HARSA TUARNAK

                                         HARSA TUARNAK
                                    Ngantu: Saya Thian Za Uk

THUMAIHUAI

Khrih Umtu mitam sawn in heita keimah zong harsanak ka tuar tum, midang te zong keima bang in tuar deve ngawl ti kei mah ke kek poh harsa ka tuar tum ti’n thinglung sungah mah le mah thudong nak veitampi leng kha veng tu heh um sing. Tin mizahlam te hen ti bang hen thudong nak khen nei veng si timi heh “Hei ta a nung Pathian um ngawltu te zong Umtute bang in harsa nak a nunnak ah a tawk veng ngawl? Heita Pathian in a mah umtute bek harsa tuar a sing veng? Pathian in heizongza ti theih timi heita keimah zong harsanak tawk tsiar?” ti’n thudong nak kei thin sungah leng veng si. Timi manin me thuthaw pehzomdun in dawm lai ka ngan nuam deve nak heh Laithiamrim sungah harsa tuarnak thaw a pehzomdum ngan nak te mang in Umtute thinlung sungah a leng veng thudong nak le ai tsan nak te heh Laithiangrim mang in aphi dawm laino ngan deve ot sing.

Harsa Tuarnak A Man / San(Cause)

Harsak kei tuarnak heh Adam le Eve te Pathian thungai ngawl nak man in Pathian thin raw nak so sang pi kheh a puahnak levum a om thil hem vumah leng si. Tin keimah ni minungte khen heh sualnak thaw a dim leivum ah kei om man sawn si (Genesis 1:31; 3:17-19; 5:29; Romans 5:12,14,18; 8:20-22; 1 Corinthians 15:21-22; Revelation 21:3-4). Pathian thinraw nak keivum ah a lengnak man hen Pathian phangawl si ti nak si ngawl si. Pathian in a puah nak thil hem kheh it si. A puah nak thil hem sungpin minungte heh a tuang tung in it si amah zong Pathian heh sualnei ngawl a si manin, Pathian in sual haw si. Tin harsa kei tuarnak a san pakhat heh mite vumah kei puahsaul nak thilte man in Pathian thukhen nak le dantat nak keivum ah a leng sawn si (Galatians 6:7-10; Numbers 14:41-45;  Deuteronomy 28-30; 2 Samuel 11:1-5; 1 Kings 11:1-5; Acts 20:7-12).

Pathian in Umtute Harsa Tuar A Singnak San le Tumtah

1.  Pathian  in a thilti theinak kei phawk reng thei nak tuh in harsanak mang in kei relveng si(Ps 68:19).
2. Harsanak mang in Pathian in keimah ni thazangpe bekzongawl sualroih nak sungah kei du thei ngawl nak tuh in amah muang ngam in umkho nak pe si (Ps 66:8-9; Heb 2:10).
3. Keitaksa harsanak a tuarnak hen Jesuh Khirh ming kheh thangphat in thang tsiar si (2 Cor 4:7-11).
4. Pathian in harsanak mang in  Amah kei mung ngam theinak tuh in thu zirh veng si (2 Cor 12:9).
5. Harsanak hen niam khiat dan tuh thu kei zirh si (2 Cor 12:7).
6. Jesuh Khrih ruatnak bang kei nei thei nak tuh in Pathian in harsanak mang in thu kei zirh si (Phil 2:1-11).
7. Harsa kei tuarnak hen keimah ni a zirh nak heh “Pathian in nuam ngai in kei om tah in a deih dan bang in kei om theinak tuh thu  a zirh lam lang tsiar si” (Rom 5:3-4; Heb 12:10-11).
8. Harsa turnak hen Khrih Umtu pha kei si theinak tuh in nun kei zrih si, Jesuh Khrih kei bang thei nak tuh in (2 Cor 4:8-10; Rom 8:28-29).
9. Harsa kei tuarnak heh Pathin kei dodal nak man in Pathian in keimah ni thurel in a vat nak hin khat si (Ps 107:17).
10. Thulun nak le keimah ni le mahni kelen tawm thei nak heh harsa kei tuar nak pin leng si (Heb 5:8; Ps 119:67; Rom 5:1-5; James 1:2-8; Phil 3:10).
11. Harsa kei tuarnak hen Pathian in keimah ni a it lam kei lang tsair nak si (2 Cor 8:1-2, 9).
12. Harsa kei tuarnak hen Sual kei do a silam lang tsiarnak phakat si (Heb 12:4-13; Ps 27:12; 37:14-15).
13. Tuarnak hen thu man  ngawl kei do a silam lang tsiar si (1 Pet 2:19).
14. Harsa kei tuarnak hen Jesush Khrih ming le Pathian it nak thuthangpha, le A san nak thuthang pha kei za thei nak tuh in lampi a muh tu pakhat si (Acts 5:41; 1 Pet 4:14).
15. Harsa kei tuarnak hen Jesush Khrih keimahni tsa a tuarnak kheh mite nenah keiphuang suak deve nak pakhat si (2 Cor 1:5; 1 Pet 4:12-13).
16. Harsanak  heh keinun nak tsa thu zirh tu tuh in Pathian penak lehsawh pakhat si (2 Cor 4:17; 2 Tim 2:12; Phil 4:12-15).
17. Pathian in umtute mun khat ah thural no in om theinak tuh in Harsanak mang in thu zirh veng si (Rev 1:9).
18. Harsa tuarnak hen a suahpi nak heh tsimnak, a dik le a maan no in thukhen thei nak. Tin Harsa nak hen Patian dan kei lunkullam le lun tuh  te kei zirh si (Ps 119:66-67, 71).
19. Harsanak mang in  Pathian in a deih dan bang si, senak nak pin a phannak lamah din ther leh in Raula Thiangrim thilti theinak kheh kei nen ah lang tsiar si (Ps 51:16-17).
20. Harsa kei tuarnak hen keimahni nundan mawi le ruatnak dik a zirh bekzongawl, Pathian in A tsapa Jesuh Khrih mang in kei nenah a penak ngeih harnak bek kheh lim dik in kei om theinak tuh in thu kei zirh si (1 Pet 1:6, 13).
21. Niam khiat nun kei nei theinak tuh in Pathian in Harsanak mang in thu kei zirh si (1 Pet 5:6-7).
22. Pathian in harsanak kei tuarnak  kheh mang in Ralapai tampi san suak si (2 Tim 2:8-10; 4:5-6).
23. Harsa kei tuarnak hen keimah ni thazang nei tsiar atsia, mite thinhar le harsanak tawk in a om phang, amahni kei nem theinak tuh in thu a zirnnak phakhat si (2 Cor 1:3-11).
24.  Harsanak hen Pathian nenah harsa kei tuarnak sungpin angnak kei rel theih nak tuh in nun kei zirh si (1 Thess 5:17; 2 Cor 1:11).
25. Harsa kei tuarnak hen Pathian kei umnak kho tsiar in khang tsiar si (Jer 29:11).
26. Harsa kei tuarnak hen Pathian in keimah ni a kelen nak kheh lang tsiar si (Ps 56:8).
27. Harsa kei tuar na hen lim dik nak kei pe si (Job 13:14-15).

Harsanak Pin Limdiknak

            Minung kei nunnak ah harsanak a om ti heh tsiang no in thei te'n sising. Sinapikhaw a tak in a om thinnuam diriamnak le dapnak / remnak (peace) in kei nunah dim tsiar si. Kei thei tuh henah Jesuh in aninglun te nenah harsanak tawk in atuartuh laithu ah ralring in a om dang thei nak tuh in a phaungham phang in ralring in a om dang nak tuh ruak phuangham ngawl si. Harsanak tuar tselh phang a tsotuh diriam thinnuam nak le dap / rem (peace) nak a petuh thute khen phuang ham si. Harsa kei tuarphang in thinlung taksa tsawl in rimngai in om pelh si sing, timite hen kei nunnak siatsuah ngawl si. Lungsie in naom phang in thinhar in ommah nen, heimansim tilekhaw lungse thinhar in harsanak kei tuarnak sungpin nundan mawi danglam tak Pathian in kei petu si. Bekzongawl limdik nak khen pe kei si (Job 13:14-15). Timi man inn na maiah a lengtuh harsanak, thinharnak, le lungse khawngai nak tehem kheh nangah leh tuh thinnuam nak le limdiik nak thaw ralpha ngai in om in (John 16:33). Harsanak kei tuar tselphang keingah nak thinnuam nak heh sumpai in a lei theih nung ngawl Pathian lehsang pakhat si. Kei vumah harsanak, lungsenak te a leng phang in Pathian Amah pakhat bek kheh muang in,  heitasim tilekhaw  “Nitin kei harsa nak te a tuarpi bawm tu” (Psalm 68:19).  Labu sungah kei sa veng bang in “Kei harsa nak te Jesuh thei si, sawngen in a nen dong un, a nen aap un.”  Tin harsa nak le buai nak te a leng si khen in heimah lau in thinhar mah nen timitah sawn in Pathian nen ah angnak rel in Aming kheh thangphat in thang tsiar sawn a tuh si.