Vei khat lai'n Dum pakhat ah Ar, Vok le Uitso pakhat om si ti si. Dum khat lamah Kawlpaw pakhat a mah ruak om deve si. Ni khat ni ah Ar in a Dum sungah laiei tuh zei in leilung phet tumtseih si. A lai zei nak ah Sangvut mu khawthu khapo tawk si. A tawk nak Sangvut kheh ei men ngawl in Dum sungah tiing/phun tu'n a rualpi Vok le Uitso te kheh sawm si. Ar sawm nak kheh Vok le Uitso in na bawm thei ngawl si ung ti'n rel si. Arpi khen heizing ngawl in a tha a neinak hem thaw lei khuat khokho in Sangvut tiing si. Tsur hun leng atsia Ar a tiing nak Sangvut tela lei sungpin mawi ngai, pha ngai in suak si.
Khawsik hun a leng phang a Sangvut kuang on duaiduai in rah tampi rah si. A masa lama bangin a rualpi Vok le Uitso te nenah Sangvut khawl bawm tu'n bawmnak ngen lehleu si. Sipelhatsia thazawng Vok le Uitso in Sangvut khawl khen na bawm theitu ngawl si ung ti'n ti lehleu si. A rualpi Vok le Uitso ten a bawm nap ngawl ta a mah tumruak no in Dum sung Sangkut khawl tumtseih si.
Sangvut a khawl tselh zawh in a rualpi Vok le Uitso nenH Sangvut rial bawm tuin bawmnak ngen lehleu si. A masa lam bangpah in nase tak in el si. Ar khen Sangvut rial (sum thaw deng) tu'n timtuahnak nei si. Amah ruak sipelh sangvut hem a vul tian'n rial thei si.
Sangvut a rial tselh phang Sangvut kio bawm tu'n a rualpi Vok le Uitso bawmnak ngen si. Theisaak bangin thazawng vok le uitso in thei ngawl khelleem si. Ar, amah no ruak Sangvut kio si. A kio tselh phang a rualpi Vok le Uitso te kheh dawmno zem/pe deve si. Tsimi phang Ar bawmnak ngen nak bawm nap ngawl Vok le Uitso in lungkim ngawl pan si. A heita ama tah ruang lian sawn keimahni zong dawmno pe atsia amah zong tampi ei ti'n a Dum kianga um Kawlpaw nenah Tazatuai si. Kawlpaw khen luak nei ngawl a si ta Vok le Uitso relnak bangin a bang ve ten zem tu'n thupe si. A Sangvut kio a khom nak te hem sitnak nei ngawlin vok le uitso zem si. Tsimi zawh pahin Arpi khen heimah tiing leh ngawlla in a mu nak lai hem ei nom in leida si ti si.
Minung te khen Ar bangin helawheh naper, tsimnak zei laitum ah thazawng in om pumpum tu minung khen om si. Lawhdingnak a ngaj phang zong eng,iksik leh veng si sing. Me thuanthu tsomno in heiha keimahni a rel nuam nak? Ar bang maw, Vok le Uitso bang ha na si ot?????????
No comments:
Post a Comment