f A DAWLTABER RAITHAWI NAK | Varnak Thuthang Blogger Widgets

Varnak Thuthang Blog pin ang no in na muak si ung..... Pathian in Damnak, Tsimnak, Lawhdingnak, Thinnuamnak na pe tasen....
 

Sunday, 20 April 2014

A DAWLTABER RAITHAWI NAK

0 Midang Ruat Daan

                      A DAWLTABER RAITHAWI NAK
                      +++++++++++++++++++++++++
                        Ngantu: Saya Thian Za Uk

Laithiangrim:
                        “Pathian in leivumpi a it man in a tsapa neih lam tang kheh pe si, timi a umtute hem kheh thi ngawl in kumkhaw nun nak ngah tu si.”Pathian in a tsapa kheh leivumah thukhen tut uh in leh  ngawl si, sipelh atsia a tsapa tawn in levumpi  san suak si theinak tuh sawn in si. (John 3:16-17)
                        Jesuh in nangmah le keima tsa in a sangber man pe in lei si timiheh kei ruat ban ongkel ngawl nak a si keimah ni a it leita nak man sawn si. Amah heh silekhaw thinglamteh vumah rek nak a tsuar tselh phang in than lungkhaw sungah phun in om si. Nithum zawh in thihnak neh in than sungpin tho si. Meheh si Khrih umtute kumkhaw thih nak sungpin sannak kei si thei nak heh. Keimah nihen thil titheinak kei nei leh ngawl la, keimah ni le keimah ni khen kum khaw thih nak sungpin kei san tawm thei leh ngawl la lam Pathian in tsiangno in a theiman in keimah ni thi ai  in a tsapa kheh thing lamteh vum ah thihnak tsuar tsair in a thisen thaw kei sualnak hem somsak in leivumpi neh in thih nak than sungpin tho atsia neh nak thuthangpha kheh phuang si.
Methu thaw pehzom dun in laithiangrim sung mang veng nak awn tsang riat (8) ruat dang a sing.

Sual Sir Nak:
                        Sual sir tinak heh “Sual sing ti’n Pathian nenah lehlawi lehnak si in, timiheh Pathian in keimah ni tsa in kumkhaw nunnak a penak, ngeih harnak, le sual zah nak kei ngah thei nak tuh in a nenah sual sir in kei lehlawi leh nak sawn si.” Sual sirnak kei ti nak heh sual zah in san suak nak kei ngah thei nak tuh in a kul tsam thil pakhat si (Acts 3:19). Pathian in ka sual nak pin sual zah ong la ka si ti’n kam in bek rel tseih men atsia, keinun kei theng ngawl a silekhaw kei sual sir nak heh heimah nem pi nak om ngawl si. Minung te heh sual nei ngawl pakhat khen om ngawl si sipelh atsia minung pakhat in vei khat sual sir in a om phang in a nun ah a lang tsiar thei ngawl a silekaw timi a sual sir nak kheh thuson nak bang in suak si. Mipakhat in vei khat a nun kehkuai in a sual te sir in Pathian nen ah a lehlawi tatak a silekhaw ti ma a puah ongnakte kheh a thop no in khen puah ngam ongkel lehtungawl la si heimansim tilekhaw a nunnak, a thinlung kelentu Pathian Ralathiangrim in a mah ruak a singawl lam keh a thin lung sung ah a thei tsiang tsiar nak man sawn in thil phangawl te kheh heimah puahngam ngawl si. A taksa ot nak a singawlekhaw sual roihnak neh ngawl in a du khaleh a si sikhen a sual sir vut lehzep in Pathian nen lam ah lehlawi vut leh si.

Sual Zah Nak:
                        Lai Thinagrim tangthu sung hemah Pathian heh mi ngeihhar thei, mi sual zah thei tu Pathian si manin a nenah sual sir in a lehlawitu te hem kheh sual zah thei si. Sipelh atsia sual zah nak heh tu rori in sual zah (automatic) nom ti nak si ngawl si. Heimansim tilekhaw Laithiangrim sung ah kaw tin ngan sim tilekhaw “Sual men heh thih nak si,” Pathian pe nak danbu sungah kaw tin ngan sim  tilekaw “A nung raithawi nak om ngawl in sual zah nak om ngawl si.” Jesuh Khrih thih nak hen kei saul nak man kheh pe’n om a si man in kei sual nak hem kheh kumkhaw pai in om ongla si. Ming nungte heh tuni tsian in sual thei lai si sing tinak heh a man si sipelh atsia kei puah pernak, kei ruat nak pin sual kei pauh nak te heh sual sir nak thaw Pathian nenah kei leh lawi a silekhaw Pathian in kei sual nak te sual zah zom reng veng si (1 John 1:9).

Raithawi Nak:
                        A dik le a man raithawi nak ti nak heh penak si. Jesuh Khrih tuar nak le a tholeh nak heh sualsam (accident) si ngawl si. Tin Laithiangrim thukham lun sungah Lekper puai (Passover) hen rai thawi nak lianber a si heimah puah ongkel ngawl nak Pathian in a tsapa Jesuh Khrih mang in a puah tuhlai raithawi nak a muah num nak sawn si. Jesuh Khrih van vumah bawi a sinak pi zam in lei vum ming si nak kheh le atsia thinglamteh vumah a nun nak keh pe in minung te sual nak hem tsa man keh pe si (Philippians 2:8). Timi Jesuh Khrih in a nun nak pe in minung te sual nak tsa a puah nak kheh minungte hen kei nun nak, hun kei ngah nak te hem khehPathian tsa ti’n  Pathian nen ah a nung raithawi nak in kei mang thei kul si (Romans 12:1).

San Suak Nak :
                          Mi zahlam te’n harsa nak a tawk phang bek Pathin ko phawk veng si a mah ni harsanak pin san suak tut uh in. Laithiangrim thukham lun sungah Pathian dengnak a minung a si Israel mite’n Pathian a ko phang hen a mah ni ralte kut sungpin san suak a si thei nak tuh in ko veng si. Timi bangpah in kei nihni khen kei sual nak man in kum khaw thih nak kei tuar tuh sungpin san suak tsawm thei ngawl kei si man in timi kum khaw thih nak sung pin san suak kei si theinak tuhin Santu kul si. Ang nung ngai a si Pathian in keimah ni san tutuh in A tsapa kheh leivumah lehsuk in kei mahni kum khaw thihnak sungpin san suak si (John 3:16-17). Our salvation is the accomplishment of the Crucifixion and Resurrection—the beautiful fruit of Easter.

Thinglamteh:
                       Thinglamteh hen Pathian in leivumpi a san suak nak kheh muh kei si. Thinglamteh thu kei ruat phang hen, kei phawk reng vengtuh heh kei sualnak man in thihnak a tuartu Pathian tsapa Jesuh Khrih thisen lung nak in kei sual pin keimah ni lei in a san suak tu Jesuh Khrih tuarnak kheh phawk dang reng veng a sing (Isaiah 53:5). Jesuh Khrih thinglamteh vumah thihnak a tuarnak peh ngawl in Jesuh Khrih Umtu te’n Pathian penak san suak nak lehsawng tsotheih nung ngawl si. Jesuh Khrih umtu te nun nak heh me thinglamteh thaw hen a pehzom dun si. Heimansim tilekhaw Jesuh Khrih in keimah ni a kophang hen “Kei mahni le keimahni sinak zam in thinnglammteh phurtu in le a manenah kei nunnak te up tu’n ko kei si.” (Mark 8:34). 

Than:
                      Jesuh Khrih Umtute hen kum  khaw nunnak nei si, sipelhatsia taksa thihnak tawk leh tu ngawl la si tinak si ngawl si. Amah zong kum khaw nunnak ah kei lut phang in me sual nak thaw a dim leivum taksa thaw hen lut thei nung ngawl a si man in taksa thih nak heh kei tawh kul si. Thanro (empty tomb) ti nak hen a rel nuam nak silekhaw levum taksa thih nak heh lau kul leh ngawl la a si lam kheh lang tsiar bek zongawl Jesuh Khrih in thih nak a neh ongla lam le kum khaw tuarnak / thihnak (Hades / Death) neh ongla lam lang tsair si. (Romans 6:4).

Tholeh Nak :
                        Tholeh nak tinak heh Pathin in mingnung te ai awh in A tsapa Jesuh Khrih tuarnak a diriam lam lang tsairnak pakhat si (1 Peter 1:3-5). Ralathiangrim in Jesuh Khrih than sungpin a tho leh tsiar bangin Jesuh Khrih umtute khen heh taksa thih nak kei tawk zawk in kumkhaw nunnak ah lut tu in thih nak pin tholeh deve tulai si heimansim tilekhaw Jesuh Khrih than sungpin a tholeh tsiar tu Raulathiangrim heh Jesuh Khrih umtu te nun nak sungah om si.

Jesuh :
                           Jesuh in minungte sualnak man hem kheh thinglamteh vumah a tuarnak le a thih nak thawm in pe in om ongla si. A ruang heh than sungah phum atsia, nithumm zawh in than sungpin tholeh si. Timi heh Jesuh Khrih leivumah a hawh nak sanber si. Me thinglamteh vumah thih nak tuarin, thih nak neh in a tholeh nak hen leivumah a tuarsak nak san kim tsiar ongla a silam lang tsiar si. Jesuh Khrih than sungpin a tholeh zawh in a niglunte nenah vei tampi a lang tselh zawh ni sawmli (40) nak in a ninnglun te nenah a lengleh tulai thu le Ralathiangrim in a nunglun te ompi reng tu a si lam the thu tsiam in thuzam atsia Pa nenah leso nak in om si. Jesuh Khrih awn tsang lea nun hen A mah umte kaw tin leivumah nung in khaw sat u ti kheh tsiang no muh  zongawl A le thuzirhnak hen silekhaw minungte hen kawn tin Pathin it nak kheh oo in kei sang thei dan tuh lampi keimuh si. (Romans 5:10). A suak nak, A nuntsan, A thihnak le A tholeh nak hen Laithiangrim thukham lun sung a Prophets te rel hamnak hem kheh kim tsiar si. Jesuh Khrih (Messiah) Santu pa heh Israel miphun te tsabek leivumah leng singawl si, leivumpi tsa sawn si (1 Timothy 4:10). Mete hem man sawn in si Easter singawllekhaw thosal puai kei mang nak a sanber heh. Thosal puai heh silekhaw Jesuh khrih kei thangphat nak, a nenah angnak kei relnak puai thupi pakhat si. Thukhum nak in Laithiangrim pakhat ka ngan nuam nak heh "Heimah lau in omleh ol la un. Keimah heh a pan nak le a tawp nak sing. Keimah heh a nungpa sing; Thi ong pelh in tuhen kum khaw in nung sing. Tin thihnak le kumkaw rem nak tawh / tahbi (key) heh ka kut sungah om ongla si" (Revelation 1:17-18).

No comments:

Post a Comment