TB (Tubercle Bacilli) nat thula { TUBERCULOSIS }

A. TB nat tinak heiha?
    TB nat heh a launung ngai bakdun thei nat pakhat si. Phatak no in tuamlawm ngawl a si lekhaw nunnak tian bo thei si. TB nat heh Tubercle Bacilli ti ko nak nathik ( zeem ) in tuap ( Lung ) do in a lut phang TB nat nei pan si. Tuap bek si ngawl Luak, Ruh, Rongbol, Kaal le kei vun te tian poi thei si.

• Luak
• Ruh
• Tuap
• Rongbol le abol
• Kaal
• taksa vun 

B. TB Tuap nat a lang nak te pawl:

1. La 2 tah rei burkhuh
2. Khak ah thi peh
3. Taksa sa, siim lam le zan phang sa-up tampi suak
4. Ruangpum a rit lam kiam, laiei phang kam ur ngawl (ur lam thei ngawl)
5.  Burkhuh phang le dampi haihawh phang awm (thinkak) n
6. Tsaawl beih le tha dawm beih

 C. TB bakdun dan
     TB nat heh huih lakpin bakdun thei si. TB nat nei pakhat nenpin burkhuh phang le napnit phang a suak huih lakah TB nathik om si'n TB neipa kam pin a suak huaih dut ngah te heem TB nat bak thei si.

D. TB nat tek ( Check ) daan

1. Khak tek tu
2. Siisung ah awm lam datman zuk tu

E. DOTS thaw TB nat tuamlawm daan
    Me DOTS sii heh leivum pi damnak lam pawlkom pi ah theipi nak TB tuamlawm
    nak sii pakhat si. DOTS mang daan :

• TB nat nei mina in la 6 sung sii ei kul si
• Amasaber la 2 sung tuamlawmnak ah nitin puah kul a sita sii lam thiam te mai rori ah sii inkul
• A dang la 4 heh la 1 ah zarh 2 khen puah kul a sita sii lam thiam te mai rori ah sii inkul
• Doctor te relnak bang DOTS sii pungman no in in si lekhaw TB nat pin luat tu si.

F. TB nat ngah tuh ngawl in ralring daan

• Nauseen te BCG kakuaisii dawt in kham theihnung
• La 2 tah tamsawn in na khuh lekhaw khawnenber siikhaan ah muh in
• TB nat nei te inn sungsang thaw om si lekhaw a kiang om te pawl in damnak tsa sii check nak nei kul
• Ni sa in TB nat a neh zo a si ta inn sungah ni ngah thei tuh in puah kul
• Huih thiang alut asuak in khen TB nat zai tuh ngawl in khaam thei a si ta sun in inn kongkhaam te hong in....

 Ref : www.myhealth.gov.my