Innsang din tu kei si phang

      Innsang din tinak heh kei kum in a pe ongla tsa ti'n Ziihuai theihnung si. Innsang pakhat din tu kei si phang inn, tangka, motor tebek kul si ngawlin kei thuruatnak khen kul deve si. Nupang pakhat in innsang a din tu phangin na dangval pa vumah muangnak le umnak te peh si. Ma nunnak heem mi pakhat pa nenah pe tu a si phang muang taak ngawl, um taak ngawl pa kheh tutu nupang in sikhen kumkhaw kutlendun, pasel tuh nap teen tu ngawl si.
       Nupang pakhat in a pasel vumah a um nak te heh....
1. A pasel in amah it taktak ti'n um
2. A pasel in amah ang tiarthei, Thupi tsan tu in um
3. A pasel in amah muang nung ngai in kumkhaw it reng tu um
A pasel tuh vumah timi umnak te thaw a nunnak pe atsia Innsang din phang a limdik ber nak heh innsang tsa mailam ah hawhpi ngamtu a thinlung, a sinak nei le mahni ang tiar reng thei tu mipa kheh si si.
        Nupang ten a pasel vumah a muang nak bang, a limdik nak bang a si leh ngawl pha Inn sungsang ah sahnungnak angnungnak om ngawl in nitin buainak tawk veng leh si. Tsimi a sita Innsang pakhat kei din tu phang buainak a suak tuh ngawlin mipa ten zuam kul si sing. Inn sungsang sahnung angnung thei nak tuh heh pa 2 vumah hambun pelh atsia a tuangtung in Pa te vumah thupi sawn si.
         Mipa te kei theireng tuh pakhat nak heh na zii in nangmah a thinlung taktak in it, kumkhaw a nunnak ang tiar thei tu le dasam po ngawlin tsawm theitu a um tsa na nenah a hei zozang a ap lam hei popo mahnen. Pakhat le pakhat vumah umdun nak heh siatsuah beih no si. Sipelhatsia a se saak me umnak kheh a masa bang sileh tu heh har ngaingai si. Patang pha ten kontik ni khen siatsuah awng kel tu ngawl si. Kum khat liam in kumkhat a leng phang kho leilei tu'n puah tu si.
         Na thinlung sungah Pathian mai le mipi maiah thukamnak lianpi thaw nang puai lai kheh phawk reng in. kum 10 a kim sikhen tingni puai bangin ruat la na zii it reng, phatak no in tuamlawm reng veng in. Kum 10, kum 40, kum 90 na kim a si khen na inn sungsang vumah timi bangin ruatnak nei reng in.
        Zii te tinak heh nehsawh tuh, na awnnak heem ah Aw Aw ti theinak tuh, nangmah a kih tuh in puah tuh si ngawl si. A thupiber heh na vumah ah nangmah a umnak paithong tu ngawl heh si si. A khangai lai na it bangin na muangtaak ngai in na it reng a si lekhaw Inn sungsang sahnung, angnung, nuamnak thaw om tu si tsi.