Tuma lai'n Taluk mitsim ten Kawlram ah hawh in Kawlram mitsim te thaw eldunnak nei veng si. Ni nikhat ni ah Taluk mitsim te kawlram ah hawh dang atsia Kumpi bawipa nenah tsimnak eldun tu in ngen si. Eldun daan tuh heh pakhat le pakhat pi 20 khawla in to tu atsia Taluk pa'n awsuak ngawlin kutphe ( Action ) thaw thu pa 3 dong tu si. A thudong nak te kheh Kawlram mitsim in awsuak ngawlin a kut bek thaw reltsiangnak nei tu si. Kawlram mitsim in maan no in a phi thei lekhaw lehsawng tampi pe tu sing ti Taluk mitsim ten thukam si.. A phi thei ngawl lekhaw kawlram mitsim tetah taluk mitsim te tsim sawn si ti'n ram heem ah than/phuang tu si ung ti si.
Kawlram Kumpi bawipa khen me thudong tuh vumah phi thei ngawl khatu a thinlung buai in om si. Kumpi Bawipa inn ah om mitsim ten khen ngam ngawl si. Heita tiphang kut le kawng phe bek in thudong bek zo ngawl phi thei ngawl lekhaw Kumpi bawipa thinraw in keimahni rek khatu ti teen si. Bawngphanak ah Taluk mitsim ten eldunnak tsa ralring nak tuh ni 7 hun pe masa si. Kumpi bawipa inn ah om mitsim ten a ngam ngawl ta ram sung om mipi te nenah zei si. Phi theitu a om si lekhaw Kumpi bawipa in lehsawng tampi pe bek zo ngawl a nenah naper ngah tu si ti si. Kumpi bawipa kut nuai naper mitsim ten Ni 6 a kim tian tawk ngawl ta thinphu in om si. Kei tawk ngawl a si lekhaw keimahni sungpin pakhat khat kei tiar tu si ti ringpi a awn dang tseih laitum ah a kiangah om Zuuri pan keiman phi tu sing ti si. Heizing ngawlin Kumpi bawipa nenah zu tamapa huai si. Kumpi bawipa inn ah a leng phang tibual tiar atsia Angki mawi ngai no sil tiar si.
Tsimnak eldun hun a leng phang a masaber in Taluk mitsim pa'n
1. Taluk mitsim pa'n a kutzung 5 muh si. Kawlram mitsim pa'n lekhaw a kutzung 10 mu si.
A lungkim ngai in Taluk mistim pa a ni a mutu kumpi bawipa thinphu ngaingai si.
2. Taluk mitsim pa'n a awm muh si. Kawlram mitsim pa'n a awm le a zaang muh atsia a lu ching si.
A lungkim ngai in Taluk mistim pa a ni lehlau a mutu kumpi bawipa thinphu in a maisen si.
3. Taluk mitsim pa'n rampei-ti le atsia muh si. Kawlram mitsim pa'n khasuat sen le in muh deve si.
Taluk mitsim pa'n a kutbeng in na neh zo ngawl sing ti si. A kianga a um tu mipi te pawl aitaan ngaingai si. Lehsawng tampi a pe tselh zawhin Kumpi bawipa'n Taluk pa thudongnak te rel tu ngen si.
Taluk pa thudongnak pa 3 te heh
1. Nang kumpi bawipa ngapatilah ah kho reng maw ti ka dong nak ah anih in a kutzung 10 muh in Tayasepa thaw bangdun si ti si.
2. Nang kumpi bawipa mipi te vumah thinlung pha maw ti ka dong nak anih in awm bek zo ngawl zaanglam muh atsia a lu ching si. A ti nuam nak heh a thinlung pha bek si ngawl tutu vum sikhen deihdan nei ngawl si.
4. Leilung heh rampei-ti thaw bangdun maw ka ti nak anih in khasuat sen thaw bangdun si ti si. Khasuat sen heh a thatthat a om bangin leilung khen om si a ti nak ka lungkim ngai si.
Kum reipi eldunnak ah ka neh veng nak sipelh tuni vang ka sungburh si men sie hong rih tu sing ti si.
Kumpi bawipa in," Taluk pa thudongnak na phi thiam leita kawtin ha na ruat ngah?" ti'n dong si. Zutama pa'n.....
1. Zuu lang 5 in thei tsim ti dong atsia lang 10 in thei sing ka ti nak si.
2. Lang 10 na in phang na awm sa maw ti ka dong lehleu atsia ka awm si khen ka zaang si khen sa ngawl si ti sing.
3. Zuu na in phang rampei-ti maw na meh ti atsia kei in lekhaw khasuat sen meh sing ka ti nak si. Zuu ri vialvual thahlam in taluk pa khen zuu tama sikhen tu si ti si.
No comments:
Post a Comment