THUANTHU LAIBU NINGLUN

                       THUANTHUBU NINGLUN

            Ninglun laibu hen tima Kawhran khang pandan, piang pandan le Jesuh Khrih thihnak pin a tholeh zawh thuthang pha makhat in ram hem ah a lengnak thu te kheh tsiangsek in, mitmuh rori ah mu nak a sinak thu te kheh khum si. Ninglun thuanthu laibu heh Jesuh Khrih nun, a napernak le Kawhran nun, umtu masaber te nundan pehzomdunnak leidawhnak bang si. A naper khan heh thuthangpha le thusonak laikuatnak (Epistles) te laklawhah sanak Kawhran si. Jesuh Khrih naper pehzomank thuanthu le kawtin a Kawhran a din titekheh ninglun in khumsi. Ninglun heh Luka in thuthang pha mihem nenah a leng, phuangnak a sidan le Apostle ninglunte thuthang pha phuangnak te khum in, a thupiber in Peter le Paul thu kheh khum si.

Laingantu:

            Thuanthu laibu Ninglun heh Luka ngannak si. Amahheh Greek si in, Thukham laingantu hem pin Zential laingantu pakhat lamtsang si. A thutsiang in kei theiot lekhaw Thuthangpha Luka sung alen panleh theihnung si.

            Ninglun sungah hen Luke aheh laingantu si ti lang ngawlpelh a tsia, Ninglun atawpnak lam Paul Missionary vaaknak thu kheh kei siar asilekhaw, laingantu hen “we” tinak keimahni tihen mang si. Mepin hen laingantu heh Paul a thaw om si ti heh thei theihnung si. Tsin kei theinak bangpah in Luke aheh Paul thuthang pha phuang minah a vaakpinak Paul rualpi phaber, muangtakber khan si si.

Lainganhun:     AD 62-70 laklawh lun nangannak si.

Tutenen ah ngannak ha?

            Ninglun hehTheophilus nenah ngannak si."Theophilus-Pathian it tu(the one who loves God)". Thuanthu lam theite pawl in khen me Theophilus tinak heh tuti theitsiang ngawl si (luke 1:3 le Ninglun 1:1), a nongber in Theophilus tinak heh Khristian umnak ah Umtu a si panno Rom te situ in um nak nei si. Luka hen Theophilus nenah ruak ngannak singawl in Pathiana ittu hem nenah a ngannak sibel tu in khan um nak si. Tsin Ninglun heh Zential te nenah ngannak khen sipah deve in mihem nenah ngannak si.

Laingannakthu:

            Ninglun thuanthu laibu heh Pentecos ni ah Pathian thukamnak Raula Thiangrim a leng pannak thu pinpan khum si. Tsimiman in (as a result) Thuthangpha phuangnak
thawm in Umtu kawhran tinak hing, din pan atsia Rom Empaza pi khen reih zo ti mu thei siung. Raula thiangrim in umtu te huham a pe manin umtu te hen Jesuh Khrih sannak thuthang pha kheh tetti ah koih in um si. Timibang in Kawhran heh din pan atsia khang lelem in, mun hem ah din atsia hun tawp tianin dinso lelei kul si si.

            Athupi pakhat kei theituh ah Kawhran heh minung huham in pan in khang lelem singawl si. Umtu te nenh Raula thiangrim in huham pe in lamhuainak sawn si. Meheh tuni tian si rang laisi. Adang te kei pan asilekhaw thawngtonak, vaatnak, lungto thaw dengnak, le ninglun te rek theinak tuh in sualzeinak, Thuthang pha diksang ngawlnak le Thuthang pha phuangtu te remnak tekheh mu theihnung si.

            Tsin Ninglun hen Pathian in a ninglun te vumah a thukhamnak Raula thiangrim a burh zawh in huham a neidan, mangbangnak thilkhumnung te pawl Raula Thiangrim thawm in a puahtheidan te kheh khan khum si.Tsin Pathin Jesuh Khrih umtu te huham neidan le thuneidan te kheh langtiar in uktu ten umtu te a rem doh lekhaw a khang dawdohnak thu te khehkhan langtiar si.

ATHUPIBER TSANG te(KEY VERSES): Ninglun 1:8,5:41-42,8:4