Nitin tawl ngam ngawl sa-up suak in naper deve sipelh, tangka mang ngam ngawlin tangka tum (khawl) tseih deve sipelh a heita kei tangka bawm sungah tangka a dim om veng ngawl si ol ha? Eih le In tsa damsam nak manin na thin buai tsi maw? A heita milian te zong tangka thu ah thinlung buai kul ngawl si ol ha? Tsimita me tangka damsam rengreng thu ah milian luak tillem zawng dang vut rih asing khaw ruat dang rih a sing. Mi rekkhat ten mitsarah luak le milian te luak thuruat thei nak heh bangdun ngawl si ti si. A dangdun nak pakhat heh mi zaraan ten lekhaw nitin ei tuh in tuh ta tian bek ruat atsia milian ten si lekhaw na pakhat a per tula nungsang kawzah aka ngah leh tuh, kawtin lian sawn doh in na ka per thei tuh ti'n ruat masa veng si. Tsimita milian kei si ot lekhaw milian te thuruatnak pa (6) heh paan dang a sing.
1. Tangka bawm sunga tangka upat in
Mi rekkhat te si lekhaw tangka bawm nei ngawl ta khen sibel tu angki dip ah si maw bawngbi dip ah phatak no in khen lep tuam ngawlin tangka thun veng si sing. Me heh nun dan pha ngawl taktak si. A tang thei a si lekhaw tangka bawm lei in a sungah nambat tam pin dawm ti'n a sangsang in thun tuh si. Na tangka bawm sungah tangka kawzah a om ti khen theihdik reng in. Tangka na upat, kei it thiam a si lekhaw tangka in keimahni upat, it deve tu si.
2. A kul ngawl nak ah mang tuh ngawlin Daan nei in
Thil pakhat khat na lei tu phang tangka bawm sunga tangka na suah ma'n phatak no thuruat masa in. Santehnak ah Zuu in pa in milian te in veng nak zuu manhar ting val man in ot deve. Me zuu manhar ka in thei deve lekhaw milak ah leida thei ti'n a in ot deve veng si. Tsimi zuu a in manin heiha a miat a ngah tuh om? A palang zuar leh sikhen za man lun bek si thotho tu si. Vei khat in man heh ni kawzah mang thei tu ti sawn ruat tuh si. Tangka nase tak in na zei nak kheh vei khat kei puah nak man'n thawnthong tsiar awl a sing.
3. Theireng in
Ma deihnak vum bekah thupi tsan in tangka na mang a si lekhaw mai lamah tangkai tampi pi mang tuheh zongsang beihno si. Mi zahlam ten tangka mang tu phang ruat ngah veng ngawl nak pakhat heh Inn sungsang tsa, mah mailam tsa a kultaam nak ah tangka mangin ma taksa ah deihnak ah tangka mang heh si si. Tangka na mang tak ongla a si lekhaw a phaber heh thil pakhat na lei ma ruat masa in. Na ruat masa nap ngawl lekhaw tangka bawm kau mahnen. Ruat ngawl ah tangka na mang nak te kheh ka ruat phawk ngawl ta leleh tu sing titheih leh ngawl si.
4. Thei tsawm in
Na tangka bawm sungah tangka dawmno bek atang na mu lekhaw Aw tangka tam ngai ongla si men ti phuntiar tseih tahin tuni sung ka tangka kawnai ah ka mang, hei a ka lei suak ti theidiknak nei sawn in. Ni dangah thil na lei tu phang lei kul ngawl nak te na thei tiar ahkhaw tangka bawm sunga na suah nak tangka khen a bawm sungah thun leh theitu si tsi.
5. Tangka in tangka zei tiar in
Tangka in tangka zei kei ti phang lamdang ngai tu si tsi. A tinuam ber nak heh kut sungah a om tangka heh keem men ngawl in naper tiar tu tinuam nak si. Saantehnak in tang 100 ka nei asin a zahlam 50 heh ei tuhin koih atsia a dang 50 heh midang put, sipuazii naper nak ah mang tu tinak si. Tsimita tangka kawzah na nei si khen thingkuang sungah khom reng mahnen. Na tangka naper tiar ngawl lekhaw tangka khang ni om tu ngawl (0) bek ngah tu si.
"Milian te bang ruat la, Milian te bang tangka mang mahen"
Ref: F-Files
No comments:
Post a Comment