phang keimahni ngai in kap, thaan sial sak bek ngawl heimah tithei ngawl si.
A masaber a zii pakhat nak heh Bawi Jesuh bang si. Minung ten kawtizah in kei haw, kei it ngawl tapelh a si khen keimahni it in kei kiangah a om reng tu pa si. A nung lai le a thi zawh keimahni a it dan kiam lawt ngawl si. Kei nung lai kei kiangah ah a om bangpah in kei thi zawh ah khen vanram ah amah thaw kumkhaw om tu lai te si sing. Kawtizah kei bawngpha........
Tsimita Leivum kei nun sungah heiber ha kei it ber nak, No. 1 kei koih nak heiha? ti ruang dang leh tu in sawmdun dang si sing.
No comments:
Post a Comment