Har ngawl si, Bek kul si

1. Tuma lai in Khaw pakhat ah dangval pa pakhat om si. Naper a nei ngawl ta a khaw sunga Company pakhat ah naper dong tu in hawh si. Naper dong tu in Company reen sungah lut atsia lampi kianga midang te vawr nak borh khul in borh bawm sungah thun si. Tumah in ka mu ol ngawl a ti nak sipelh borh khul in borh bawm sungah a thun lam kheh Company Manager pa in mu kha ngeltel si. Company ah naper dong tu in Manager pa zungkhaan sungah lut si. Manager pa in a tsan nei dan a mu ngah ongla ta thu tampi dong ngawlin naper pe zep nom si. Midang te lungkimnak ngah thei nak tuh har ngawl si. Tumah mu ngawl sikhen a nun dan mawi tu bek si a thupi.

2. Innsang pakhat ah nitin phutsiar, tsate vumah thintsom thei, tsate thinraw in hau mang Nu pakhat om si. Ni ni khat ni ah a tsapa in," Enu tuni na mawi dan" ti si. Ni dangah a za awng kel ngawl nak a za ta na tsapa nenah,"Heita maw" ti'n dong si. "Enu tuni na thintsom ngawl ta si", ti'n a tsapa in rel si. Mawi tu heh har ngawl si. Thintsom, thinraw tu ngawl bek si a kul.

3. Khaw pakhat ah dawr pakhat om si. Tsimi dawr heh kontik lai sikhen tselh ngawlin meivar reng veng dawr si. Khawsung patang pakhat pa'n dawr neitu pa nenah,"A dawr vang meivar rengreng sinom, kawti bang michuang ha na mang" ti'n dong si. Tsimi phang dawr neitu pa in,"ka dawr ah ka var nak michuang te khen tu le tu kang deve poh si khaw. Pakhat a kang le khaw a kang ka thei tangin a ther pakhat thaw theng leh vut nom ta pasi tibang in ka dawr a var rengreng thei nak" ti si. nitin kei ruatnak a thiang reng thei nak tuh har ngawl si. Kei ruatnak a pha ngawl a lun te theng tu bek si a kul.

4. Sui zeitu rualpi pa 5 te nelrawn(phairawn) vumah harsa ngai in hawh dang si. Rualpi pa 5 sungpin pakhat pa heh tsawl ngawlin ni seuseu a hawh tseih lam a rualpi ten a mu phang," Keini zong kei tsawl ze, kei thi dawn si ongla. Nangmah zong tsawl ngawl na bang ni seuseu?" ti in dong dang si. Tsimi phang,"ka phur nak thilri heh nangmahni tah a dawmsawn ta si" ti si. Ang reng thei tuheh har ngawl si. Kei hampumnak le kei nei ot nak thinlung dawm tu bek si a kul.
 
Copy_letleh nak si.