Vei khat lai'n ram lak tupi ah papar kohno pakhat om si. Me papar heh thingbul sangpi lianpi nuaiah ben in om si. Thingbul in ruahsar phang le vuihra phang ral hinkim lakpin keimah kham sak si' ti thingbul muang in le ang ngai in om si. Ni khat ni in ram lak tupi sunah thing vungtu pa leng atsia papar ah ben nak thingbul pi kheh vung sak si. Thingbul nuaiah a bentu papar no kheh lungse ngai in kap si. " Kawtin ka puah asin pha ol ha.... keimah huih lak, ruah lak pin a kam sak ti thingbul le om leh ngawlla.... Ruah sar in huihra nase lekhaw kawtin ha ka om" ti in kaptum tseih si.
Papar no ah lungse ngai a kap aw kheh a kianga om thingbul in thei atsia tihen thurel si,' Papar no tibang ton ruat popo mahnen. Na ben veng nak thingbul pi om leh ngawlla pelh napikhaw Ni in nangmah kelen tu si, na dangrum in ti na kul phang dainem no in na vumah da tu atsia ,eivum ah du thong men ngawl in khang leilei tu si tsi. Nikhat zawh ni khat khang a ti khaw na vumah a mawi ngai a si na par kheh suak in par tu si. Tsimi phang minung ten 'Papar mawi dan ti'n nangmah ziap ngai tu si' ti si. Papar in Thingbul om phang thingbul in a khuh ta a par thei ngawl lam theitsiang atsia lungse ngai a kap nak pin tholeh vut atsia thinnuam ngai in om si.
Me thuanthu no heh ruat dang asing khaw thazang le dang asing. Papar bang in na muang nak pa/nu a om leh ngawlla phang lungse ngai in le limdiknak nei ngawl in om kha te sina sing maw? Heibang harsanak na tawk phang nangmah tah harsa sawn mi tampi om lai ti thei reng in. Thanau nei te heh thinlung nem te naper si. Thinglung nem heh nem min tuh hun le mun om si. Kei nun sunah a phaber si thei nak tuh kei puah tseih laitum in sangpi leng ongla pelh a nuai ah teer suk, mai lamah daan tseih laitum ah lungto si ngah in kei du phang ka tho leh thei ol ngawlla ti in om mahnen. Tumah in nangmah na phong tu ngawl si. Du nak pin tho thei te bek heh mi lawhding te si. Leivumah mi neinung kei ti nak te hem heh tumah thei ngawl nak harsanak, teer suk, a du hun tampi om deve si. Tsimita na kiangah na muang tuh minung a um ngawl sikhen thanau po ngawl in mai lamah kei hawh a si lekhaw midang te pan nak, eng nak sileh tu si sing....
No comments:
Post a Comment