Canada Ram le Kawlram (Myanmar) danglam dunnak Part 2

1. Lampi vumah lamvak thah lam in til sa ngah ngawl.

2. Mi muh ah napbeng khei in nar tawk om ngawl.

3. Biak inn ah khawm phang sexy angki sil om lem ngawl.

4. Tawngta te Bus to lekhaw piang 40 niam. (Tawngkai ngawl ten $2.60 si lekhaw tawngta te heh $2.20)

5. Inn sung, shopping mall, library, Bus stop le mipi omnak ah za hawp ngah ngawl.

6. Motor sungah Beer bu le Zuu palang om lekhaw Palik ten len thei.

7. Mi pakhat sinak a se zawng in na rel lekhaw Upadi thaw daan tat nak ngah thei.

8. Sayamah in tawngta te molhkang thaw vak nak khuan ngah ngawl.

9. Company le Restaurant ah naper phang naper thahlam ah thil pakhat khat se tiar, keh tiar kha lekhaw heimah kuan kul ngawl.

10. Inn ah ramsa vul/zuat lekhaw ramsa siikhaan ah la khat vei 1 check nak nei.

11. Nga sio ot lekhaw ngasio theinak licence nei kul. (nga koh te leh leh atsia a lian te bek inn ah hon)

12. Pasel in zii, zii in pasel te vumah awnse in si maw; kut a mang lekhaw palik te ko in len tiar theih nung.(la 3 lai thawng inn sungah kum)

13. Electric nazi 24 mei var.

14. Lai sung phang thing thaw laisuang ngah ngawl.

15. Accident om phang 911 ko lekhaw minute 5 mang Ambulance leng zer.

16. Inn kang om phang mitat mawtaw minute 5 ah mawtaw a dawmber pa 3 leng zer.

17. President pa vumah lungkim ngawl lekhaw mah ruak in lungkim ngawl nak lampi vumah lang tiar theih si.

18. Bus sung le laizir nak khaan sungah zii mui mang kham si.(midang te buainak pe in ruat si)

19. Nazi pakhat naper nak in Lai ur tak veikhat ei nak ngah si.

20. Doctor theipinak lainah om ngawl in Sii lei theih si ngawl si.

Peh tu lai................

Canada Ram le Kawlram (Myanmar) danglam dunnak Part 1

1. Motor sawn in Minung pial
   
2. Vur om hun (winter) ah thingbul, hampa le papar te a thi bangpah in a nah om ngawl pelh atsia vur bo tangin a nah le a par mun khat ah suak si.

3. Khaal hun (Summer) ah zan nazi 10 phang bek khawthim pan silai si.

4. Kum 80 vum lamte Senior Citizen pe atsia tsuzah nen pin bawmnak ngah bek si ngawl heihei a lei ah man beih (Discount) in lei ngah si.

5. Naper pan te tsa lawhman heh nazi pakhat ah Canada $10.75 (2015) situ in tsuzah in nemnget nak nei si. A pu nazi (OT) per lekhaw na zi pakhat ah let khat le khuai (10.75+16.10=26.90) ngah si.

6. Mipi lak ah kawtizah a thinraw sikhen mitmai se ngawl in dangda ngai in om si.

7. Siikhaan pakhat pohpoh ah na dam ngawl nak na muh lekhaw man ngen ngawl a thawnthong in ngah si. Pakhat a kul heh Health Card (Health Card heh a thawnthong in puah nak si) si.

8. Zung ah hawh tu'n Appointment nei phang minute pa 1 na khawnu nungsang Sorry ngah leh ngawlla si ti si. a hun kim ma minute 15 khawma leng kul.

9. Naupang kum 18 tian tsuzah nenpin bawmnak ngah si.

10. Tlawng height School tian free in kai theih si. Kum 18 ma hem heh University kainak tuh tiah nu le pa ten Bank account pakhat puah atsia tangka tum sak si.

11. Hei hem na lei ah Tax (GST le PST) om si. A om dan heh tangka $33.62 man thil na lei lekhaw GST ah $0.36 le PST $0.57 si atsia a veksen ah $34.55 situ si. Dawr pakhat le pakhat % a le daan bangdun ngawl si.

12. Palik ten mipi bawm si. Siangnak na nenpin ngah ngawl in inn sung lut le ruang pumpi tek (check) ngah ngawl si.

13. Canada ram in Volunteer (tiar ngawl nak ma lungmu suak in naper, lawhman nei ngawl ah napertu) heh pakhat nak ah thupi in koih si.

14. Lampi pi kiang minung hawh nak lampi vumah thil zuar om ngawl si.

15. Ni 5 heh naper ten Happy Friday ti'n ko si. Store zahlam ten discount in thil zuar si.

16. Kum 18 kim ngawl in a lei le zaa hawp ngah ngawl si.

17. Kum 18 kim ngawl in zuu lei le zuu in ngah ngawl si.

18. Canada ram heh Freedom pelh atsia ticket pe tu lau ngaingai ten si. Ticket heh zung ah peisa pe tuh lai si.

19. Zung ah Passport tahin Health Card le Diver Licence muh tiar sawn si. Tsimi pakhat sungah na thula, phone number le na inn address kim tei in om si.

20. Lai dawr (Restaurant) te thiang le thiang ngawl tek tu nei atsia a thiangrim ngawl lekhaw tsimi dawr kheh zuar theinak phit sak thei si.

Pehtulai................

Theihdik tsak ralring tuh

1. Tsarah mi harsa te maiah na tangka thu rel tseih mahnen

2. Dam ngawl te maiah na dam daan thu te rel tseih mahnen

3. Mi thaneem (kol ngawl) te maiah na kol daan thu te rel tseih mahnen

4. Lungse te maiah ah na angnak tampi rel tseih mahnen

5. Thawngto te maiah na zalen daan rel tseih mahnen

6. Nu le Pa nei ngawl te maiah na Nu le Pa thu rel tseih mahnen

7. Lai thiam ngawl te maiah na luak pha daan rel tseih mahnen

8. Melse te maiah na mawi daan thu te rel tseih mahnen

9. Taksa hang te maiah na ngo nak rel tseih mahnen

10. Mi tsom te maiah kawzah na sang ti thu rel tseih mahnen......

Na rel ngawl sikhen theisaak a sita khat lam te tsa ruak sak kul si..

Damnak tsa Awn mannei te pawl

1. Lai ei ngawl nak manin nunnak bo (thi) thei ngawl si.
    Zaltaak ngawl ah lai tampi ei heh nunnak bo thei si. (Russia)

2. Zaltaak ngawl lai tampi ei ah a thi mipum heh
    Raldo nak min ah vang kut thaw a thi tah tam sawn si. (French)

3. Mang thiam lekhaw sii, mang thiam ngawl lekhaw thihnak. (Myanmar)

4. Tii lei kul nak (tii har nak) mun ah inn sa mahnen. (Spain)

5. Zan laitum zawh tian zau (eihmu) lai ngawl lekhaw reipi
     nung leh tu ngawlla ti thei in. (English)

6. Eih le in heh Sii Bawi mang nak vang tah in na damnak tsa tuh
    nangmah a bawm thei sawn lam thei in. (Spain)

7. Mai lam na nunnak tsa Zawhngeu bangin laiei la
    Tselh phang Uitso bangin tii in in. (German)

8. Dam reng na ot lekhaw na ruangpum khen salum no in koih la
    Lai dawm ei in. (English)

9. Lai dawm ei heh Nat thaw khawla dun tiar si. (Arab)

10. Lai pakaan khat vum ah a pu na ei ngawl lekhaw Sii Bawi
       kul ngawl si. (English)

11. Eih le in heh a pakhat nak Sii si. (Italy)

12. Tuni ah zaltaak ngawl lai tampi na ei lekhaw
       Thai zing phang mithi ruang ah tang thei si. (German)

13. Siim lai na ei tselh lekhaw tsawlom in.
      Siim lai na ei tselh phang peng khat duk lamvak nak nei in. (Latin)

14. Na kawng te hul tiar la na ngawng kheh salum tiar in. (Italy)

15. Natnak koihno na kham thei heh Natnak lianpi na dam tiar tah
       Pha sawn si. ( Spain)

16. A phaber tii heh a zawng(color), a rim(smell) le heimah rawi
       nak nei ngawl Tii kheh si. (Spain)

17. Dam reng na ot lekhaw kum upa te bang thinlung, ruatnak
       bang neI in. (Spain)

18. Khasuat in Natnak hin 7 kham thei si. (German)

19. Khasuat le tiisa in natnak hin kim kham thei si. (German)

20. Lai dawm ei nak heh san sang nak si. (Scott)

21. A luang reng tii in minung te ral ngawl si.
      A luang ngawl a ding reng tii in minung te Harsanak pe si. (Spain)

22. Khawma no eihmu atsia khawma no in a tho te heh mi dam te
       si'n mitsim te ti'n khen ko theihnung si. (America)

Ref: Doctor Tin Swe Documment

Pa te awm sungpin a suak awnkam

      Ka tsate tawngkai le a vak min pin inn a hong phang mileng nak ah to veng sing. Inn a lut in a nu a mu ngawl phang Enu kawnai ah a hawh ti'n ka dong veng si.

     Inn ah ka om ngawl phang zong a nu to reng nenah Enu.. Epa kawnai ah a hawh ti vei khat no poh khen keimah a lam ngawl vang thinna reng sing ee.

     Tsate kam sungah lai barhtu a nu, Pakaan sungah lai suahsak tu a nu, Laisuang inn ah naper nok ngai ah a pertu a nu zong a it dangdan heh…… Tsimi laiei tuh nei theinak tuh a muh ngawl ah kawtizah ka naper zuam dan te theisak/ruatsak dang ngawl si.

      Kawlhai thawi in a petu a nu nenah zong angnak tampi rel atsia a nu it dang ngaingai si. Tsimi Kawlhai kung kheh huih lak, ruah lak ah tsoplut in a phuntu a pa thinlung zong theithiam dang ngawl si.

       Tsa te'n a nu khul man zong thupi tsan dang ngai astia A pa saup man zong mannei ah rel dang ngawl si. Pa te saup heh nu te kul ah lum ngawl sawn ah ruat dang veng si.

        Mangthawng bangin sun le zan itnak thaw a khuhtu a nu itnak zong thei vut dang pelh atsia … Inn sungsang nuam tuhin a puahtu a pa itnak zong thei thiam/mu thiam dang ngawl si.

       " Nu pha Pa nel " a ti nuam nak heh inn ah om nu ten thei kul si. A ti nuam heh a thuuk leita si. Nu pha lekhaw tsate nenah a pa nel ( mahni tsate it bangin Pa te'n khen a it lam rel) ngam tuh in zirh tu si ti si. Pa nel ngam ngawl tsate, Pa tah a let in Nu it sawn le Pa kin dan tuh thei ngawl heh Nu pha ngawl ta si.

ref: U Bung (che)

      

     

Mel zuk phang Om dan tuh

    Melse kolhsen, luubawk no sipelh si khen melzuk phang phatak a om thiam lekhaw mawi ngai ah suak veng lam theiteen tu um sing. Mah mel mawi ngai sipelh zuk sungah luu sawngbai, mitsiing, mitmai thim le thingbul bangah heita a suak veng? Zuk sungah a phaber le mawiber a suak theinak tuh a nuai lama te paan dang rih a sing.

1. Mel zuk nataang zuk suangah na mit na khep veng a si lekhaw zuk hem ah eihmu kham ngawl mit, mit kohno in suak tu si. Tsimi bang na si veng lekhaw mel zuktu pa zuk ma 1 2 ah mitsing la 3 a tiphang na mit hak in. Tsimi bang na puah a si lekhaw zuk sungah na mit mawi ngai ah suak tu si.

2. Kha panih bang a suak beng kei ngawng puar a lang tuh ngawl in ralring thiamkul si. Zuk sungah ngawng puar a lang veng si lekhaw luu mailam ah dawmno lawt tiar sawng doh tu atsia kha khen dawmno nuailam ah teer tiar in.

3. A tuangtung in nupang te mel zuk phang mainawih make up mang thiam kul ngai si. Mah taksa thawn kaih lem ngawl mang lekhaw zawng langal nak bang suak kha thei si. A masa lam zuk te paan leh in khaw tibang make up thaw ka kaih ber ti theidik kul si. Mel na zuk tu phang na kaih ber nak make up la nangmah bang ngawl in mawi ngai ah suak tu si.

4. Khangai na si lekhaw mitmul sii mang in. Mitmul a tuh na mang a si khen zuk sungah a tuh le tuh ngawl ti tahin na mit mawi ngai in lang tu kheh thupi sawn si.

5. Mek zuk phang mursen sii a sen mang in. Mursen sii in na mur se nak te mawi tiar tu si. Mursen sii mang na si lekhaw na lei kheh haa pulam ah suak tiar mahnen. Na lei kheh haa ningah koih la deihnung no in ni in.

6. Mel zuk phang pakhat le pakhat ko kuahdun, kutlendun, delhdun in om lekhaw zuk pha a suak theinak tuh dawm tiar si.

7. Zuk sungah biang sen khen heh mihip thei pakhat si deve si. Make up phang biang sen sii (blusher) mang in. Biangsen sii na mangbthiam ngawl a si lekhaw mite'n zawnghur bang na titu si.

8. Mel zuk phang passport zuk zaih tu bangin camera kheh maitang rori in paan mahnen. Ruangpum, mai le na luu kheh camera thaw a sawng (dawmno phei) in na zuk le khaw zuk sungah mu sahnung no in suak tu si tsi. Sawng tiphang khen mai lang tuh ngawl tian'n sawng tu ngawl.

9. Mel zuk phang om dan na thiam ngawl a si lekhaw thanau mahnen. Inn sung limlang thaw paantawm in om dan zir theihnung si. Pulam a model te zuk na deihnak a um lekhaw tung tu zak mahnen. Zuk suak thiam tu thupi sawn si.

10. Zuk tu phang zuk zaihtu pa in Say Cheese a ti heh a thawnthong menah tiarnak si ngawl si. Zuk sungah ah mel mawi thei nak tuh a tiar nak sawn si. Cheese titeh tuuk po la na mai, na kam te mawi akhaw zuk sungah khen na mitmai dangda ngai in suak tu si.

Ref:dailaymakecover

Tsii ah Thil Titheinak Lamdang te

1. Suat vumah arti teer in a keh phang arti vumah tsii phuih la a ro tian ngak in. A ro phang beihno in kok deen theihnung si.

2 Mai hunak puan (Pawa) baal/khirh te na sawp ma tsii tii sungah ngait masa lekhaw khirh/baal heem thiang tu si.

3. Pakaan koihnak Bizu le Laibu koihnak Bizu ah Siartaang a um lekhaw tsii theh la daan berh tu si.

4. Nga na puah ma Tsii tii sungah ngait masa la a hawng hiat/kok beih tuang si.

5. Arti pha le pha ngawl na theiot a si lekhaw Tsii tii sungah koih in. A nuai lamah a teersuk a si lekhaw a pha situ atsia a vum lamah a lang reng a si lekhaw a pha ngawl situ si.

6. Arti na suang phang tiisa so sungah tsii rawi la arti a keh a sin khen a hawng sungah om tu si.

7. Apple a vuai phang tsii tii sungah koih la momthut in paan nuam ngai leh tu si.

8. Moh (muk) puahnak thiarpek kheh tsii thaw rawt masa la moh bel tu ngawl si.

9. Na haa na rawt ma na haa burut kheh tsii tii sungah dawmlai ngait masa la tillem na mang tuh la reisawn doh tian mang theihnung tu si.

10. Tsii ei tu phang tsii palang thing kul lekhaw palang sungah tsangtang dawmlai koih la beihno in suak thei tu si.

...copy

Zan Eihmupi tuh ngawl Thil pa 5

1. Nazi thaw zan eihmu mah
    Nazi heh Radioactivity sang ngai si. Nazi kohno sipelh atsia nazi thaw na eihmu a si lekhaw a rei phang kei damnak siatsuah sak thei si. Tsimita zan na zau tula lekhaw nazi suah in zau kul si.

2. Nupang te zan eihmu phang Lavar thaw eihmu mah
    America mitsim ten relnak ah nupang te zan nazi 12 thaw zan eihmu phang Lavar Kobaat sil in eihmu tsih lekhaw Khul Cancer ngah thei si ti si. Mirang ten,'Please Sleep without Bra, OK' ti si.

3. Phone thaw zan eihmu mah
    Zing tho theinak tuh Phone thaw Alarm puah veng heh pha pittseih ngawl si. Heitasim tiphang Phone line in Taanlaih Line tampi suah si. Me TaanLaih line in Luak lam siatsuah/se tiar si. Tsimi a sita Alarm puah a si khen mahni thaw a khawla theiber ah koih kul si. Luukham nuai, kiangah phone koih pha ngawl lam thei dang a sing.

4. Make-up noih in zan eihmu mah
    Zinglam ah si maw Siimlam ah maw make up kei noih nak heh zan zau tu phang phatak no in maiphiah ngawl in eihmu lekhaw vun cancer ngah thei si. Sappia men in make up ten thiang tiar zo ngawl si. Sappia kei mang a si khen a dawmber vei 2 phiah kul si. Tangka nei zo ten patnem no thaw Cleansing Lotion/Cleansing cream mang phaber si.

5. Midang pasel/zii thaw zan eihmu kawm mah
    A dawltaber eihmu kawm tuh ngawl heh midang a pasel/zii thaw eihmu kawm tu ngawl kheh si si.
   
#Shwe Eaim Si

Hari Raja Thula

Tuni heh Malaysia Hari Raja Haji thu leh ot sing. Malaysia heh Muslim ram tinak si in biak nak lamah nunnak tian pe ngam umtu te si. Tua Hari Raja heh Malaysia minung te tsa a tsungnung ber puai pakhat si. Heita apuah, hei daan te lun kul tite pawl keima bangin theiot teen tu nang um sing. Tuzing ka rual Malay nu thudongnak dawm lai nei sing.

Nawn   : Hari Raja heh Malaysia kum ther si maw?
Dasma : Si ngawl si. Neh nak puai tsungnung pakhat si.

Nawn    : Ramdang mi ten Hari Raja heh Malay kum ther ring nak heh a sual maw? Tsi lekhaw Kum ther heh hei la? a ming kawtin ko ha?
Dasma : He theisual teen si. Malaysia Muslim kum ther heh tu kum si lekhaw 05/11/2013 ( Tue ) ni situ si. Kei ko daan heh Awal Muharram ti'n ko si ung.

Nawn    : A heita la 1 sung rori laingawl sawngen nak na nei. Hei tinuam nak ha?
Dasma  : Ka laingawl sawngen heh la 1 kim ngawl si. Ni 27 lun si veng si. Heita laingawl kei nei ti lekhaw Milian ten tangka nei reng pelh laiei ngah ngawl kawtizah a harsa lam theithei nak tuh le mi tsarah te vumah ngaihharnak thinlung nei thei nak tuh pakhat si. A dang tampi om lai si....

Nawn   : Ti (water) khen in ngah ngawl si maw?
Dasma : He... ti khen in ngah ngawl si.

Nawn    : Tumah mu ngawl in a thupno lai ei kuhzeen asin e kawti bang si ol ha?
Dasma  : Nidang aa a laingawl nak te a thawnthong situ si. laingawl leh man om ngawl

Nawn   : Kum kawzah pin kum kawzah tian ten laingawl ha?
Dasma : ka tsanu nautaber khen ( A tsanu heh kum 6 si ) khen laingawl deve si. Upa lam vang thi ma heem si nom.

Nawn   : Laiei mu lekhaw tawh thei ti nak e a ngaingai maw?
Dasma : He... tangka kuan tiar, thawng sungah a la in koih thei si. Naupang Daan nei ( thi nei ) lekhaw vang ei theih si. Ei phang khen tumah muh ngawl a thupno in ei kul si.

Nawn   : Hei hun pin hei hun tian ha laiei theihnung?
Dasma : Sim lam nazi 7 pin zing lam nazi 7 tian ei theihnung. Tsimi ta Company pin khawma sawndoh ka hong veng lam na theireng tu poh. Mi rekkhat ten lekhaw lampi kianga laizuar nak lei si. # Hari Raja laingawl sawngen hun lekhaw Nazi 4-7 tian lampi ah laizuar a dim in om veng si.

Nawn   : Suun nilawh laingawl na om phang a har nak om maw?
Dasma : Tha nei ngawl vang thudang si sehla, laingawl hun kherkher phang FB ah lai urur zuk taar/post nak mu phang rikaam nase tuang in thei sing. Ni thahlam in, Keimah khen midang wall ah post sak deve sing hahaha

Nawn   : Sawngen e kawtin?
Dasma : Tu zan heh a masaber ni a sita nazi 7 simlai ei tselh lekhaw Mosque ( Sawngen nak biakinn ) ah hawh in zan nazi 10:30 tian a rual in sawngen nak nei tu si.

Nawn  : Company amergency mannin nazi pa 5 ah nangmah ka ngak lai'n patang 10 lai Mosque ah sawngen kal ngawl khatu lau in a daan tseih mu sing. Zing varma sawngennak nei deve u ti maw?
Dasma : Nei si ung. Zing tin nazi 4:45 lun in Mosque pin Loudspeaker thaw sawngen auaw thei lekhaw tho in sawngen nak nei si ung. Mosque ah hawh kherkher ngawl in mahni inn ah sawngen theih si. Christian te e nei deve u ti maw? ti'n ka dong si.

Nawn   : Inn pin khen sawngen theih tsimi heita Mosque ah sawngen tu a hawh?
Dasma : Mahni inn pin sawngen theih pelh atsia thinlung le ruatnak in Alah ( Muslim pathian ) nenah sawngen ur thei ngawl ta Mosque ah a hawh ten situ si.

Nawn    : Dawtaber pakhat na dong hrih tu sing. Hari Raja puai ni ( tu kum heh Aug 8-9,2013 ) ah e kawtin ha nang mang?
Dasma : Zing ma in Mosque ah sawngennak nei atsia a tselh phang inn ah puai laiei khawm nak nei veng si ung. Mahnin midang laiei sawm, midang ten keimah sawm in sahnung ngai veng si ung. A ni thahlam in," Philip.. Heita Hari Raja thu na dong? ti in le Kei puai ni heh nangmah ni X'mas puai bang si" ti si.

Na thei ngawl nak na thula

1. Na mit in na mai ngaingai mutawm awng tu ngawl si tsi.
    ( tua na mai na mu nak tawh limlang pin na mu salawn nak bek si si )

2. Thil pakhat khat thaw tongdun rengreng veng tu si tsi.
     ( Heimah tong ngawl in om thei ngawlta si )

3. Na nar heh na mit na hak nungsang mu reng veng si tsi.
    ( na luak le na thinlung in na mu lam theituh ngawl in na uk si )

4. Kei lei heh kei eihmu nungsang dapden in om awng ngawl si
    ( lei phe ngawl in kei om thei ngawl ta si )

5. Midang thaw tuarnak, angnak nak bangve rep thei ngawl si tsi.
    ( thil pakhat vumah midang te thaw tuarnak bangve reprep ti om thei ngawl ta si )

6. Colour a ther ruat in zei la tawk tu ngawl si tsi.
     ( Na ruat thei nak colour heh na musaak/ na mu awng nak ruakruak si )

7. Na kawngpek a sanglam le na khap a sang dan bangve dun si.
    ( na kawngpek le na khap teh po in )

Inntek nu te thei pha

1. Siartaang haw ti maw?
     Siartaang ten Tangmai haw si. A hawh nak lampi ah Tangmai koih la Siartang ten hawh ngam tu ngawl si.

2. Anawi/abaal peh vet ngawl in tikhal (Ice ) puah ot ti maw?
    Na puah tuh ti kheh suang masa la ( timin ) bel sungah na koih tselh zawh phangbek Zikhe Titta sungah koih in.

3. Limlang thiang tsiar ot ti maw?
    Limlangbna thiang tsiar ot lekhaw ti thaw som ngawlin Spirit thaw som in.

4. Angki ah bawlkam (pike) belh manin thinhar ti maw?
    Thinhar mahnen! Bawlkam a belh na angki tawh Zikhe Titta sungah nazi pa 1 lun koih la bawlkam le theihnung si.

5. Angki varser deih ti maw?
    Angki varser na deih lekhaw Taanphaza rah a zahlam le tisa sungah minute 10 lun na angki niim in.

6. Taanphaza pumkhat a ti sur tei/veng ot ti maw?
     Na sur ma'in ti salum sungah nazi pakhat lun ngit masa la sur in.

7. Kawpi na kio phang a nam zaheh ti maw?
    Kawpi na kio phang a nam suak tuh ngawl in na kio laitum ah Pawngmuk hem la lak in.

8. Khasuat at phang mitti luang heh ti maw?
    Khasuat na at phang Bawlkam kei in.

9. Aaluu pumsuan min beih tsiar ot ti maw?
    Aaluu pumsuan na suang phang a vilsaak pakhat si ngawl lekhaw a talam thaw suang in.

10. Angki vumah ballpen ti tong khata thin hehnung ti maw?
       Thinphu mahnen, Ballpen ti a bang nak min tawh Haasii mat la nuai in. Na nuai tselh phang ti thaw sop rih nang mahnen. Haasii a ro ongla ti phangbek sop in.

11. Kawlkai a pil hawk har ti maw?
      Kawlkai pil hawk beih thei nak tuh kawlkai na suang tseltsng in ti top sungah ngit in.

Mingthang Company te mingbun dan te pawl

1. Apple
    Company a puanpantu  Steve Jobs pa deihber nak heh Apple si. Tuzah nenah a company ming tu la 3 khawnu si. Me ni zan nazi pa 5 phang na naper pi nak ten mimhpha a tawk ngawl lekhaw a company ming heh Apple Company situ in tu le tu thulairel puah nak si.

2. Mercedes
     Me company ming heh co pany neitu pa tsanu ming si.

3. Adobe
    A pantu pa John Warok inn ninga a luang Adobe vaar ming mang nak si.

4. Cisco
     San Francisco ming a tsom zawh ah le nak pin Cisco ti si.

5. Compaq
     A phuan pan lai in Gatewat Technology ti'n lawglawngse mingbun nak si. Compatibillty le Quality pin leng si atsia Compatibillty pin COMPA le atsia Quality pin Q le in a pa 2 kom phang COMPAQ ti'n suak si ti si.

6. Corel
     Me ming heh a puahpantu pa ming Dr. Michael Cawpland ming pin lengsuk si ti si. Corel ming a kim in si lekhaw COwpland REsearch Laboratory pi Laitang lian ah ngannak hem kom nak si ti si.

7. Google
    Google ming a masaber heh googol si. A puahpantu Sergen Brin le Larry Page te project ah tangka thaw a peh deve pa nen pin Google ti in Check Letmat dong atsia tuni tian ah Google ti in mang reng nom si.

8. Intel
     Bob Noyce le Gordon Moore ten company ming Moore Noyce ti in mingbun ot pelh atsia me ming Hotel naper nak ming om ongla ta INTegrated ELectonic ming maia laitang le nak pin INTEL ti in mingbun si.

Ref: Amazing Facts
    
   

Nun Lammuhtu

1. Lai nase ngai in zuam kullem ngawl si, laiei nak tuh tsimnak nei nungsang ngah ongla si. Ni tin kei nun kawsa nak ah Dregree pan in laiei theih si ngawl si. naper thei phang ei tuh nei si.
 

2. Ma Watana naper per ngah heh pha si. Sipelhatsia Ma Watana naper in nun sung tsa ei tuh in tuh pe zo ol maw? ti thungai in ruat tselh phang me naper kheh per zom tuh si.
 

3. Naper thei ongla kei si phang kei theireng tuh heh Ma zei thei nak zah mang in, midang nenah leiba neingawl heh thinnuam thei si, Tangka Tsir heh milian ham pan nak si.
 

4. Na tumtahnak a rang theiber in zei in. Na nung sung na tumtahnak in nangmah lammuh tu si.
 

5. Inn nei/lei zawh phangbek in Motor lei in. Inn man heh aman kiam ti om ngawl si. Motor man heh kiam thei si.
 

6. leiba ( kum 1 sungah La 1 in timi zah pe tu ti in lei nak ) thaw inn na lei a si lekhaw  rang theiber in kim thei tuum in. Tsimi leiba heh a kang tam theiber si. na teer ma inn man kim thei tuum rori in.
 

7.Tangka khawl heh milian nak tuh kalbo pakhat si. Siphuazii pei nak tuh  pannak  tuh tangka ( azin ) suah thiam kul si.
 

8. Tutu si khen na ral situh tian puah mah nen. Ni nikhat ni hun phang nangmah nun se teartu sileh thei si.
 

9. Kawtizah na thiam, na tsim ta sikhen midang thaw pehzom nak na nei ngawl a si lekhaw rawlpi pha tampi neitu te el/zuam thei tu ngawl si tsi.
 

10.  Naper a pu ( naper dang ) nei kul si. Leivum ah a kho reng thil heimah om ngawl si.
 

11. Pakhat bek puah thei sing ti'n mah le mah ruattsawm kha popo mah nen. Minung kei si phang in pakhat tah tam puah thei te sising.
 

12.  Kum naupang lai in Naper zuam in, na kum a tam zawn in mah tah thiam sawn kum dawmsawn te eng heh sahnung ngawl si.
 

13. Kum no lai in khualvak tam in, innsang na nei phang amasa bangin khualvak tu heh beih nom leh ngawlla si.
 

14. Zii tuh zei phang a pha lam bekbek pan mah nen. A phangawl nak te pan la kawtizah tian si lekhaw ngah ol ha ti ruat masa in.
 

15. Thalawh nei, ittu nei, zii nei heh thekdun theih lai si. Tsanu tsapa te si lekhaw khek theihnung leh ngawlla si. Tsimita tsate phatak no in pan/kalen in.
 

16. Kawtizah lawhding nak in inn sungsang mitti thaw khek heh sin/khuh theih tu ngawl si.
 

17. Naper tsawl hun phang thinnuam no in tsawl in. Naper heh na nunnak si ngawl lam thei rengreng veng in.
 

18. Damnak tinak heh Pathian pe nak lehsawng pakhat si. Tsimita khangno lai in mahni siatsuah tear thei hei natnak/hei zongza ah ralring kul si.

Haa Thula

1.    Minung pakhat ah Haa 32 om si.
 
2.    Minung pakhat a nun sungah Haa vei 2 poo si. Amasa Haa heh Baby Teeth tiah ko nak naupang Haa, mr Haa te heh kum 6,7 a si ah theng pan si. Kum 21 a leng phangin a vei 2 nak Haa ther kim ngai in popan leh tu si.
 
3.    Taluk rampi ah Sept 20 ni heh LOVE Your TEETH DAY ti’n ko atsia rampi holiday ni situ in nemnak nei si.
 
4.. Tuuma Greek minung ten haa sang theinak tuh in Palaiza thaw nuuk si.
 
5. Tuuma Germany ah haa na pai theinak tuh in Sipuh to veng si.
 
6.    Aliamsaak kum reipi lai ah minung ten Haa thiang tear nak tuh in Meihol, Vuttsaam, Taanphaza etc …… te mang si.

7. Ek inn tiburh nak pin Bacteria zeem huih lakah ah a zuar thei tsa Haanawt nak heh Ek inn pin a dawmber pi 6 kawla ah koih tu in Haa Doctor ten rel si.
 
8.    Haanawtnak ( Tuataihtan ) a suak ma minung ten kuttsung le thingkang thaw haanawt si.
 
9.    Tulai 20 century ah kum 65 vumlam 40% ten Haa kimsek nei leh ngawlla si.
 
10.    Zaraan Minung pakhat a nun sungah tsil 100,000 suak si. Kum upa phang tsil a suak dawm perper atsia Haa na nat ngah beih si.