Huaitu kei deng phang a nuai lama te thaw pan in deng kul si. A nuai lama bang a si lekhaw pial heh phaber si. Keimahni khen a huaitu kei si lekhaw nuai lama te pawl puah tuh ngawl in uam kul si sing.. Tsimi te heh
1. Ai = kutpi tung thei
2. Kaiking = awn nak heem lutik thei
3. Raw ( bambo ) = huihra min heemah kawi thei
4. Kawlpaw tilret nak lai ngawl = puarthau thei
5. tsumkhuang = mahni lam bekah huih thei
6. Uitso aa = Thinkawi thei
1. Ai
Heita Ai thaw a bang huaitu a ti si ol ha? Ai kei pan a si lekhaw a kut khen a si, a kawng khen a si a kawngpi/kutpi vumah ah daang reng veng si. Huaitu pakhat in kutpi tung atsia keimah tsimber, keimah thiam ber, keimah lek zo tu tumah om ngawl, ka vumah saya per mah ti te pawl si. Huainak te nautat, thupi tsan ngawl, sal bangin uk ot tu huaitu thinlung si.
2. Kaiking
Me kaiking bang huaitu si lekhaw awn nak heem ruat lem ngawl in lungkim nak lutik vakvak men thei te si. Mailam thu ruat nak tuh ruatnak nei ngawl in mipi huai a si lekhaw khangso lam si ngawlnin dumsuk/teersuk pitu situ si.
3. Raw
Thinlung kho ngawl huaitu te si. Thu pakhat reltselh zawh in harsanak a om phang puahzom ngam ngawl, dotu a omphang tawl men, huai nak te tah mahni du maisa thei te pawl si.
4. Kawlpaw tilret lainngawl
Me tibang huaitu a si lekhaw apha le ase khen thiam ngawl kol nak in thukhe veng tu te si. Thuruat tseiheih tah in thakol nak a muang sawntu si. Timi bang minung kheh huaitu ah kei deng ngah a si lekhaw a huai nak te khensep berh tu si.
5. Tsumkhuang
Tsumkhuang bang huaitu heh hampum huaitu si. Midang tsa ruat ngawl in mahni tsa bek ruat te si. Keimah huaitu, ka pe phang bek ngah tu si tsi, Ot lekhaw na pe tu ngawl sing ti veng te pawl si.
Mi tamsawn tsa ruat sak nap ngawl in ma ngah tu bek limdiknak nei si.
6. Uitso aa
A ru nei huaitu si. Huai nak te kheh a deihzawng in huai, lampi maan ngawl ah hawhpi te si. Huai nak te hau ngawl, dum ngawl in ni khat sung a om lekhaw eihmu thei ngawl huaitu si. Nikhat ah mi pakhat no poh khen hau ngawl, kap tiar ngawl himhim in nidum pi tu deih ngawl huaitu, Uitso aa thinlung nei tu te si.
No comments:
Post a Comment