Ngahlam maw? pelam?

          Tuma lai'n milian naupang pa le tsarah naupa pa mun khat ah tawngkai kawm si ti si. Phun 5 a leng phang a pa2 heh pakhat le pakhat theithiam duntu rualpi ah tang si. Ni khat ni ah a rual milian pa in tawnphu mawi ngai thaw tawngkai a hawh a mu phang nei ot deve mitmai thaw paan si. Tsarah pa in a rualpa nenah kawtin/kawnai pin tawngphu na ngah thei ti'n dong si.
         Tsimi phang milian pa in tuni ka ha nak tawngphu heh ka u pa suakni angnak ah keimah lehsawng a pe nak si ti si. A u pa lehsawng pe nak a silam a thei phang thinnuam ngawl ngai mitmai in om si. A rualpa thinnuam ngawl mitmai a mu phang milian pa in ka rual keima bang lehsawng nangmah pe deve tutuh ka u bang na nei ot deve maw ti'n dong si.
         Tsarah pan'n nangma bang u pha tawngphu mawi tak lehsawng pe zotu ka nei ot si ngawl si. Na u bangin ka naute tawngphu ka lei sak thei deve ot ee, mai la lekhaw ka naute tawnkai nak tuh tawngphu nei lai ngawl si ti si. Milian pa a ruat dan thaw van le lei dangdun si. Keimah eng in ka u bang a nei ot deve tu um nak sipelh tsarah pa'n ama ngah tu tah u sinak in a naute kulnak lei sak theitu heh a thupi tsan sawn lam thei si.
         Minung ten milian pa ruat dan bangin midang vumah ruat kha veng si sing. Ngahlam bek ah ang in midang pe siang ngawl heh lungmu piding lai ngawl te ruat dan si. Mi rekkhat te si lekhaw mahni ngah tu tahin midang te ngah thei nak tuh thupi tsan sawn si.