Tiphur pa Tibing pem

              Khaw pakhat ah milian te tikai/titawi sak in pumtawm tu dangval pa pakhat om si. Ni tin in zing lam vei khat, sim lam veikhat ti'n ni khat ah vei 2 ti phurh veng si. A rei phang a taklam ah kai veng nak a tibing sawn kheh a dop pem si. Ti a purh min tuh inn heh khawla po a si ta a leng phang a zahlam bek tang veng si.
              Khum 2 a rei phangin a kehlama tibing in a mun len tian a dim a pur thei ta amah le amah diriam tawm ngai si. Sipelhatsia a taklama tibing pem lekhaw a mun ah zahlam bek a len thei ta thanau inle thinnuam ngawl ngai in om si.
              Zing khawma no in ti purhtu pa titawi tu in a pok phang taklam tibing in thinnuam ngawl in," Ka bawipa ka thinnuam ngawl ngai sing, tibang phang la si heh" ti'n rel si. A bawipa in," heita na thin a nuam ngawl?" ti'n dong si. " Ti na tawi pan phang dimpek in na thun nak sipelh ka heingawl leita ta a mun na leng phang a zahlam bek tang veng, a zahlam bek a si phang tibing pakhat man ngah ngawl in a zahlam bek man na ngah ka mu phang ka thinna tuar thei ngawl sing" ti'n O si. Tibing pem ah awn nak a za phang O leh nak nei ngawl in nihsan men si.
              A mun ah ti a purh tselh a hong thahlam in Ti purhtu pa'n," tibing pem pa! lampi kianga papar te par tawh a mawi dan pan in" ti si. Tibing pem in khen lampi kianga papar par te pan in thiannuam si. A pan tseih laitum ah ti zahlam bek amun ah a len lam phawk lehleu in a thinnuam ngawl ngai in om si. A thanau in a om lam a bawipa in a mu phang," Tibing pem pa ti ka purh veng nak lampi ah lamdang nak mu ti maw? na om min lam pan po in papar mawi ngaingai tampi om si. Na kehlam tawh panla papar heimah om ngawl si. Na dop pem lam thei reng sing na sual si ngawl si. Na om min lamah papar tsii ka theh nak si. Ti ka purh phang nangman ti burh sak nom si tsi. Me papar te zuar angkhaw tangka tampi ngah lehtu sing.  Na pem ngawl asin zuar tuh papar nei tu ngawl sing" ti si.
              Minung hem in dasamnak pakhat nei teen si sing. A thupiber heh na thanaunak te kawtin ha na ruat ti kheh si.