Computer mang phang ralring tuh

   Tusan heh IT san a si bang in khangno ten computer
a ming bek thei singawl in mah ni rori in kei mang ala
tsa Computer jei mang phang kei thei kul nak te
Myanmar Sky Link sung a a thupi tseng le in nganleh
tu sing.

1. Flat LCD Monitor mang in
         Kei naupang lai a suak Tube Monitor heh mit thang
a le ngai tsa a si thei lekhaw Flat LCD Nonitor theng in
mang in. Flat LCD Monitor a mai limlang ah mit se tsiar
thei varnak te khaam sak a si tsa kei mit tamngai san si.

2. Na computer Screen thiang tsiar in
      Computer heh a om men bang pelh a mai limlang ah
leivul si maw a dangdang om thei si. Heimah seng kha tu
bang ngawl pelh napikhaw Electric Line a lut phang tungtu
kei rel nak leivul bang a baal te zuang in kei mit sungah lut
si. Kei mit sung a lut phang kei mit hak nuam leh in om atsia
a thak phang kei kut thaw nuai men veng si sing. Computer
kei mang ma a mai limlang ( Screen ) thiang tsiar masa veng
a sing.

3. Computer toh dan
      Computer na mang tu lekhaw na maitang thek ah koih
in. Tselhphang na mai le computer heh pi 2 kaangdun in
mang tu. Na computer heh na mit tsah niam sawn ah koih
tu. A si thei lekhaw Computer a vum lam a tawp nak le
na mit thaw tsandun tsiar in puah la na computer na pan
phang a ngawng thari naa ngawl, kam ngawl in na ngan
thu tampi ot nak thu tampi ruat thei tu si.

4. Computer var leita tsiar mah nen
       Computer mai na var tsiar leita lekhaw varnak in mit
tha dawm in mit se tsiar thei si. Tsin computer na mang ma
in a var le a thim tawh phatak no in rem masa in.

5. Laibu sung a lai na ngan phang
        Computer kum reipi mang ngawl phang typing heh harsa
ngai ten si sing. Laibu sung a lai kei ngan leh phang kei kiangah
koih ngawl in computer kiangah koih thei tu zuam kul si. Heita
tiphang computer mang laingan laitak ah kei mit vak tsiar heh
poi ngai si. Tsimitsa lai laibu sunga lai kei ngan lekhaw computer
kiang kherkher singawl si khen mit her tseih kul ngawl a pan nuam
min ah kei laibu koih tu.

6. Na kiangkap var nak pan in
         Zan thim lak Computer kei mang phang a phangai ringnak
kei mit tsa pha vet ngawl si. Computer na mang lekhaw computer
a varnak tsah in kiangkap a varnak var sawndoh kul sing. Tselhphang
Ni direct a kapnak min ah maingat tu ngawl heh thupi ngaingai si.

7. Tawlomnak le in
         Minung te ring na kei per nase phang badiak in tawl veng si sing.
Ralring kul ber bak a nemno kei mittsang heh tawlom sak kul si sing.
Computer minute 15 na pan tselh natsang kawla awndoh pin
vei khat pan in. Nazi pa 1 a kim zawh in na mit tsillem no siing
in. Kei mit khep dawm phang kei mit om nak inn ro thei si. Mitkau
( mit limlang ) mang nak man in a var kapnak ( reflection ) mit tsa
tampi khaam sak si.

8. Na mit damnak Exercise puah in
         Nazi tam ngai sung kei mit nase ngai in kei mang zawh Exercise
puah sak leh heh a phaber si. A puah daan tuh heh kutpek pa 2 tawh tong
dun rot la na kutpek salum tsiar in. Na rot phang tha tampi mang ngawl in
kupek tongsun tsangtsang in rot kul si. Kutpek a salum lekhaw na mit pa 2
tawh pa khat veve in khup in. Na mit na kuh ( sin ) phang na kuttsung
laklawh pin varnak lut tsiar mah nen. Tsi lekhaw na mit zawn hem pai tu si.

lailettu
Nawn Thang