1. Saya thaw a bang Rualpi
Na rualpi in na sinak a pha lam na theitawm ngawl nak te na theithei nak tuh na bawm tu si. Nangmah lai zirhtu saya a si ngawl tapelh a si khen amah hen munak tam, tbeinak sang, tawknak tam ongla a si ta na inn sungsang, naper min le mibur lakah na leida tu phang nangmah ruatnak pha na pe theitu si. Amah khen na kiangah om reng akhaw amah na paan nak manin a nen pin tampi zir ngah tu si tsi.
2. Bawmtu Rualpi
Mi muh ngawl ah na nundan mawi ngawl te na rel tu atsia mi maiah nangmah khaisang tu si. Me bang rualpi te thinlung ah "na bawm tu sing, keimah khen ka bawm in" ti thinlung nei si. Leivum kei om sungah rualpi pakhat le pkhat bawmdun, thapedun heh a mannei ngaingai si. Harsanak na tawk phang na harsanak te neh thei nak tuhin na bawm veng tu si. Na thintawl nak te kiam akhaw na vumah a phanak te na mu phang mailam tsa na sii phaber si tu si.
3. Ruatnak bangdun Rualpi
Mah thaw ruahnak bangdun rualpi nei heh lamduang nak si. Na ruatnak ama thaw a bangdun tsa buainak om ngawl in theithiamnak om si. Na ruatnak, na tumtah, na si ot nak te a rang theiber na leng thei nak tuhin na kiangpin na bawm tu si. Tsimi phang na ruatnak vumah kho ngai in ding thei tu atsia nangmah le nangmah muangtawmnak thinlung nei tu si tsi.
4. Leidawh saktu Rualpi
Me bang rualpi heh na kulnak hemah nangmah na bawm tu si. Na sahnung phang na kiangah om ngawl in mittii luang nak harsa na tawk phang nangmah bawm tu'n ralring reng te si. A vumah na um rori thei nak tuhin na bawm tu si. Limdiknak na nei leh ngawlla phang limdiknak a ther na muh thei nak tuh le na var thei leh nak tuh na kut pin huai in na bawm tu si.
5. Thapetu Rualpi
Me bang rualpi heh nangmah na zang tiar tu si. Nangmah ngawl a rualpi dang te thaw theidunnak na puah sak akhaw rualpi te thaw awntawp in sah ngai tu si tsi. Tumah rel ngamnung ngawl thu manin na thinlung a bing/pit phang na thinlung sunga a om hem na rualpi nenah rel la aman thintawl no in a tawp tian na ngaisak tu si. Tsimi phang aman nangmah thape tu atsia na thinlung zangsut /dongda ngai tu si. Nangmah thinharnak petu si ngawlin na thinharnak pin na luat thei nak tuh na bawm veng tu si.
6. Munak,theinak petu Rualpi
Leivum ah munak, theinak nei te pawl om dang la na munak, na theinak kau tu si a ti bang pahin munak le theinak pe theitu raulpi nei kul si. Amah ni heh nangma tsa laisiarnak innpi situ si. Aman nangmah kheh sang ah kai dan le mailam ah kal sangpi kal dan na zirh tu si.
7. Lam muhtu Rualpi
Mailam na hawh tuh lampi ah na mai pin mei-inn bangin lam na muh tu si. Minung hem in dasamnak le bawm kul nei kei si bangin heihei kei tawk ah a pha lamin ruatnak petu kul si sing. Na buainak te thiang tiar akhaw a thiang minah lam na muh tu si.
8. Ompi reng tu Rualpi
Thuthang se a si khen a pha a si khen amahni rel masber pha si. Heitasim tiphang sun le zan nangmah thaw om in nangmah ang tiartu a sita si. Awnpi tuh thei ngawl in nang kiangah a om phang khen na thin nuam tiar in bulumnak pe si.
No comments:
Post a Comment