Leivum misual heem santu tuh Jesuh a suak lam thei masaber tute heh ram lakah tuu khaaltu te si. A heita Pathian in Jesuh suak zan ah amasaber thu theitu tuh Tuu khaaltu te kherkher a deng. Pathian in Tuukhaal te a deng nak man tampi om sungpin theithiang nak ber pa 2 paan dang rih asing.
1. Jesuh Apa naper nak ah tuu khaaltu a sinak a muh ot ta si.
2. Midang ah nautat nak, heisiar ngawl nak le zohsuam nak tek kheh A ming tsungnung nak ah a mang ot ta si.
- Israel thuanthu ah Tuukhaal phapha te heh huaitu pha le Kumpi bawi phapha si veng si. Tsimi dinmun leng theinak tuhah Pathian in nautaber Tuukhaal te nun pin zirh veng si. Tuukhaal pha pin huaitu le Kumpi Bawi te pawl heh Abel, Moses, David... tibang te pawl si. Jesuh in khen Keimah heh Tuukhaal pha sing ti'n lai thiangrim sungah mu thei si sing.
Tuukhaal Pha te sinak
1. A tuu te vumah a thinsang (thintual)
2. A tuu te theithiang
3. A tuu te mannei dan thei.
4. A tuu te it
5. Tsawl nak mun ah a tuu te tsawl tiar veng si.
6. Lai khampek in ei tiar
7. A tuu te lampi dik ah huai veng
8. Tuu te tsa nunnak pe ngam
9. Tsawl hun nei ngawlin tuu te phatak no in kilkhawi veng.
Tuu te Sinak
1. Tiillem sung paan ngawl lekhaw lampi si ngawlngawl hawh in pai beih
3. Hawrkuam mu thei ngawl
4. Khawla mu thei ngawl (vission nei ngawl)
5. Thin kho
6. Tsim ngawl
7. Rawlnawm
8. Tuukhaal pa thu ngai
9. Amahni le amahni kilkhawi thiam ngawl
10. Ramsa dang ten beihno in rek thei
11. Tii thiang le Lai pha nak mun zeisak kul
12. Mun nuam, mun pha nak ah tsawl ot tsuang
13. Thiang sek in om thiam ngawl (tibual sak kul)
14. Amahni khaaltu nei kual
Tuukhaal te heh tsimi san lai (social outcasts) ah inn le lo nei mumal ngawl,naper pungman nei ngawl,nawngkai, thiamnak nei ngawl manin ram lakah tuu kiltu phang si. Sipelhatsia Pathian in midang heimah heisiar ngawl nak tuukhaal te a mang maanber heh tsungnungnak a lang tiar ot ta si. Minung te heisiar ngawl nak sipelh napikhaw Pathian mitmuh ah mi famkim te si sing. Kei Bawi Jesuh heh Pathian tuu no le tuukhaal phaber si. Jesuh in kum tin hibawlnak ah mang veng nak tuu no aiah kumkhaw tsa hibawl sak ongla si si.
bawmtu lai
Rev. Za Lian Pum ah Rev. a lenak tuh Thesis a ngannak "Tuukhal tha"
No comments:
Post a Comment