Mualvum
kainak......... Phadei pa he Kyawphu ah si. Kalay-sawbua uknak kheh
saklam Manipur(Meitei) te'n sim in a neh phang in Kyawphu te patsa dang
heh ral kih in daan daang si. Natchaung lampin daan daang in Tlorzen
khaw ah om si. A nauta ber bek zam in khaw dang zei daang lehleu si.
Kyawphu tsapa te: 1. Phadei. 2. Musu. 3 Zaphu. 4. Tapong. 5. Renlai. 6.
Kawlmi 7. Munsa. 8. Hahup. 9. ThangSia. 10. Lian Suang 11. Zawl Sei 12.
Thur. Khawther zei dang zel in: Tlorzen, Losen(Lumbang khawlu), Lotsom,
Lunghawh, Ngalsip, Munphiah Paal(Khuang khaw ral). Kyawphu khen heh
Munphiah paal pin thi si. Khaw ther a thawn zel min ah hen kum reipi om
ngawl in khaw ther dang zei leh veng si. Papi ber Kyawphu thi zawh phang
khaw ther tuh zei dang leh leu in, tu-a Phaizawl ram Laakmual naar
zawllai ah khaw to dang lehleu si. Tsimi mun heh theihdiknak lungto
khawm dang a tsia "Phadei Lung Khawm" tiin tu ni tian om si. (Khuangmual
ten khangno te paan ten theih tuh in tuam lawm dang veng si).
Phadei te Bualkhaw lengnak
Hualngo miphun te heh Rawn Li bek ah om ngawl in rampha khawto min tuh
zei dang in tu-a Bualkhaw heh sat si. Ramsa te tibual veng min a si
manin Sabual khaw, 'Bualkhaw' tiin mingsa si. Rawnli khaw heh a se ongla
phangin Rawnli-a Hualngo te khen nga khen-nih lam heh Bualkhaw ah om
phei dang in a tam sawn heh Seipi khaw ah vai dang si. Tsin, Bualkhaw
heh Ngawn te khawsah si atsia, Hualngo te khawsah heh Bualkhaw pin
langlam sawn ah si atsia a rei phang in bualkhaw ah thawn leh dang si
tiin rel tu khen om si(Mawngpi le Khummual ah hen 'Inn mun ro ' le
'Leibel keh' tampi om awng si). Thuanthu kan tu ten Bualkhaw heh AD
1400-1500 laklawh lun in khaw to nak si tu in rel si. Phadei te khen heh
Phadei te khen heh Phadei Lungkhawm pin Bualkhaw ah vai dang si.
Kyawphu Tsa Bualkhaw lengte 1. Phadei 2. Kawlmi,
3. Munsa, 4.Hahup, 5.Thangsia, 6.Liansuang, 7.Zawlsel........Hahup te
heh khaw dang ah vai in a omnak khaw te awn mang nom si. Rev.Sun Kang Lo
in, "Ngawn zahlam hem le Tapong hem le Lunghawh te khen heh Phadei
miphun te si" tiin a laibu ah ngan si.
Phaizawl Khaw
Bualkhaw-a Hualngo te heh khaw ther zei lehleu in phaitamnak zawllai ah
khawsaat dang atsia, 'Phaizawl' tiin mingsa si. Bualkhaw pin Phadei
tsate khen Phaizawl ah tam kha po vai phei si. Bualkhaw-a le Phaizawl-a
Phadei tsate, tsanawnte heh pung so daang ngai in a rei phang in a om
masa Ngawn te le Hualngo te heh Neek reih zo si. Tsimi phang in
Bualkhaw-a le Phaizawl-aHualngo te heh Seipi khaw ah vai dang berh in
Ngawn te khen Ngawn ramah vai dang leh si. Phaizawl pin vai dawltaber
heh, Dam Nei Thang ah le En Thang ah si. A tsernu Nu Tung Sung ah zong
heh Phaizawl-a Pa Za Biak zi a si manin tang nom si, Pa Sin Mung nu si.
A Nam ming khen heh 'Tsia-ra' ti si. ( Apapi, Thang TSiara a si ta
'Tsia-ra' tinak si ol si. Bualkhaw-a Hualngo tangnom te heh Suang Lut ha
le Nei Ngai ah si. Ngawn lakpin Bualkhaw ah a tang nom heh Teirol te
si.
Note : Me Phadei Thuanthu heh Rev. N Tsong Sum ngannak si in Phadei Facebook ah Mara Nei post nak te remlehnak om ngawl in Varnak Thuthang ah post/keem/khom sing.
No comments:
Post a Comment