Tuma lai'n naupang pa pakhat in Kilaw awnthei pakhat nei si. Nitin naupang pa inn ah Sayamah sawn hawh in naupang pa laizirh veng si. Laizirh a pannak heemah sayamah in lai-ouh veng si. A sayamah nu lai-ouh nak heem Kilaw in naupang zawnkhet in tuung tseih/siar tseih deve si. Naupang pa a mah no ruak laizir sipelh Kilaw in lai-ouh nak a tuung deve ta inn ah laizir kheh a sah ngaingai si. Sayamah nu in A B C ngan daan zirh pan si. Naupang pa in A B C a ngan tseih laitum ah a mitsir in a kianga Kilaw in laingan deve ol na maw ti'n paan si. Laingan tu a um nak Kilaw kheh khawngai ngai in a om lem mu vut si. Tsimi a mu phang naupang pa in Laibu le Khedaan le nawnawm atsia Kilaw pe si. Tuvang ngan leh ol la ti'n a paan lehleu phang Kilaw kheh ngan tuang ngawl in a omnak ah a to thotho kheh mu si.
Naupang pa khen a mangbang in Sayamah nu nenah "Sayamah a heita Kilaw laingan ngawl ha? na lai-ouh nak te heem zong tuung sipelh " ti'n thu dong si. Sayamah in Naupang pa nenah,"nang menah kut nei, Kilaw men ah kut a nei ngawl ta laingan thei ngawl si" ti si. Kilaw zong keima bang laingan thei ngawl ti'n ngaihhar ngai in om si. Tsimi phang Sayamah in naupang pa nenah,"ma tah kol ngawl, mawi ngawl, hei ngawl, tsarah te mu phang zohsuam ngawlin amahni vumah ngaihharnak thinlung nei kul si" ti si.
Minung kei si lekhaw mi ngaihhar nei tu, ramsa ten ngaihharnak thinlung nei ngawl lam Sahtehnak tsomno thaw rel si...... Lampi vumah uitso kawngbai pakhat om si. A ninglam pin uitso pakhat in hil atsia a taksa mun tampi ah petduk si. Uitso veve tsimi a heita a khatta uitso kawngbai daan thei ngawl a theireng tsih a pet? Heitasim tiphang ramsa ten ramsa dang te vumah ngaihharnak thinlung nei ngawl ta si........ Minung te si lekhaw lampi kohno vumah kawngbai pa a hawh phang bawmrit phurtu sawn in lampi pial veng si sing. Tsimi heh ramsa le minung a bangdun ngawl nak pakhat si. Mi dang vumah ngiahharnak thinlung nei ngawl te heh mi pha sithei ngawl si ti si. A dawltaber ah Sayamah in naupang pa nenah,"tsimita mi dang vumah ngaihharnak le zawnruatnak nei thei tu'n zuam in" ti'n thuzamnak nei si.
Tuesday, 1 October 2013
Ngaihharnak Thinlung
Subscribe to:
Post Comments (Atom)
No comments:
Post a Comment