Thinraw phang lun tuh te pawl

1. Na puahnak hem tawl in
    Thu pakhat khat ah si maw na thinlung a buai tiar in na thin a raw tiar lam na thei tangah na lun tuh pakhat nak heh na puahnak heem tawl in tawlom kul si. Thinrawnak a suak tiar min pin pial heh a phaber si in na thinrawnak khen kiam tiar tu si. Motor na mawng laitum a si lekhaw lampi kiangah tawl la tseet khen phit in. Si ngawl lekhaw na naper minah na thinraw a si lekhaw tumah om ngawl khaan sungah hawh in, pulam ah suak in. Inn ah na thinraw lekhaw nangmah ruak na om thei nak Ek inn, tibualnak khaan ah na thin diriam tian om in. Nangmah ruak na om phang na mit siing la na thinlung rem leh nak puah in.

2. Dampi in Haihawh in
    Kei thinraw a so in a so phang kei thin khen rang ngaingai in dawk ta dampi in na haihawh a si lekhaw tkei thinlung dawk kheh kiamleh tu si. Na haihawh tu phang 1 2 3 ti in huih duk la na om zo sung haihawh mahnen. Tselhphang nuam nono in na hawp/dut nak huih te suah leh in. Haihawh na puah laitum ah thu dang ruat ngawl in na hawp/dut nak huih bek ruat in.

3. Mun nuam nak ah hawh in
   Na thinraw a pha thei tsuang lai ngawl a si lekhaw na thinnuam tiar thei tu na om nak mun nuam ( kiangkap mawi/ pan tuh tam ) ah hawh in. A si thei ngawl pelh ta a si khen na thinnuam nak tuh thu sikkuzin in.

4. Sahnung thu te ruat in
    Na inn sungsang, na nu, na pa, na u le nau te thaw a liamsaak ah nang sahnung daan thute ruat leh in. Na hei thei ngawl nak na nun sungah na sah hun lai te heem ruat la na thinrawnak kiam tiar tu si.

5. Nangmah le Nangmah awnpi tawm in
    A heita na thin a raw? ti'n nangmah le nangmah thudong tawm nak nei in. Na thinraw nak pa/nu na si asin khawtibang in si deve ol nang maw? Na thinraw nak hampi ruat leh in. Na thinraw diriam nak tuh a si nung sang ringpi in na awn ot nak te au in.

6. Na muang nak te nenah bawmnak ngen in
    Na thinlung sungah kawtin kawtin a si khen a pai thei ngawl thu a om lekhaw na muang nak na rualpi, na thlawh te nenah a veseng suah in rel in. Tua na om thu te na theithiam sak tuh tian rel thei tu zuam in.