Apostle te kawngngiah luntu te

          Jesuh umtu mi piangthar ten Apostle te kawngngiah lun tu te sising. Jesuh in a ninglun tuhin a deng nak teheh Apostle ( Ningluntu te ) ti'n ti si. Apostle ti ming a ti nuam nak heh Pathian a umtu le Pathian aw thei in a be ngahtu te tinak si. Apostle te ming heh- 1) Simon Peter 2) Andrew ( Simon Peter nau ) 3) James ( Zebedi tsapa ) 4) John ( Zebedi tsapa ) 5) Phillip  6) Bartholomew  7) Thomas  8) Matthew ( siahkhontu )  9) James ( Alfias tsapa )  10) Thaddaeus  11) Simon ( Kanaan mi ) le 12) Judas Iscariot  te si.  13) Saul-Paul ( Pharasee ) hehkhen Apostle ah peh nom deve si. Heitasim tiphang Damaska khaw lu ah Pawl in Jesuh a tawk phangin Pawl in Jesuh aw a beng rori in thei ngah deve in be ngahtu pa si. Zentail ( vunzim tan ngawltu te )te, kumpibawi te le Judah te nenah Pathian thuthangpha reltu tuhin deng nak si ti Jesuh in ti si Act 9:15. Paul in Martyr thihnak tuar tianin Bawipa muangtu a sitsa Apostle ah a peh thei deve sising.
 
Apostle te um nak Thuthangpha

Apostle te heh Jesuh ning a lun dang ma in Judah Sakhaw betu te si deve si. Jesuh ning a lun dang zawhin umnak ther thaw nung dang si. Jesuh ningluntu te nung lai ralphang tak in a umnak le a relnak thu tepawl tsomno pang dang rih asing.
  1. Pathian THU heh minung ah tsang si. Tsimi heh Jesuh ah si; Santu bawi silam rel si.
  2. Profet te relnak Messiah heh Jesuh a si thu.
  3. Jesuh heh vanram hawhnak, Lampi om talam le thutak le nunnak a si thul.
  4. Jesuh in thihnak ( Setan ral ) neh ongla thu, mithi te nung leh tu thu.
  5. Jesuh in sual man thihnak ( Hell ah tser ) leiba pi kheh keimahni tsa thihnak in
      kei rulsak ong silei thu.
  6. A thisen in kei sualnak thiangtsiar ongla, lei ongla thu.
  7. Tholeh Jesuh in kumkhaw kei nenah kei ompi si ti um si.
  8. Jesuh heh Pathian tuuno asinak in kei sual phursak atsia suangbawi asinak in
      hibawlnak puah sak si.
  9. Jesuh in raula asinak Pathian tsa ah hingther leh, amah thaw nunnak neitsiar thu.
10. Jesuh a umtu te heh Pathian in a tsa ah koih atsia a ro tso theinak pe thu.
11. Raula pai te san tu in le Pathian ram lian tsiartu tuhin Jesuh Khrih lehnak te a si lam...
      tibanagte le a umnak thuthangpha rel in phuangnak nei si.
 
Jesuh van a kai ma a thutsahnak ( The Great Commission ) bangin leivum hem ah hawh in a thuthangpha phuang tu le tiniimnak ( Baptistma ) pe tu in thutsah si, Thuthangpha relnak a umtu te sannak ngah tu lam khen rel si ( Matt 28:19. Mk 16:15. Luk 24:47 ). Me thutsah lianpi heh tusan umtu te tsa khen si si.


Apostle te kawngngiah tinak heiha a si?
          
          Matt 28: 19, Mark 16:15 sunga Jesuh thutsah bangin Apostle ten leivum ramhem ah hawh in mi hem nenah Jesuh thuthangpha phuang si Satan pa raldo si. A umtu te heh raula thiangrim a ngah theinak tuh Jesuh mingin tiniimnak pe si. Martyr thaw thi tianin a dam sung Pathian na per dang si. Apostle te umnak le Pathian tsa a napernak te hem heh kei lun tuh " Apostle te kawnngiah " ti'n ka rel otnak kheh si si.

Apostle ten Bawipa tsa a nunnak pe
         
          Bible sungah Apostle te Pathian na a per dan kei pan phang Jesuh Khrih tsiarnak bangin ram hem, mun hem ah hawhin rikaam dangruum, midang te nautat tuar in le kap thah in Thuthangpha kheh phuang si. A thurelnak a um te hem tiniimnak pe si. Pathian ram tsa ti'n a tamsawn Apostle teheh Martyr in thih tian tawk si. A nunnak bo tian in Jesuh kawngngeih a lunpawl ih rawngbawl dan Bible ah kan zoh tikah  Jesuh ih fial vekin khuaza ram kip ah an feh ih, rilrawng tihal leh hmuhsuam nautat tuarin, tap le bu phah cingin Thuthang tha an sim. Kei pupa Tsong Kaam le Mang Een ten Apostle te kawngngiah te tuarnak a phunphun thaw a lun nak manin tu san kei san ah lei muitsu van muitsu ngah sising. Kei pupa ten Apostle te kawngngiah a lun nak heh hei popo ngawl in lun theitu zuam kul sising. Apostle te heh Pathian tsa ti'n ram mun dangdang ah Pathian thuthangpha rel in a nunnak bo ten si. A naper min ram le a nunnak a pe daan tepawl--- 
  1. Simon Peter   :  AD 68, Rome khaw, Thinglamteh vumah lehlawk kai in rek
  2. Andrew          :  Scythia, Greece, Asia Minor le Thrace ram te nenah Thuthangpha rel si.
                                  X bang thinglamtah puah nak vumah kai in rek
  3. James ( upa ): Jerusalem le Judea ah Pathian naper lai in Herode in a ngawng ten.
  4. John               : AD 89 – 120 laklawh ah Assia Minor, Ephesa khaw ah thi dan
                                 pungman in thi.
  5. James (nauta) : Palestain le Egypt ah Pathian na per in Egypt ramah thinglamteh
                                   vumpin reknak tuar.
  6. Bartholomew  :  Galily mi si atsia, a nung rori in a vun khawksak in thi.
  7. Philip                :  Frizia le Sysaria ram ah Pathian na per, Frisia ram Hieratolis ah thi.
  8. Matthew          :  Kapernaum ah om tu si in Etheopia ram ah martyr in thi.
  9. Thomas            :  India ram ah Pathian na pertu si in a sawngen laitum thel in kap
10. Simon (Kanaan mi) :  Galily ah om si in thinglamteh ah khen in rek.
11. Thaddaeus                : Persia ram ah martyr in thi.
12. Juda Iscariot            : Amah le amah rel tsawm.
13. Paul*(Saul)               : King Nero san ah Rome pin thinglamteh vumah ah rek si ti si.
 
               Jesuh in a ninglun te nenah a thutsah lianpi 1. Ram hemah hawh tu 2. Thuthangpha rel/phuang tu 3. Tiniimnak pe tu tinak teheh thupi tsan kul sising. Apostle ten Pathian tsa thi tianin naper bangin keimahni khen kei thei thei dandan in Apostle te kawngngiah lun thei zuam dang a sing. Kei lun theinak tuh Pathian muitsu kei burh tasen.....

Nawn Thang