Epa kum heh kum 80 kim ongla si. A liamsaak ni khat ni ah keimah le kum 45 a si Epa thaw milengnak khaan ah to kawm si ung. Limdik ngawl pi'n milengnak khaan phawklet (window) kiang ah Kawlpaw pakhat leng si. Epa in
- Metawh heipi sim?
- Epa metawh Kawlpaw si
Minute a rei zawh in Epa in a vei 2 nak keimah dong leleu si.
-Tsapa metawh heipi sim?
- Epa tungtu tek le na rel ongla sing. Kawlpaw a si lam
Dawm a rei doh phang Epa'n keimah a vei 3 nak dong leleu si.
- Tsapa phawklet kianga tawh heipi sim?
Me a vei 3 nak tian keimah a dong phang ka thinraw atsia thinsup thei ngawlin Epa auh sing.
- Metawh kawlpaw ti'n ko si. Kawlpaw Kawlpaw
A rei ngawlin a vei 4 nak khen timi thotho Epa'n dong leleu si.
- Epa tu le tu me thudongnak na dong heh theithiam leh ngawla sing. Metawh Kawlpaw a si lam tu le tu na rel ong sing lang. Epa na theithiam ngawl maw? na beng ngong si maw? ti'n auh thah in rel sing.
Epa mai ah lungsenak mitmai ka mu ta thinnuam ngawl sing. Epa khen dapdeen in khaan sungah lut atsia a suak leh phang a kut sungah Dairy laibu pakhat keng si. Epa'n a kut sunga laibu kheh keimah pe atsia mun dang leng phang keimah siar tiar si. Epa laibu keu in kasiar phang Epa kut ngan thaw tibang hen ngan si.
Tuni tsapa kum 3 a kim ongla ta tsapa thaw papar dum ah hawh si ung. Papar dum sungah vano pakhat kheh tohkeng vumah tsawlom si. Ka tsapa in keimah thudong si.
- Epa meh no thaw hei ha ti'n vei 23 tian keimah dong si. Deihnung ka tsapa a theiot nak lung kheh ka lungkim ngai in a dong natsaang " tsapa me kheh vano ti in ko si " ti'n rel sing. Tsimi bang tu le tu ka rel heh sualnak zei malam sangah it lelei sing.
Me lai ka siar tselh phang heimah awn thei ngawl in ngang lo in om sing.Ka naupang lai'n ka thei ot nak pakhat bek vei 23 rori rel nak vum ah sual zei ngawl keimah a it dohdoh tu Epa heh a teer (kum tam) zawh ah a thei ot nak vei 4 tian poh khen ka thin a tual thei ngawl.
Ka mit pin ka mittii teer atsia…… dampi in Epa khen pom pek sing……
# Myanmar Light sunga ka translate leh nak si.
No comments:
Post a Comment