Tumalai Pa pakhat in a nei nak motor therbek langal in a not tseih laitum ah kum 6 a si a tsapa in apa motor not nak ah lungto thaw motor riin sak si. Tsimi a riin lam apa'n a mu phang a thinraw leita atsia a kut sunga kuah a vong lam thei ngawl in kuat thaw a tsapa vaat duk si. Kuah thaw vak nak a sita a tsapa kheh roh ngai in Siizung ah purh si. Siizung a leng phang Doctor ten naupang pa taksa ruangpi check nak nei atsia lungto thaw motor a riin nak a kutzung te heh apa kuah thaw seu nak manin a ruh kem si. Tsimi a kuatzung hem amang theihleh ngawla ta Doctor ten tensak si.
Apa a mu phang thinna nak mitmai thaw " Epa ka kutzung te tawt leh ol lai maw?" ti in dong si. A tsapa thudong nak apa'n a za phang a thinna leita manin a tsapa rel dan tuh thei ngawl si. Inn ah hong atsia a nei nak Motor ther ah tampi sirh ta tawl in motor kiang tumbul in to reng si. Tsimi phang a tsapa lungto thaw riin nak la paan leh si. Lungto thaw riin men si ngawl " Epa na it sing " ti laitsang a si lam a mu phang tuar thei ngawl in amah le amah rek tawm si.
Thinrawnak le itnak in ramri nei ngawl si. Minung tinak heh it tuh si. Kei inn sungsang ah maw kei pawlpi ah maw, minung tah thil nei nak thupi tsansawn te si kha tu heh launung ngaingai si. Tulai leivum pi ah buaipi nak ber heh minung pakhat le pakhat itdun tah in nunnak nei ngawl thilri it sawn kheh si. Tu pinpan thei reng in, "Thilri heh mang tuh, minung heh it tuh" si.
Traslate form Steven FB
No comments:
Post a Comment