zuang si. Khawsik hun a si bangpah in a tsop leita ta a la te kheh ti
bang in khal atsia leivum ah ter suk si. A tersuk min heh thingbul le
raw om ngawl nak zawllai pi ah si si. Vanvum sangpi pin a tersuk tselh
phang a kiangah Kawlpaw pakhat leng si. Kawlpaw in tikhal bangah
a khal vano vumah ek sathut san si. Kawlpaw ek heh a sa taaktawh vano
heh Kawlpaw ek sungah ah om reng in nuam nono a salum kheh
thei si. Kawlpaw ek sa a khu in a zuang nak a lako khal heh zung tiar
si. A rei lelem phang a taksa veksen vuma tikhaal te hem zung tei
ongla ta ang ngai in la sa si.
Tsimi mun kiangah a om Zawhngue in vano lasa aw kheh thei ngah si.
A za nak aw kheh kawnai pin si ol ha ti'n zei nom si. A aw za nak lam
lun perper phang Kawlpaw ek sungah a tang vano kheh mu si. A mu
phang Kawlpaw ek sung pin porh atsia ei nom si.
A ngaingai ti lekhaw vano in a om awngkel ngawl nak mun ah a leng
phang kiangkap pan masa ngawl in la kheh a sa tuh si ngawl pelh si.
A masa ber ah a hantang nak Kawlpaw ek sung pin suak thei dan tuh
a ngaisung masa kul si. a thinlung a ot nak kalen zo ngawl in a kam
thaw a suak ta a nunnak bo si. A vuma ek a san tu Kawlpaw ek kheh
a ral diktak si ngawl si. Ral diktak heh kei kalen thei ngawl nak kei
kam kaw khat heh si si.
No comments:
Post a Comment