(1Pet 1:9; 1 Cor 1:18; Phil 2:12; Rom 8:18-24)
Ngantu: Saya Thian Za Uk (M.Div)
Sansuak suak dan hin thum singawl lekhaw step pathum ka ti phang hen thil dang pi in ruat kha tu si utsi. Mehenah ka rel nuam nak sawn heh Laithiangrim sungah Paul in Philippians te nenah a kuat nak lai hen ah kawtin ngan sim ti kei pan lekhaw “….San nak nang sithei nak tuh in perzom reng un (continue to work out your salvation)…” (Phi 2:12). Paul in me a kuat nak heh umngawl tu te nenah a kuat nak lai si ngawl lam heh thei dangg te tu heh um sing. Timi man in me thu thaw pehzomdun in thudong nak le ai tsan nak te om bel ken tu si u tsi hei ta Paul in umtu te nenah “San nak nan si thei nak tuh in per zom reng un” ti’n nak san(dekbe) heh. Methuh thaw pehzomdun in ka ngan nuam nak heh ‘A liam sak Sannak, Tuhun Sannak le Mailam hun Sannak’ ti lam sawn in ruat dang sing.
1. A Liam Sak Hun A San Nak(1 Peter 1:9)
(Raula Sansuak nak : Kumkhaw Paithei leh ngawl la Raula)
“Nang umnak a dawl taber phi (result) heh ngah ongla si utsi, timiheh Raula Sansuak nak si”(1 Pet 1:9). Eph 2:1, 5 sungah, “Thukham na lun ngawngla nak man le na sualnak man in thi ongla si utsi, As for you, you were dead in your transgressions and sins, v 5 Thukham lun ngawl nak mak in a thisak si ongpelh napikhaw Khirh thawm in nung leh tsiar nak te si siung. timiheh a ngeih harnak thawm in Sannak ngah ti si sing.” Rom 3:10 sungah, “Midik le mifel tumah om ngawl si, pakhat no poh khen om ngawl si.” Jere 17:9; Isai 1:5-6 Psalms 38:3. Tin 1 Cor 1:30 sungah, “Timite meh A ma(Pathian) man sawn si Jesuh Khrih sungah na om thei nak, keimah ni ta Pathian nenpin a leng tsimnak, dik tang nak, thiangrim nak le San nak kei si Adam hun lai pinpan minung te heh misual si in, Satan kutsungah seltang te si. the time Mining te heh timi Satan sel sungpin mahni le mahni Sansuak tawm thei ngawl te si suing. Timi man in Pathian in A Tsapa mang in Satan sel sungpin Sansuak atsia, A Tsapa Khrih sungah koih kei si; tinPathian Laithiangrim tawn in Khrih sungah a koihnak kei si lamte khen rel si. Lathiangrim in relnnak bang in Pathian in in keimah ni A Tsapa Jesuh Khrih sungah a koih si lam a rel nak bang in um in a muang ngam tute hem kheh puahther nak a singawl lekhaw suakther (piangther) te si ti’n ti si. Timi heh Pathian in keimah ni tsa a penak A Tsapa Jesuh Khrih in thinglamteh vumah a puah nak um in muang ngamnak bek thaw si hingther nak kei si thei nak heh. Kei mahni le keimahni thil thei nak mang in hingthernak (piangther) si kei tum a sikhen kawntik ni khen hingther nak si ongkel tu ngawl si. Timin keimahni le keimahni ti theinak mangin hingther nak si kei tum silekhaw hei thaw bangve sim ti phang mipa nupang in suak tum thaw bangve si. Pathian in Laithiangrim sungah a relnak bang in Khrih ungah hingther nak te si utsi ti nak heh a mah muang nak le um nak thaw bek in ngah Keimah ni heh Khrih sungah hingthernak te si ti’n kei tip hang hen kei taksa, kei ruangrai le kei mel te si ngawl si. Santehnak in, naper nak ah singawl le khaw tlawngta ther te a leng phang, naper ther si ngawl le khaw tlawngta ther ti’n kei ti nak heh a kaw nai min ber sim a ther nak? A taksa ah maw mi ther a si nak a lang? Mither a sinak heh a ruangrai le a mel ah si ngawl si, mither a si nak heh a sinak / tu a si (who they are) tinak sawn ah si mither a sinak heh a lang. Col 3:3 sungah, “... na nun nak heh Khrih thaw Pathian sungah thup in om si.” Keimnih ni heh midik le mifel singawl pelhnapi khaw midik le mifel a sin Jesuh khrih sungah midik mipha le mifel si suing. Keimpuah phat nak le keeper nak in Pathian nen leng theih ngawl si. Sipelh atsia Jesuh Khrih in mifel le midik in suak tsiar kei si. Hingther nak ti nak heh veikhat bek om si. Timibangpah in Sansuak nak khen heh vei khat bek om si in, timi heh kum khaw ta si. Laithiangrim in hingther nak heh veinih, veithum, veili (born again and again, and a gain) etc... nei un ti’n kei zirh ongkel ngawl si. Hingther nak kei si zawh in minungte heh sual thei leh ngawl la ti nak si tsuang ngawl si, amah zong Raula Thiangrim in sualnak sungah kei du thei ngawl nak tuh in bawm veng bek zongawl mahni le mahni kelen tsawm thei nak tuh in thazang keipe veng si.
Hingther nak te nun dan:
1) Hingther nak a si tatak te hen Pathian thuhal (rikam le dang rum bang in Pathian thuhal in Pathian thu za timni nei ngawl) si (John 4:40). Timi heh Sakhi in sihti a ngai bang in hengther nak a si (mi piangther) tatak te’n nitin a nun nak ah Pathian thu ngai
2) Tin Paulpi sungah a si ngawl lekhaw Pathian na apernak ah zuam ngai in le thatho ngai in a theih tawp Pathian tsa ti’n pupe thei si (Psalm 84:10; John 5:14).
3) Pathian sungah a nung te hem in sualnak puah zom thei leh ngawl si, thin a sualnak a puah kha a si si khen a mah ni le mah ni sual apuah lam thei tsawm in sual sir in leh lawi leh veng si (1 John 3:6, 9; 5:18). Santehnak: Samson, Solomon, David.
4) Acts 19:19 le Prov 8:13 sungah Pathian umtu diktak te hen thilphangawl te(sual) haw Hingther nak a si Khrih Umtute Nenpin A Paileh Thei Thil Panga:
a. Sansuak nak ngah ni a ngahnak thinnuam nak heh paileh leh thei si (Psalm 51:12 ). Kumpibawi David Sansuaknak (salvation) heh sualnak suangah a duleh onglei len pai ngawl si amah zong timi sansuak nag a angah ongnak thinnuam nak kheh pai si. Tin Pathian nenah sual sirnak thaw a leh lawi leh phang in Pathian a sual puahnak te sual zah atsia tima a tso ongnak thinnuam nak kheh peleh si.
b) Pathian keimah ni tsatuh koihsak nak lehsawng paileh thei si (1 Cor 3:15).The Reward can be lost. Puah le pernak sualnak man in Sansauk nak nangah ong nak kheh pai tuang ngawl si Pathian nenah sual sianak thaw na lehlawi leh lekhaw, amah zong vanah nakai phang in Pathian nangma tsatuh koihsak nak lehsawng te kheh ngah tungawl si tsi. Timi leh sawngte kheh napuah pernak sualnak man in meisungah lon (vor) in harl nak si ti si.
c) Pathian nenpin na dongnak muitsu thilri neinak le miliannak kheh napuah pernak sualnak man in paileh thei si (Jere 18:10 ).
d) Pathian penak mei in thawnsak nak situ (Rev. 2:5) “. . . Na sual na sir ngawl lekhaw, na nenah haw hang khaw na mei in a koihnak munpi mun dang thawn sak tu sing” ti’n
e) Prov 10:27; 19:1; Job 22:16; 1 Cor 5:5 Leivum taksa heh thi in pai men tu lai si heiman sim ti le khaw sual nak thaw a dim taksa sita si sipelh atsia Pathian um in hingther nak na silekhaw na raula heh kumkhaw tsa Sannak ngah tu si tsi.
2. Tuhun A Sansuak Nak (1 Cor 1:18; Phil 2:12)
(Present Salvation)
1 Cor 1:18 sungah “. . . Sannak lai tum (have being save)” ti nak heh (in Greek: present indicative passive) ti nuam nak heh tuhun sungah pertseih nak si ngawl lekhaw si tseihnak lai tum relnak si. Phil 2:12sungah, “. . . Sansuak nak nang ngah theinak tuhin kihzah nak thaw perzom reng un” ti’n Paul in Khrih Umtute nenah laikuat si. Tin Laithiangrim rel nak hen ah minungte hen a pha le se khen theinak ((1 Cor 10:25-29)), le ruat nak phaw ngawl a neite kei si lam tsiangno in kei rel si (Rom 8:6-7).
a) Ruatnak phangawl pin Sansuak nak. Kei thinglung sungah ruat nak kei neinakte
b) Kiang le kap / tabawah launak pin Sansuak nak. Matt 26:69-74 Sungah Peter in heh Pathian maiah a man pakhat ken omngawl si (Acts 8:18-23): Simon in Pathian nenah sualzah ngen atsia Pathian in a sualnak te zah bek zo gawl in a rual sualnak sual nak te tsian in zah si. Umtu mipiangther te veitampi heh Simon bang si siung me Act 8: 18-23 sungah rel nak bang hen, kei ruatnakte Pathian maiah a man pakhat khen om ngawl si. Mite sinak nak le a tithei nak te pan atsia eng in iksik thei te si suing (santehnak: lasathiam, thurel thiam, thuzirh / laizirh thiam etc…). nupang / nupite le Judah danthiam upte lau man in Pathian thuthangpha khen phuang ngam ngawl bek zo ngawl Jesuh Khrih lenin a om phang theingawl sing ti’n a dingngat ong si. Sipelh atsia Pentecost ni in Raula thiangrim a tsongah zawhphang in Pathian Sansuak nak thuthangpha phuangtu kheh heimah zahpi in lau leh ngawl la si (Act 4:19-20 siar leh lai in). Sansuak man in, David in Bawipa heh ka heizongza si ti’n rel thei si.
c) Iksik nak pin Sansuak nak. Psalm 73:1-28 Pathian in David kheh iksiknak pin
d) Thintom nak pin Sansuak (Eph 4:26-27)
e) Damngawl nak pin Sansuak (Psalm 116:8-9)
f) Ngalnak pin Sansuak (Dan 4:28-30)
g) Lungse thinhar nak pin Sansuak (Psalm 30:11)
3. Mailam Hun Sansuak Nak
Rome 8:18-24 sungah ngan nak heh kei thei ten bang in “Jesuh Khrih a tawlhsuk leh phang in Umtute hem le sonak si a khaw, me sual nak thaw a dim leivum taksa heh thang nak a si Raula taksa in theng sak tu lai si timi heh mailam hun Sansuak nak si. Tin Laithiangram sungah relnak bang hen a thi sak umte khen heh Jesush leivumah a tawlh suk phang in than pin tho leh tu si ti’n ti si (1 Thes 4:16; Math 16:27; 24:31; 1 Cor 15:23).
No comments:
Post a Comment