Mipa a tam sawn in zii te puahnak te deih pelh atsia a puahnak vumah zii te thinnuam tuhin awn nap ngawl si sing. "Kei inn sung vang baal ngah awng nom ngawlla, thiang rengreng tuh in na puah zo dan, Lai na suangnak a ur dan" tibang awngkam lum na zii nenah rel awng tsi maw? Na paak asin a angnak a kam pin a suak ngawl pelhta a si khen a thinlung sungah angnak thaw dim tu si. Pasel te awnkam lum in zii te thinnuam tiar atsia a itnak kang/lian tiar si.
Pasel nenpin zii te za ot nak awnkam 8
1. Angsie
Zing le zan na laiei nak te beihno in a suang vut men nak a si ngawl lam nanthei asin kei zii paak ngawl in om himhimbtu ngawl si tsi. Heitasim tiphang pasel te naper sing khaw ti kei uar tseih veng nak heh zii te inn naper thaw saanteh phang reltaak si lai ngawl si. Zii ten pasel le tsate ei tuh ti'n nau kalen, nau put thah lamin lai sungsak si. Tsimi a sita na laiei tselh phang, 'keimah mi bawngpha pa sing. Nangmah na zii ngah heh ka ang leita sie' ti angnak rel awng ti maw?
2. Na mawi dan
Nupang te heh thi thaw nau nei saktu te si'n a taksa te khen mipa te tah vuar beihtuang si. Tsimi vumah nazi 24 sung tsawl ngawl inn napertu a si manin mawinak tsa tuh hun pe man veng ngawl si. Taksa mawinak a deih ngawl si ngawl si. Mawinak tah pasel le tsate thupi sawn ah a koih ta si. Zii te tah mawi sawn thiang sawn nanmu phang zii te vumah eai khaveng sing maw. Kei eai a sinlekhaw teldom in thuruat kul tinak si. A la-ngal man ngawl vengbta amahni le amahni khen thanau tawm ngai veng si. A sinak theisak in, 'ka zii mawino, ka mit ah vang na mawinak tumah in na bang zo suh ee... ' ti la a thinlung sungah angnak thaw dim tu si. A ngaingai ah khen mahni zii heh mawi ber ah kei mu mio nak si tho si.
3. A piding Nu si tsi
Nu te heh a heiheem ah phatei ngawl si. Nu le Pa tinak ang ni a om bangpah in lungse ni khen om si. Kei inn sungsang tsa anpiding Nu a lam angnak rel in. Pasel te kul le samnak, angki sop, laisung, inn a thiangtiar nak te le inn sungsang a tuamlawm dan te pakhat pakhat siar la Nu a piding lam theitu sising. Nu te Ni phang upatnak laieih puahsak in tsate nenah Nu naper dan te rel in. Nu phatnak tsate na rel ngawl a si lekhaw Nu upat dan thiam thu ngawl si. Kei inn sungsang tsa Nu pha, Nu piding a sinak vumah angnak rel thiam in.
4. Na sawng tu sing
Zii te naper nok phang paan men ngawl in kei puah thei nak te puah bawm kul sising. Exm: Nau kap manin pakaan a som man ngawl lekhaw inn sungsang ah pa ber ka si ti thinlung vor in pakaan som sawng saak kul si. Heimah reltaak ngawl na bawmnak kheh na vumah angnak lianpi nei tu si.
5. Na thanuam dan
A vuma ka ngansaak bangin zii (nu) te heh inn sungsang tsa nazi 24 sung rori naper te si. Tawl man ngawl ah a napernak te theisak khaleem ngawl in om mah nen. A talent le a thil titheinak te vumah theidik sak in ziap thiam kul si.
6. Nupi (zii ah nu) ka it ngai
Nupa kei si ongla nungsang nupi papi te heh ma nu le pa bang in paan/koih thiam kul si. Nupi Papi te bek si ngawl a suahpi a u le nau te khen a mahni vumah itnak lang tiar kul si. Heitasim tiphang a Nu le Pa, a u le nau te a it ta si. Zii lama suahpi u le nau te it thiam ngawl a si lekhaw lungsenak kei pe thaw bangdun si. Nait thiam a si lekhaw na vumah ang tu si.
7. Na angki mawi dan
Zii ten pasel te mawi a tinak angki sil thei tuheh a ot nak ber a si bangin tua na silnak na angki thaw na kaih dan, a mawi dan ti'n rel in. Mitdang mit ah mawi ti tahin pasel te mit ah mawi tu heh a ot nak ber si. Heimah relnak nei ngawl timi mi lak hawh phang a angki sil nak vumah lungkim ngawl in na om lekhaw a thinna tu si.
8. Nangmah na it sing
Nupa ongla poh na it sing ti rel kul leh ngawlla ah ruat mahnen. Pasel te kam pin a suak na it sing ti awnkam heh zaheh, ning thei ngawl si. Nitin a za ot nak ber a si bangpah in zii te nitin rel kul si. Amah pakhat bek na it lam theitsiang akhaw pasel te vumah itnak thaw lehrul leh tu si.
No comments:
Post a Comment