Chinese New Year Puai Thula tom

           Chinese New Year Puai Thula tom

    Leivum ah Tuluk te naper lam ah pakhatnak  ti asin sual pittseih tu um ngawl sing. Kum khat sung naper tsawl nom ngawl in perte khen si sing. Sipelhatsia a mah ni kum ther puai a leng phang vang dawmber zirh khat tsawl ro ri in om si. Me puai heh umtu ( Khristian ) le umngawltu ( Buddhist ) om ngawl in Tuluk mi a si ham in puaipuah ni ni sunglawi ngai in mang dang ten si. A ni siar dan heh Lunar Calendarle Chinese Zodiac mang a tsia Lunar Calender dawtaber ni heh New Year ti in mang si ti Hong Kong news ah mu thei si sing. Tuluk ten kum tin heh kum ai-awhtu ramsa nei si. Tu kum heh Naga ( Dragon ) si tu si. Kumtin ramsa ai-awh theng veng si. Ramsa ai-awhtu 12 a nei nak te a nuai ah ngan tu sing. The Rat, The Ox, The Tiger, The Rabbit, The Dragon, The Snake, The Horse, The Goat, The Monkey, The Rooster, The Dog le The Pig ti in nei sing. Tuluk kum ther leng tu heh tuluk si ngawl ten khen sahnung le angnung ngai si. Heitasim ti lekhaw naper OFF bek singawl Lehsawng ( Ang Pow ) ngah thei ta si. Tu kum Tuluk kum ther heh 23-24/1/2012 si tu si. Shopping mall lut lekhaw X'mas bang in a mah ni new year decoration mu theih nung si.