Tuamtahnak

                                  Tumtahnak

    
             A masaber in tuni tian damnak thaw lam a huaitu kei be nak
Pathian thangphat sing. Nang veksen damdang reng tu in khen nang
um sing. Malaysia ah a om nang tsapa, tsanu, nang u le nau te khen
Pathian ngaihharnak no in damdang ten sing ung. Ka mino pi te nenah
tumtah nak thu thaw thazang leedang tu in nang sawm sing. IT (Computer)
san a leng ala bangpah in kei kiangkap pan in thu tampi ruat kul la si sing.
A heita kei khangso tuh zah kei khangso thei ngawl? Aheita kei kawnvel ah
kei ming a thang zo ngawl? ti heh ruat teh po dang a sing. Kei tumtah hei a?
ti'n mi dang in a dong asin kawtin sim na rel tuh. Rel thei ngawl khangno
tampi kei om tu lai um si sing. Me tumtah nak thaw pehpar in dawmlai no
Lammuhtu ( Guide-line ) ngan ot sing.

A. Tumtah nak bang kei leng thei nak tuh in kei puah kul nak te
   1. Umnak ( Believe ) .... mi dang in ka tizah a tsang thei ngawl tin
       a relse a si khen kei tumtah nak heh tsangsuak ngenge tu tin um
       nak nei kul si sing. ( mah le mah um tsawm tu si isng )
   2. Daan le tsan nei nak (Discipline) .... Tumtah nak kei nei zawh in
       kei ot nak bang nung men ngawl in daan le tsan nei kul si sing.
       ( hun khen mang thiam kul si isng )
   3. Muangtsawm nak ( Confidence ) ..... Hei hei kei pauh nak vumah
       mah le mah muang tsawmnak nei kul si sing. ( ka puah thei ol ngawl
       ti tu ngawl )
   4. Koih or Ap nak ( Commitment ) ..... Kei tumtah nak vum ah kei thinlung
       le kei ruat nak hem koi ( ap ) kul si sing.
   5. Zuam nak ( Hard Work ) ......Tumtah nak kei nei zawh in to men tuh si
       ngawl, na kei per, kei deknak hemah zuamnak thinlung nei kul si sing.
       ( thazawng tu ngawl )

B.Kawtin tumtah nak kei nei dan tuh?
   1. Thei tsiang nak ( Clear, Specific )
      Kei tumtah nak thei tsiang kul.
      ( Ot nak men in theng tu ngawl )
   2. Ngannak ( Written down )
      Kei mu theih min ah kei tumtah nak ngan kul.
      ( Ni tin kei hei tuh ngawl in le phawk ter nak tuh )
   3. Thupiber ( Only one important )
      Hun kei nei lai in kei tumtah nak heh a thupi ber in koih kul.
       ( Sahnung nak ah kei hun bo tear tu ngawl )

C. Heita tumtah nak nei kul?
   1. Mailam ah kei khangso thei nak tuh ( next level of growth )
  2. Mailam kei puah tuh thei thei nak tuh ( Give you vision and mission )
   3. Mailam ah tumtah nak thaw nung thei nak tuh ( Purpose in life )
   4. Mailam ah khangno pi te thazang le nak kei si thei nak tuh
      (Inspire and motivate others )

D. Khawtin kei ngah thei tuh?
  1. Timtuah nak ( Preparation )
     hei hem kei puah phang timtuah ( puah ma ruat ) nak nei kul si sing.
  2. Puahnak le pernak ( Action and Activities )
     Na kei per phang mah ni ro ri in Phurnak thaw per kul si sing ( Thazawng tu ngawl )
  3. Ruatlehnak le thengnak  ( Review and Modify )
     kei puah sak te ruat leh in theng kul te theng tu si sing.
    ( a pha te puah zom, pha ngawl te tsawl )
  4. kaupi ruatnak ( Think big )
     Thu kei ruat phang tu le tu tsa bek si ngawl in mailam
     a leng tuh lai tsa ruat kul si sing.