Zirhnak (Doctrine)

I Timote 4:13: Ka leng ma hem Laithiangrim siar le so dunnak le zirhnak (Doctrine) te kheh thupi tsan in.
 
Zirhnak (Doctrine)
                     Me kei awn Bible ah letnak Zirnak tinak heh Mirang awn Doctrine tinak pin let nak si. Doctirne Bible kei pan a si lekhaw Thuzirhnak, teaching ti tawh a bang ve si (Job 11:4, Ps 4:2)

                     Paul mangnak Doctrine tinak heh Bible sunga om Pathian thuzirh nak te kheh ti nuam nak si. Leivum a umnak, thupom te si ngawl si. Bible zirhnak thudik te. E.g. Jesuh, Pathian, minung a tsang, lei sinak a lenak (John 1), Thumkom Pathian (1 John 5:7) te pawl Pathian thudik te kheh tinuam nak si.

Khristian um nak a hen Zirhnak (Doctrine) phun (2) om si.
(1) Milk (khul) Doctrine le
(2) Meat (laipual) Doctrine tin phun nih in khen si (I KOr 3:2, 9:7, Heb 5:12-13, IPet 2:2).          
                    Me te panih pin pakhatnak Khul doctrine heh si le khaw Kannak,Sannak Doctirne, Kannak thu ah Bible in kawtin a keimah ni a zirh ti thu si in, panih nak silekhaw Kannak kei ngah zawh Khristian nun, Pathian kei be dan, hun dawllam ah hei tsang tu ti te pawl zirh nak kheh si.

                     Pakhatnak Khul Doctrine, Kan/sannak doctrine ah kei tsiang ngawl, kei sual nungsang kei tselh si nom si, panihnak heh kannak kei si zawh in kei mudan, kei hawhdan, pomdan dang te heh poize ngawl si. Amahzong Sannak thuah kei sual nungsang kei tselh si nom si. Tsimi ta Bible Zirhnak (Doctrine) te thupi si. Christian pawlpi tamsawn heh Meat Doctrine, Pathian thagnphat dan, Tinimnak thu, Hun dawlber thu te lungkimdun ngawl, pom dan bang dunngawl man in khekdun tam si.

                   Amahzong Kannak doctrine man-a khek dun te heh: pin AD 1600 RC te nen pin khek pan , Reformation, Pentecostalism-AD 2015-Liberal. Kannak thu ah kei pomnak Zirhnak (doctrine) thei kul sising. Tuni hen Baptist, AG, RC, Liberal hei a kei pom nak? Hei zirhnak (Doctrine) a? Bible zirhnak heh Rom laikuat kei siar le khaw tsiang koh in thei theih nung si. Tusan ah Bible tlawng Philipine, Australia, India, Myanmar, Korea ram te ah zeila Bible Doctrine zirh heh tumah om leh ngawl la si. USA ah riang Sawm ah pakhat lun ngawl om ngawl si.

                   2 Tim 4:3:Heimansim tilekhaw amahni’n zirhnak (Doctrine) man taktak heh a za zongawl hun leng tu atsia, a beng a thak man in amahni otnak lun in amahni tsa zirhtu tampi ko tu si, amahnin thudik kheh ngai nuam tu ngawl in ….” Me thu heh tuhen a kim tseih ong la si. Na pomnak Zirhnak (Doctrine) hei a? Na leng min, na ding min, na thei ngawl le khaw? I Tim 4:16: “Nangmah ah na zirhnak (Doctrine) tsimkom la tsimi te kheh puah reng veng in. Tsimi bang in na puah asilekhaw nangmah le na thurelnak a zatu te san thei tu si tsi.”

Nang thei ot asi lekhaw mai lam in ng tar sak tu sing pakhat pakhat in.
Pathian in Van tsimnak ng pe ta sen!

Ngantu: Saya Mangpuh (tulai tak Singapore ah Bible zir in om si)

Bawi Jesuh zumui burhtu thula panlehnak

Bawi Jesuh san laiah Jew ten nupang te pawl upat leem ngawl, mipa te leidangnak ahkhen leida siang ngawl nak te si. Mipa lakah a peh deve kha a si khen a luu kheh puan in tuam/khuh veng si. Pathian be phang Temple sungah khen a niamber mun temple tual ( court )  pakhat pe atsia me mun ah leida tear si. ( Tuni tian Muslim biaknak umtu ten mang lai si )

Tsimibang san laiah Bawi Jesuh in nupang lakpin ring a niamber khawvang erhnak ( mitaw, damngawl ), nupang pha ngawl, nupang daan nei dam thei ngawl te pawl damnak pe si. Apa ( Pathain ) na a per nak ah me nupang te le a dang nupang phapha ten amah a tuamlawm thu Bible sungah mu thei sising.

Me nupang te lak sungpin Kalvary mual ah a thi tutian ah om deve, Jesuh a tholeh ni ahkhen a masaber a lang nupang nu ......ka ti phang theizep ten tu um sing.Na thei nak bangin Mary Magdalene nu rori si. Mary Magdalene ti heita a ko ti lekhaw Magdalit khaw ah a om tsa Magdalit khawmi Miriam tinak si. ( Nawn Thang Tazakung pa tibang... ). Me Mary Magdalene heh hei naper, nun daan mawi/pha maw? ti dong asin ah," nupang phangawl ( taksa zuar ) ti'n ti kha mentu um tsi. Heitasim tiphang:

AD 591 kum ah Pope Gregory the Great tinak pa in Mary Magdalene heh nupang phangawl taksa zuar nu si ti a phuang awng ta si. Bawi Jesuh zimui burhtu nupang sual ( Luke 7:36-50 ) ah ruat si. Me thu heh 1969 kum a vei 2 nak Vatican Council ah thuman ngawl si, kei Pope in methu vumah a rel sual si ti thu thanleh pelh nakhaw me thuthan nak kheh Christian ten thei leh ngawlla si. Lai thiangrim sungah Mary Magdalence heh a sungpin khawvang pa 7 hawlsuak nak nu ti'n Luke 8:2 ah mu theihnung si. Nupang pha maw phangawl tiheh Lai thiangrim sungah ngannak om ngawl si.

Bawi Jesuh zimui burhnak thu pan dang a sing.
1. Relsak bangin Luke 7:36-50 sungah zimui a burhtu heh nupang phangawl in a nungtu si atsia a mun heh Farasi Simon inn ah ti si. Alabaster thaw thun nak zimui mang si.
2. Matt 26:6-13 ah Bethany khaw phaarnat nei awng Simon ti si atsia zimui a burhtu tu si ti ngan nak om ngawl si. Alabaster zimui pahpah mang si.
3. Mark 14:3-9 sungah Bethany khaw phaarnat nei awng Simon inn ah ti si.
4. John 12:1-8 sungah Bethany khaw Lazaras inn ah ti si.
A silekhaw Bawi Jesuh zimui thaw a burh nak thu paan dang rih asing.

1 nak Luke 7 sunga ngannak heh khawnai khaw ti a ngan ngawl ta hei khaw ti theitheih ngawl si. Sipelhatsia 2,3 le 4 nak thu ah tsiang ngai in thei theihnung si. Bethany khaw a Simon inn, Lazaras inn si ti mun khat asi lam mu thei sising. Phaarnat nei awng Simon le Lazaras heh patsa si maw singawl heimah ngan ngawl ta rel kul ngawl si. Tsiang ngai in thei theihnung pakhat neh Simon inn le Lazaras inn heh inn khat si tiheh si. Me Bethany khaw Simon inn, Lazaras inn ah Albaster zimui burhtu heh Martha le Lazaras tsunu Mary te a silam John 11:2 ah mu theihnung si.