Mary Magdalene: Mary Magdalene heh kei theisaak bangin a sung ah khawse/khawvang pa 7 om si. Khawse manin sualnak a phunphun puah lamah mingthang ngai si. Jesuh thaw a tawkdung phang damnak ngah si. Jesuh thaw a tawkdun zawhin Galille le Judia peng sungah a naper bawmtu in tang si. Khawse pa 7 thaw sun le zan a om nu Mary Magdalene heh dawmlam phang Jesuh it bertu ah tang si. Tsimita Mary Magdalene nenah Jesuh a lang nak kheh si si. Tuni khen Jesuh na it taktak lekhaw Jesuh na nenah lang deve tu si. Jesuh kheh amah thinlung tak thaw a ittu te nenah a mel mawi muh veng si.
Thomas: Thomas heh Jesuh tsa thingamtu pa si. Jesuh thaan sungpin tholeh ongla si ti thu a ninglun ten a rel phang um ngawl pa khen si si. Amah Jesuh mu ngawl inle tong ngawl in um himhim thei ngawl sing ti si. Jesuh in Thomas kheh a tholeh a um ngawl ta a kut tawngkheen keen nak kut mu ih tong tear si. Tsimi phangin Thomas in " Ka Bawipa le ka Pathian " ti si. Jesuh vumah a um nak kheh 100 ah 100 in a um phang thi tu lau ngawl in Rome ram sung bek singawl India le Persi ram lamah Pathian thu thangpha phuang si. Kei ni e Thosmas bangin " ka Bawipa le ka Pathian " tin'n 100 ah 100 Pathian sing maw? Na um zawh e hei pervo kei nei????
Emaus lampi pa 2: Emaus khua mi asi. Mary Pasal, Josept unau pa asi. Jerusalem pin Emaus khaw lamah nuandang no a hawh mi pa 2 nenah Jesuh lang si. A thurel kawm nak heh Judas Jesuh zuar thu, Saherin te Jesuh thukhen nak maiah a lenpi nak, Herod le Pilate in Jesuh a kan ngawl nak, sualnak ei ngawl thinglamteh vumah rek nak thu te a reel khawm tseih laitum in Jesuh in hei thu aa nang reel nak tin'n dong si. Mitmai nuam ngawl ngai in a reel khawm nak hem Jesuh ah rel si. Mi pa 2 in Jesuh thaan sungpin a tho lam thei pelh napikhaw anih ten a mu deve ngawl ta thula kim ngai in thei ot bek ngawl a hal in hal si. Jesuh khen amah nenah tsaam deve tu'n sawm si. Jesuh it in a thu sungah hal in kei om a si lekhaw Jesuh kei nenah lang tu si.
Emaus lampi pa 2: Emaus khua mi asi. Mary Pasal, Josept unau pa asi. Jerusalem pin Emaus khaw lamah nuandang no a hawh mi pa 2 nenah Jesuh lang si. A thurel kawm nak heh Judas Jesuh zuar thu, Saherin te Jesuh thukhen nak maiah a lenpi nak, Herod le Pilate in Jesuh a kan ngawl nak, sualnak ei ngawl thinglamteh vumah rek nak thu te a reel khawm tseih laitum in Jesuh in hei thu aa nang reel nak tin'n dong si. Mitmai nuam ngawl ngai in a reel khawm nak hem Jesuh ah rel si. Mi pa 2 in Jesuh thaan sungpin a tho lam thei pelh napikhaw anih ten a mu deve ngawl ta thula kim ngai in thei ot bek ngawl a hal in hal si. Jesuh khen amah nenah tsaam deve tu'n sawm si. Jesuh it in a thu sungah hal in kei om a si lekhaw Jesuh kei nenah lang tu si.
Thukhumnak
Thaan sungpin Jesuh tho ongla si. Thaan sungah om leh ngawl la. Amah a it tu, Bawipa nangmah na kin/kultu le Bawipa a zeitu te nenah lang veng si. Bawipa Jesuh tawk tu kei si deve theinak tuh Pathian muitsu kei pa tasen.......
No comments:
Post a Comment