Tumalai in Tsumkhuang innkaw pakhat om si ti si. Ni khat ni ah Innkhaw ruak Picnic hawh dang tu in lungkim dang atsia a naper a ruantum leita ta a lai keng tuh puah nak ruak ah ni 7 rei si ti si. Eih tuh in tuh a puah tselh phang inn pin suak tu thawithaang dang si. A picnic hawh mintuh min heh Tsumkhuang te tsa la 1 hawh kul si. Sah ngai in hawh dang atsia a mun leng phang keng phawk ngawl nak pakhat om si. Tsimi heh lai ur tiar tu Tsi si. Tsi peh ngawl laiei asin lai ur tu ngawl a thei ta daan takber asi nautaner pa inn a tsi leleh tuh in lungkim dang si. A nautaber pa khen a el thei ngawl ta a heizing ngawl in aw si. Aw pelh atsia a nu le pa nenah thukamnak pakhat puah si. A thukam heh tsi le ka leng maheem heimah ei ham tu ngawl ti kheh si si.
Tsumkhuang nautaber pa khen tsi le tu in suak si. A nu le pa, a u ten lai ei ngawl in ngak dang reng si. Tsi le tu a tiar nak nautaber pa heh La 1 kim khen leng ngawl, la 2 kim si khen leng ngawl in om si. A la rori in ngak nak a leng ngawl ta heizing leh ngawlla, rikam leita ongla ta ngak leh ngawlla in lai ei dang si. Tsimi phangin thingbul ning/lim pin a nautaber pa suak atsia," Ka um reng nak bang si thotho. keimah ngak ngawl in ei haam tu ka um nak bangin lai na ei" ti si.
Tsumkhuang nautaber bangpah in mi rekkhat ten mahni pervo ngah nak zong per tu tuum ngawl atsia midang te naper nak vumah sualnak zei in hun bopi veng si. Tsimita kei ngah nak kei pervo heh a tselh tiang per thei tu zuam dang a sing.
Wednesday, 10 July 2013
Tsumkhuang innkaw
Subscribe to:
Post Comments (Atom)
No comments:
Post a Comment